كەلىسىمدەرگە قول قويىلدى

كەشە قازاقستان رەسپۋبليكاسى پرەمەر-ءمينيسترىنىڭ ورىنباسارى – قازاقستان رەسپۋبليكاسى قارجى ءمينيسترى باقىت سۇلتانوۆ جانە دۇنيەجۇزىلىك بانكىنىڭ قازاقستانداعى تۇراقتى وكىلى شەبنەم اككايا «يرريگاتسيالىق جانە درەناجدىق جۇيەلەردى جەتىلدىرۋ جونىندەگى جوبانىڭ ەكىنشى فازاسى» مەن «سوت تورەلىگىنىڭ سەكتورىن ينستيتۋتسيونالدىق نىعايتۋ» جوبالارىن قارجىلاندىرۋ ءۇشىن قازاقستان رەسپۋبليكاسى مەن حالىقارالىق قايتا قۇرۋ جانە دامۋ بانكى اراسىنداعى قارىز تۋرالى كەلىسىمدەرگە قول قويدى. حالىقارالىق قايتا قۇرۋ جانە دامۋ بانكى قازاقستان رەسپۋب­ليكاسىنا يرريگاتسيالىق جانە درەناجدىق جۇيە­لە­ردى جەتىلدىرۋ جونىندەگى جوبانىڭ قار­جى­لاندىرۋىنا 102,9 ملن. اقش دوللارى, سونداي-اق, سوت تورەلىگىنىڭ سەك­تورىن نىعايتۋ جوباسىن قارجى­لاندىرۋىنا 36 ملن. اقش دوللارى كولەمىندە قارىز بەرەدى. «اتالعان جوبالاردىڭ جۇزەگە اسىرىلۋى ەلدىڭ ءجيى قونىستانعان وڭتۇستىك جانە وڭتۇستىك-شىعىس ايماق­تارىنداعى ترانسشەكارالىق وزەن باسسەيندەرىندەگى اۋىل تۇر­عىندارىنىڭ الەۋمەتتىك-ەكونو­ميكالىق جانە ەكولوگيالىق ءومىر ءسۇرۋ جاعدايلارىن جاقسارتۋعا جانە ينستيتۋتسيونالدىق نەگىزدەردى نى­عايتۋعا, سونداي-اق, ىسكە اسىرىلىپ جاتقان قۇقىقتىق رەفورمالاردى قولداۋعا باعىتتالعان قازاقستاننىڭ قۇقىقتىق جۇيەسىن ءارى قاراي جەتىل­دىرۋدى قامتاماسىز ەتۋگە مۇمكىندىك جاسايدى», – دەدى باقىت سۇلتانوۆ. قارىزدار حالىقارالىق قايتا قۇرۋ جانە دامۋ بانكىمەن جەڭىلدىك كەزەڭدى قوسا العاندا ۇزاق مەرزىمگە بەرىلەدى. پايىزدىق مولشەرلەمە پايىزدىڭ ءاربىر ەسەپتەلۋ كەزەڭىنە LIBOR+قۇبىلمالى سپرەدكە تەڭ, ول بۇگىنگى كۇنى 1 پايىزدان كەم مولشەردى قۇرايدى. ءبىر جولعى كوميسسيا – 0,25 %-دى قۇرايدى. تارتىلاتىن قارىزعا قىزمەت كورسەتۋ مەن وتەۋدى رەسپۋبليكالىق بيۋدجەت تۋرالى قازاقستان رەسپۋبليكاسىنىڭ زاڭىندا كوزدەلگەن قاراجات ەسەبىنەن قارىز تۋرالى كەلىسىمدە بەلگىلەنگەن قارجىلىق تالاپتارعا سايكەس قازاقستان رەسپۋبليكاسىنىڭ قارجى مينيسترلىگى جۇزەگە اسىراتىن بولادى. ەلىمىز تاۋەلسىزدىك العاننان بەرى دۇنيەجۇزىلىك بانك قازاقستانعا جالپى سوماسى 6,2 ملرد. اقش دوللارى مولشەرىندە قارىز بەردى. دۇنيەجۇزىلىك بانك نەگىزگى ستراتەگيالىق ارىپتەستەردىڭ ءبىرى جانە قازاقستان رەسپۋبليكاسىنىڭ ءىرى دونورلارىنىڭ ءبىرى بولىپ وتىر. بۇل جولعى كەلىسىمدەرگە قول قويۋ تاراپتار اراسىنداعى جوعارى سەنىمدىلىكتى تاعى دا راستايدى جانە ىنتىماقتاستىقتىڭ نىعايۋىنا جارقىن دالەل بولادى. «ەگەمەن-اقپارات».