"جاستار جالىنى" فەستيۆالى مارەگە جەتتى (فوتو)

كەۋدەسىن ارمان وتى شارپىعان جالىندى جاستى وزىنە اسىق ەتكەن دە, عاشىق ەتكەن دە - استانا. ارماندار ورىندالاتىن بۇل شاھاردى كەشەگى  بۋىن "جاستاردىڭ قالاسى" دەپ مويىنداسا, ەكپىنى تاۋ كوتەرگەن بۇگىنگى ۇرپاق ەسىل بويىندا ەركەلەگەن باس قالانى جارقىن بولاشاعىمەن بايلانىستىرادى. سوندىقتان دا "ەلىم" دەگەن جاس ۇرپاق كەڭ بايتاق قازاق دالاسىنىڭ جۇرەگى بوپ سوققان استانامەن بىرگە دامىپ, بىرگە وسەدى. ءان دە جىر دا, بي مەن كۇي دە شىرايلى استانانىڭ, شابىتتى جاستاردىڭ اجىراماس بولىگىنە اينالعان. مىنە, وسىنداي باستامانى نەگىزگە الا وتىرىپ, جاستارمەن تىنىستاعان استانادا جىل سايىن "جاستار جالىنى" فەستيۆالىن وتكىزۋ داستۇرگە اينالعان. ءساۋىردىڭ 8-10 ارالىعىندا ەلورداداعى 11 جوو-نىڭ ستۋدەنتتەرى اراسىندا "استانانىڭ ۇزدىك كومانداسى", جاستار كۋبوگىنا, "ەسترادالىق اندەر", "فوتو", "جىر", "جايدارمان" ويىنى", "بي", "ۇزدىك جانكۇيەرلەر" كومانداسى" جانە "ۇزدىك ستۋدەنت-بلوگەر" نوميناتسيالارى بويىنشا وزارا سايىسقا ءتۇستى. استانا قالاسىنىڭ جاستار ساياساتى ماسەلەلەرى باسقارماسىنىڭ باستاماسىمەن استانا قالاسىنىڭ جاستار ساياساتىن قولداۋ مەملەكەتتىك قورى ەلوردانىڭ جوعارعى وقۋ ورىندارى اراسىندا "جاستار جالىنى - 2014" تەلەۆيزيالىق جاستار شىعارماشىلىق فەستيۆالىن قورىتىندىلادى. تومەندە سول شارادان فوتو رەپورتاج. دانيار الان.