حالقىمىزدىڭ ءداستۇرلى مۋزىكالىق اسپابىنا نەمىس روزەماريدىڭ قۇشتارلىعىن وياتقان نە قۇدىرەت؟
«مۋزىكا شەكسىز الەم» ورتالىعىنىڭ جەتەكشىسى وسپان سۇلەيمەن ۇلى «ەگەمەنگە» ەرىككەننەن باس سۇقپايدى. گازەتىمىزدىڭ تۇراقتى اۆتورى ءارى ونەر جاناشىرى رەداكتسياعا ۇنەمى جاعىمدى جاڭالىقتى جەتكىزۋگە اسىعادى.
– م.وتەمىسوۆ اتىنداعى وقۋشىلار سارايىندا №1 بالالار مۋزىكا مەكتەبىنىڭ 1 مامىر – حالىقتار دوستىعى مەرەكەسىنە وراي «اياۋلى استانام» اتتى جىلدىق ەسەپ بەرۋ كونتسەرتى ءوتتى. مۇندا ۇلت-اسپاپتار وركەسترى ك.كۇمىسبەكوۆتىڭ «مۋزىكالىق ەسكيزدەر» جانە گروناداستىڭ «يسپان ءبيىن» ورىندادى. مادەنيەت قايراتكەرى ش.قورعانبەكوۆا جەتەكشىلىك ەتەتىن ۇجىمنىڭ ونەرىنە كورەرمەن ريزاشىلىعى شەكسىز. دومبىراشىلار, جەتىگەنشىلەر انسامبلدەرى, اسىرەسە, حالقىمىزدىڭ قاسيەتتى كونە اسپابىنىڭ ءبىرى – قىل قوبىزدا ورىنداۋشىلار ەرەكشە اسەر قالدىردى. قورقىت اتامىزدىڭ كۇيىن ورىنداعان 12 وقۋشىدان تۇراتىن انسامبلگە بەلگىلى قوبىزشى راۋشان ورازباەۆا جەتەكشىلىك ەتەدى, – دەپ ءسوزىن ءبىر قايىرىپ العان مۋزىكانتتىڭ بىزگە ايتاتىن اڭگىمەسىنىڭ قىزىق جەرىنە ءالى جەتە قويماعانىمىزدى ىشتەي سەزىپ وتىرمىز.
سودان كەيىن: «مىنانى كومپيۋتەرىڭىزگە كوشىرىپ الىڭىزشى» – دەپ تاسپانى قولىمىزعا ۇستاتا سالدى. مۇنداعى سۋرەتتەرمەن تانىسىپ شىققانىمىزدا, ىشىنەن سىرتقى بەت-ءپىشىمى قازاق دەۋگە كەلمەيتىن وزگە ءبىر ۇلتتىڭ وكىلىن كوزىمىز شالدى. ەۋروپالىق كەسكىن-كەلبەتى ورىس شىعار دەگەن بايلام جاساتتى. بۇگىندە دومبىرا, قوبىز ت.س.س. ءداستۇرلى مۋزىكالىق اسپاپتاردا ونەر كورسەتىپ جۇرگەن وزگە ۇلتتىڭ وكىلدەرى از با؟ سونداي تاعى ءبىر جانمەن تانىستىرعالى كەلگەن بولار دەگەن ويىمىزدى ءبولىپ جىبەرىپ, ءسوزىن ارى قاراي جالعاستىردى.
– وسى ءانسامبلدىڭ قۇرامىندا گەرمانيا ەلىنەن ارنايى كەلگەن روزەماري كراۋزە حانىم قىل قوبىزبەن ونەر كورسەتكەندە, بەيتانىس قوناقتىڭ شەبەرلىگىنە ءبارىمىز تاڭعالدىق. العاشقىدا بۇل كىسىنى كەشەگى كەڭەس تۇسىندا گەرمانياعا بىزدەن قونىس اۋدارعان جەرلەستەرىمىزدىڭ ءبىرى شىعار دەپ توپشىلاعاندىقتان, ونشا ءمان بەرە قويماعان جۇرت سوڭىنان كەرەمەت ءبىر جاعدايعا تاپ بولدى, – دەپ ءبىزدى ودان ءارى بىلمەككە جۇتىندىرىپ قويدى.
