ۇكىمەتتىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقاەۆ قازاقستاندا بىرىڭعاي اۆتوجول كومپانياسىن قۇرۋدى تاپسىرعان ەدى. وسىعان وراي بۇگىندە ارنايى جۇمىس توبى قۇرىلىپ, ىسكە كىرىستى.
سونىمەن قاتار «رەسپۋبليكالىق مەنشىكتىڭ كەيبىر ماسەلەلەرى تۋرالى» قر ۇكىمەتىنىڭ قاۋلىسىنا تۇزەتۋلەر ەنگىزۋ بويىنشا جوبا دايارلانۋدا.
«قازاۆتوجول» ۇلتتىق كومپانياسى مەن «قازاقاۆتوجول» جشس بىرىكتىرۋ تۋراسىنداعى پرەزيدەنت تاپسىرماسىن ىسكە اسىرۋ بويىنشا قۇرىلعان جۇمىس توبى ىسكە كىرىستى. جاقىن ارادا سوڭعى 10 جىلدا جۇزەگە اسىرىلعان اۆتوجول جوبالارىن تەكسەرۋ جونىندەگى كوميسسيا قۇرىلاتىن بولادى. كوميسسيا قۇرامىنا مەملەكەتتىك جانە پروكۋراتۋرا ورگاندارى مەن «اتامەكەن» ۇلتتىق كاسىپكەرلەر پالاتاسىنىڭ وكىلدەرى كىرەدى», دەدى يندۋستريا جانە ينفراقۇرىلىمدىق دامۋ ءمينيسترى قايىربەك وسكەنباەۆ ۇكىمەت وتىرىسىندا.
«ورتالىقتاندىرىلعان باسقارۋ جۇيەسى جۇمىس تيىمدىلىگىن ارتتىرۋعا تىڭ سەرپىن بەرەدى دەپ كۇتىلۋدە. رەسپۋبليكالىق ماڭىزى بار جولداردىڭ ساپاسى ءۇشىن جاۋاپكەرشىلىك بىرىڭعاي وپەراتورعا جۇكتەلەدى», دەلىنگەن قر يدم ءباسپاسوز قىزمەتىنىڭ حابارلاماسىندا.