«سوناۋ گەرمانياعا بىرىنشىدەن, قوبىزدىڭ ءۇنى قالاي جەتىپ ءجۇر؟ ەكىنشىدەن, ءوزى نەمىس بولا تۇرا كراۋزە حانىم قورقىت بابامىزدىڭ كۇيىنە سونشاما قالاي عاشىق بولىپ قالعان؟ تۋراسىن ايتقاندا, قىل قوبىزدا ويناۋ ەكىنىڭ بىرىنە بۇيىرا بەرمەيدى. بۇل حالقىمىزدىڭ ەڭ قاسيەتتى دە كيەلى اسپابى سانالادى. سوندىقتان مۇنى ول قالاي ۇيرەنگەن, ودان كەيىن باسى ءبۇتىن سول اسپاپتى تاڭداۋىنىڭ سىرى نەدە؟» دەگەن سانسىز سۇراق سانانى سابالاي جونەلدى.
سۇحباتتاسىمىز ويىمىزدى ۇعىپ قويعانداي. «ەرتەڭىنە مەن بۇل كىسىمەن ادەيى ىزدەپ بارىپ تانىستىم» دەپ ەستىگەننەن گورى, كورگەندى ايتۋعا نىق بەكىندى.
«گەرمانياداعى ەرلانگەن قالاسى تۇرعىنىنىڭ نەگىزگى كاسىبى دارىگەر, تەراپەۆت-پسيحولوگ ەكەنىن ەستىگەنىمدە ودان بەتەر كوپ نارسەنى بىلە تۇسكىم كەلدى», – دەدى و.سۇلەيمەن ۇلى. ونىڭ ايتۋىنشا, روزەماري كراۋزە ينتەرنەتتەن ءوزىنىڭ جانىنا جايلى مۋزىكا اسپابىن ىزدەۋ ارقىلى ءبىزدىڭ ۇلتتىق اسپاپتىڭ قۇدىرەتىنە كوز جەتكىزىپتى. العاشقىدا مىسىر ەلىنىڭ مۋزىكالىق اسپابى داۋىسىنا قۇلاق ءتۇرىپ, سونى تاۋىپ الىپ ۇيرەنەدى. بىراق, بىرتە-بىرتە وعان دەگەن ىنتاسى ازايا باستايدى. اسەر ەتپەگەن دىبىستان تەز جالىعادى. مۇنان كەيىن جانىنا تۇرىكتىڭ سىرنايىن سەرىك ەتىپ كورەدى. ءبىراز ۋاقىت مۇنىمەن سىرلاس, مۇڭداس بولعان جان بىردە ادامنىڭ ىشكى تۇيسىگىنەن اسقان سەزىم جوقتىعىنا كوز جەتكىزەدى. تاعى دا باعىن ينتەرنەتتەن سىناپ كورۋگە بەل بۋادى. جانىنا جاپىراقتاي جىلى تيەتىن جايلى, جۇمساق دىبىس ىزدەۋگە كىرىسەدى. كەنەت بۇرىن-سوڭدى ءۇنىن ەش جەردەن ەستىمەگەن ءبىر اۋەننىڭ سيقىرىنا بالقىپ, لەزدە بايلانىپ قالعان ول ماقساتىنا جەتكەنشە مازاسىز كۇي كەشەدى. تەحنولوگيانىڭ دامىعان زامانىندا ينتەرنەت دەگەنىڭىز اسقاق ارمانىڭىزدى جانىڭىزعا اكەلىپ بايلاپ قوياتىن مۇمكىندىك ەمەس پە؟ سول ارمان وسى اسپاپپەن بىرگە كوكىرەگىنە شۋاق ورناتقانداي. اۋەلى عالامتور ارقىلى بۇل ءۇننىڭ ەرەكشەلىگىن انىقتاپ العىسى كەلەدى. مۇنان كەيىن قوبىزدى ىزدەي كەلە, ول اسپاپ قىتاي ەلىنىڭ ءۇرىمشى قالاسىندا تۇراتىن ۇيعىر شەبەرىنىڭ جاساعان اسپابى ەكەندىگىن بىلەدى. وعان تاپسىرىس بەرگەن ر.كراۋزەنىڭ ءۇش ايدان سوڭ سول ويى جۇزەگە اسادى. الاسۇرعان كوڭىلى شالقار ايدىنعا بولەنگەن شەبەر كەرەمەت ءۇندى اسپاپتىڭ قولىنا تۇسكەندەگى ءساتىن ايتىپ تاۋىسا المايدى. ءسۇيىپ قالاعان اسپاپتا ويناۋدى مۇرات تۇتادى. ۇيرەنەدى. الايدا, ينتەرنەتتەن العان اسەر بولەك تە, ءوزى تارتقانداعى كۇي ودان مۇلدە باسقا سياقتى. ءسويتىپ جۇرگەن ۋاقىتتا, اۆستريانىڭ گراتس قالاسىندا قىل قوبىزشى راۋشان ورازباەۆا جەكە كونتسەرتىن بەرەدى دەگەن حاباردى قۇلاعى شالىپ, ارنايى ىزدەپ بارىپ جولىعادى. تانىسادى. سودان باستاپ, قىل قوبىزدى توقتاماي تارتىپ جۇرەدى. اۆستريادا, گەرمانيادا ۇستازىمەن كەزدەسكەن سايىن ودان ءدارىس الۋىن ارى قاراي جالعاستىرا بەرەدى. وتكەن جىلى ءتىپتى سول ءۇشىن الماتىعا ۇشىپ كەلىپ, 2 اپتا تاعى دا وقىپ قايتقان ەكەن. مىنە, ىزدەنىس نەگە جەتكىزەدى؟ بيىل ءوز وتىنىشىمەن استانا قالاسىندا وتكەن №1 بالالار مۋزىكا مەكتەبىنىڭ ەسەپ بەرۋ كونتسەرتىندە ونەر كورسەتىپ, قىل قوبىزدىڭ كەرەمەتىنە باس يگىزگەن قوناققا مۇنان كەيىن نە دەيسىز؟ نەمىس قىزىنا راحمەت. جۇرتتىڭ ساناسىن ۋلاعان ەسكىلىكتىڭ سارقىنشاعى دەگەن جەلەۋمەن كوزىن جويىپ جىبەرگىسى كەلگەن كەڭەستىك ساياساتتىڭ سۋماڭداعان قىلىشىنان تالاي مارتە موينى كەسىلمەي قالعان قۇندىلىققا قۇرمەت كورسەتە بىلگەنى ءۇشىن. ۇلتتىق مۋزىكالىق اسپابىنان, بايىرعى داستۇرىنەن قول ءۇزىپ, موينى باتىستىڭ بايانسىز جىلتىراعىنا بۇرىلا باستاعان كەيبىر جاستارىمىزعا سول ەلدەردىڭ ءوزى ءبىزدىڭ رۋحاني بايلىعىمىزعا باس ءيىپ, باعىنىپ جاتقانىن دالەلدەپ بەرگەنى ءۇشىن.
قازاق ۇلتتىق ونەر ۋنيۆەرسيتەتىنىڭ اعا وقىتۋشىسى, ءتۇرلى حالىقارالىق, رەسپۋبليكالىق بايقاۋلاردىڭ لاۋرەاتى, مادەنيەت قايراتكەرى راۋشان ورازباەۆامەن اڭگىمەلەسكەنىمىزدە, سول سوزدەردى راستاپ بەردى. «2012 جىلى اۆستريانىڭ گراتس قالاسىندا قىزىم توعجانمەن قوبىز كۇيلەرىنەن كونتسەرت بەرگەنىم ەسىمدە. كونتسەرتتەن سوڭ قاسىمىزعا روزەماري ەسىمدى ايەل كەلىپ: «قوبىز ۇيرەنگىم كەلەدى, قوبىزدىڭ ءۇنى مەنىڭ جۇرەگىمدى قوزعاپ, ىشكى رۋحىمدى وياتتى» دەدى. مەن, ارينە, ۇيرەتەيىن دەپ نيەت ءبىلدىردىم, سەبەبى, قوبىزدىڭ ۇنىندە راسىندا دا ادامنىڭ جۇرەگىن ەمدەيتىن قۇدىرەتتى كۇش بار. مەن وعان ءبىراز ساباق بەردىم. الماتىعا دا كەلىپ مەنەن كوپ نارسە ۇيرەنىپ تۇردى. جىل سايىن ءوزىم گەرمانيا مەن اۆستريا جۇرتشىلىعى الدىندا ونەر كورسەتەمىن. ونداعى جۇرت مەنى تاعاتسىزدانا كۇتەدى. ال ەندى, مىنە, ءدام-تۇز بۇيىرىپ روزەماري ەلورداعا اتباسىن تىرەۋدە. ول مەنىڭ « اققۋ» اتتى شىعارماشىلىق جەكە كونتسەرتىمنىڭ ءساتتى وتۋىنە شەكسىز ۇلەس قوسقان جان. ونىڭ ۇستىنە ۇلتى نەمىس بولا تۇرا قىل قوبىزدى ايرىقشا قۇرمەت تۇتقان وسى ءبىر عاجاپ تاعدىردىڭ شاكىرتتەرىممەن بىرگە انسامبلدە ونەر كورسەتۋى مەن ءۇشىن وتە قۋانىشتى جاعداي. روزەماري قورقىتتىڭ كۇيلەرىن شالقار سەزىممەن وينايدى. بۇل وتە سيرەك كەزدەسەتىن قۇبىلىس» دەگەن ۇستاز استاناعا كەلگەلى سەگىز ايدىڭ ءجۇزى بولىپ قالعانىن, وسى مەرزىمدە №1 بالالار مۋزىكا مەكتەبىندەگى قىل قوبىز كلاسى بويىنشا انسامبل قۇرىپ ۇلگەرگەنىن ايتتى. قوبىز ۇستاعان كراۋزە جۇرەگىن مايداي ەرىتىپ اكەتكەن بابا كۇيى نەتكەن قۇدىرەتتى ەدى!
قاراشاش توقسانباي,
«ەگەمەن قازاقستان».
استانا.
سۋرەتتى تۇسىرگەن ورىنباي بالمۇرات.
سودان كەيىن: «مىنانى كومپيۋتەرىڭىزگە كوشىرىپ الىڭىزشى» – دەپ تاسپانى قولىمىزعا ۇستاتا سالدى. مۇنداعى سۋرەتتەرمەن تانىسىپ شىققانىمىزدا, ىشىنەن سىرتقى بەت-ءپىشىمى قازاق دەۋگە كەلمەيتىن وزگە ءبىر ۇلتتىڭ وكىلىن كوزىمىز شالدى. ەۋروپالىق كەسكىن-كەلبەتى ورىس شىعار دەگەن بايلام جاساتتى. بۇگىندە دومبىرا, قوبىز ت.س.س. ءداستۇرلى مۋزىكالىق اسپاپتاردا ونەر كورسەتىپ جۇرگەن وزگە ۇلتتىڭ وكىلدەرى از با؟ سونداي تاعى ءبىر جانمەن تانىستىرعالى كەلگەن بولار دەگەن ويىمىزدى ءبولىپ جىبەرىپ, ءسوزىن ارى قاراي جالعاستىردى.
– وسى ءانسامبلدىڭ قۇرامىندا گەرمانيا ەلىنەن ارنايى كەلگەن روزەماري كراۋزە حانىم قىل قوبىزبەن ونەر كورسەتكەندە, بەيتانىس قوناقتىڭ شەبەرلىگىنە ءبارىمىز تاڭعالدىق. العاشقىدا بۇل كىسىنى كەشەگى كەڭەس تۇسىندا گەرمانياعا بىزدەن قونىس اۋدارعان جەرلەستەرىمىزدىڭ ءبىرى شىعار دەپ توپشىلاعاندىقتان, ونشا ءمان بەرە قويماعان جۇرت سوڭىنان كەرەمەت ءبىر جاعدايعا تاپ بولدى, – دەپ ءبىزدى ودان ءارى بىلمەككە جۇتىندىرىپ قويدى.
«سوناۋ گەرمانياعا بىرىنشىدەن, قوبىزدىڭ ءۇنى قالاي جەتىپ ءجۇر؟ ەكىنشىدەن, ءوزى نەمىس بولا تۇرا كراۋزە حانىم قورقىت بابامىزدىڭ كۇيىنە سونشاما قالاي عاشىق بولىپ قالعان؟ تۋراسىن ايتقاندا, قىل قوبىزدا ويناۋ ەكىنىڭ بىرىنە بۇيىرا بەرمەيدى. بۇل حالقىمىزدىڭ ەڭ قاسيەتتى دە كيەلى اسپابى سانالادى. سوندىقتان مۇنى ول قالاي ۇيرەنگەن, ودان كەيىن باسى ءبۇتىن سول اسپاپتى تاڭداۋىنىڭ سىرى نەدە؟» دەگەن سانسىز سۇراق سانانى سابالاي جونەلدى.
سۇحباتتاسىمىز ويىمىزدى ۇعىپ قويعانداي. «ەرتەڭىنە مەن بۇل كىسىمەن ادەيى ىزدەپ بارىپ تانىستىم» دەپ ەستىگەننەن گورى, كورگەندى ايتۋعا نىق بەكىندى.
«گەرمانياداعى ەرلانگەن قالاسى تۇرعىنىنىڭ نەگىزگى كاسىبى دارىگەر, تەراپەۆت-پسيحولوگ ەكەنىن ەستىگەنىمدە ودان بەتەر كوپ نارسەنى بىلە تۇسكىم كەلدى», – دەدى و.سۇلەيمەن ۇلى. ونىڭ ايتۋىنشا, روزەماري كراۋزە ينتەرنەتتەن ءوزىنىڭ جانىنا جايلى مۋزىكا اسپابىن ىزدەۋ ارقىلى ءبىزدىڭ ۇلتتىق اسپاپتىڭ قۇدىرەتىنە كوز جەتكىزىپتى. العاشقىدا مىسىر ەلىنىڭ مۋزىكالىق اسپابى داۋىسىنا قۇلاق ءتۇرىپ, سونى تاۋىپ الىپ ۇيرەنەدى. بىراق, بىرتە-بىرتە وعان دەگەن ىنتاسى ازايا باستايدى. اسەر ەتپەگەن دىبىستان تەز جالىعادى. مۇنان كەيىن جانىنا تۇرىكتىڭ سىرنايىن سەرىك ەتىپ كورەدى. ءبىراز ۋاقىت مۇنىمەن سىرلاس, مۇڭداس بولعان جان بىردە ادامنىڭ ىشكى تۇيسىگىنەن اسقان سەزىم جوقتىعىنا كوز جەتكىزەدى. تاعى دا باعىن ينتەرنەتتەن سىناپ كورۋگە بەل بۋادى. جانىنا جاپىراقتاي جىلى تيەتىن جايلى, جۇمساق دىبىس ىزدەۋگە كىرىسەدى. كەنەت بۇرىن-سوڭدى ءۇنىن ەش جەردەن ەستىمەگەن ءبىر اۋەننىڭ سيقىرىنا بالقىپ, لەزدە بايلانىپ قالعان ول ماقساتىنا جەتكەنشە مازاسىز كۇي كەشەدى. تەحنولوگيانىڭ دامىعان زامانىندا ينتەرنەت دەگەنىڭىز اسقاق ارمانىڭىزدى جانىڭىزعا اكەلىپ بايلاپ قوياتىن مۇمكىندىك ەمەس پە؟ سول ارمان وسى اسپاپپەن بىرگە كوكىرەگىنە شۋاق ورناتقانداي. اۋەلى عالامتور ارقىلى بۇل ءۇننىڭ ەرەكشەلىگىن انىقتاپ العىسى كەلەدى. مۇنان كەيىن قوبىزدى ىزدەي كەلە, ول اسپاپ قىتاي ەلىنىڭ ءۇرىمشى قالاسىندا تۇراتىن ۇيعىر شەبەرىنىڭ جاساعان اسپابى ەكەندىگىن بىلەدى. وعان تاپسىرىس بەرگەن ر.كراۋزەنىڭ ءۇش ايدان سوڭ سول ويى جۇزەگە اسادى. الاسۇرعان كوڭىلى شالقار ايدىنعا بولەنگەن شەبەر كەرەمەت ءۇندى اسپاپتىڭ قولىنا تۇسكەندەگى ءساتىن ايتىپ تاۋىسا المايدى. ءسۇيىپ قالاعان اسپاپتا ويناۋدى مۇرات تۇتادى. ۇيرەنەدى. الايدا, ينتەرنەتتەن العان اسەر بولەك تە, ءوزى تارتقانداعى كۇي ودان مۇلدە باسقا سياقتى. ءسويتىپ جۇرگەن ۋاقىتتا, اۆستريانىڭ گراتس قالاسىندا قىل قوبىزشى راۋشان ورازباەۆا جەكە كونتسەرتىن بەرەدى دەگەن حاباردى قۇلاعى شالىپ, ارنايى ىزدەپ بارىپ جولىعادى. تانىسادى. سودان باستاپ, قىل قوبىزدى توقتاماي تارتىپ جۇرەدى. اۆستريادا, گەرمانيادا ۇستازىمەن كەزدەسكەن سايىن ودان ءدارىس الۋىن ارى قاراي جالعاستىرا بەرەدى. وتكەن جىلى ءتىپتى سول ءۇشىن الماتىعا ۇشىپ كەلىپ, 2 اپتا تاعى دا وقىپ قايتقان ەكەن. مىنە, ىزدەنىس نەگە جەتكىزەدى؟ بيىل ءوز وتىنىشىمەن استانا قالاسىندا وتكەن №1 بالالار مۋزىكا مەكتەبىنىڭ ەسەپ بەرۋ كونتسەرتىندە ونەر كورسەتىپ, قىل قوبىزدىڭ كەرەمەتىنە باس يگىزگەن قوناققا مۇنان كەيىن نە دەيسىز؟ نەمىس قىزىنا راحمەت. جۇرتتىڭ ساناسىن ۋلاعان ەسكىلىكتىڭ سارقىنشاعى دەگەن جەلەۋمەن كوزىن جويىپ جىبەرگىسى كەلگەن كەڭەستىك ساياساتتىڭ سۋماڭداعان قىلىشىنان تالاي مارتە موينى كەسىلمەي قالعان قۇندىلىققا قۇرمەت كورسەتە بىلگەنى ءۇشىن. ۇلتتىق مۋزىكالىق اسپابىنان, بايىرعى داستۇرىنەن قول ءۇزىپ, موينى باتىستىڭ بايانسىز جىلتىراعىنا بۇرىلا باستاعان كەيبىر جاستارىمىزعا سول ەلدەردىڭ ءوزى ءبىزدىڭ رۋحاني بايلىعىمىزعا باس ءيىپ, باعىنىپ جاتقانىن دالەلدەپ بەرگەنى ءۇشىن.
قازاق ۇلتتىق ونەر ۋنيۆەرسيتەتىنىڭ اعا وقىتۋشىسى, ءتۇرلى حالىقارالىق, رەسپۋبليكالىق بايقاۋلاردىڭ لاۋرەاتى, مادەنيەت قايراتكەرى راۋشان ورازباەۆامەن اڭگىمەلەسكەنىمىزدە, سول سوزدەردى راستاپ بەردى. «2012 جىلى اۆستريانىڭ گراتس قالاسىندا قىزىم توعجانمەن قوبىز كۇيلەرىنەن كونتسەرت بەرگەنىم ەسىمدە. كونتسەرتتەن سوڭ قاسىمىزعا روزەماري ەسىمدى ايەل كەلىپ: «قوبىز ۇيرەنگىم كەلەدى, قوبىزدىڭ ءۇنى مەنىڭ جۇرەگىمدى قوزعاپ, ىشكى رۋحىمدى وياتتى» دەدى. مەن, ارينە, ۇيرەتەيىن دەپ نيەت ءبىلدىردىم, سەبەبى, قوبىزدىڭ ۇنىندە راسىندا دا ادامنىڭ جۇرەگىن ەمدەيتىن قۇدىرەتتى كۇش بار. مەن وعان ءبىراز ساباق بەردىم. الماتىعا دا كەلىپ مەنەن كوپ نارسە ۇيرەنىپ تۇردى. جىل سايىن ءوزىم گەرمانيا مەن اۆستريا جۇرتشىلىعى الدىندا ونەر كورسەتەمىن. ونداعى جۇرت مەنى تاعاتسىزدانا كۇتەدى. ال ەندى, مىنە, ءدام-تۇز بۇيىرىپ روزەماري ەلورداعا اتباسىن تىرەۋدە. ول مەنىڭ « اققۋ» اتتى شىعارماشىلىق جەكە كونتسەرتىمنىڭ ءساتتى وتۋىنە شەكسىز ۇلەس قوسقان جان. ونىڭ ۇستىنە ۇلتى نەمىس بولا تۇرا قىل قوبىزدى ايرىقشا قۇرمەت تۇتقان وسى ءبىر عاجاپ تاعدىردىڭ شاكىرتتەرىممەن بىرگە انسامبلدە ونەر كورسەتۋى مەن ءۇشىن وتە قۋانىشتى جاعداي. روزەماري قورقىتتىڭ كۇيلەرىن شالقار سەزىممەن وينايدى. بۇل وتە سيرەك كەزدەسەتىن قۇبىلىس» دەگەن ۇستاز استاناعا كەلگەلى سەگىز ايدىڭ ءجۇزى بولىپ قالعانىن, وسى مەرزىمدە №1 بالالار مۋزىكا مەكتەبىندەگى قىل قوبىز كلاسى بويىنشا انسامبل قۇرىپ ۇلگەرگەنىن ايتتى. قوبىز ۇستاعان كراۋزە جۇرەگىن مايداي ەرىتىپ اكەتكەن بابا كۇيى نەتكەن قۇدىرەتتى ەدى!
قاراشاش توقسانباي,
«ەگەمەن قازاقستان».
استانا.
سۋرەتتى تۇسىرگەن ورىنباي بالمۇرات.
