ازەربايجان سۋرەتشىسى ساكىت ماممادوۆتىڭ كۋراتورلىعىمەن وتكەن جيىن اياسىندا بىرقاتار ءىس-شارا ۇيىمداستىرىلعان. كورمەگە قاتىسۋشىلار تۇركيانىڭ جاس سۋرەتشىلەرىنە شەبەرلىك ساعاتتارىن وتكىزدى. ودان بولەك گالەرەيادا ۇلكەن كورمە بولىپ ءوتتى. مادەني ءىس-شاراعا قازاقستاننان بارعان سۋرەتشى سەمبىعالي سماعۇل «اي ۇستاعان ابادان» قاسقىر ءمۇسىنىن الىپ بارعان. كورەرمەندەردىڭ ەرەكشە نازارىنا ىلىككەن ونەر تۋىندىسى قالا مەرى يكرام يماموعلۇنىڭ ۇسىنىسىمەن ىستامبۇلدىڭ كورىكتى ءبىر جەرىنە قويىلماق.
قازاقستاندىق سۋرەتشىنىڭ ايتۋىنشا, اۋزىنا اي تىستەگەن قاسقىر ءمۇسىن تۇركى حالىقتارىنىڭ قايتا جاڭعىرۋىنىڭ سيمۆولى رەتىندە جاسالعان.
«تۇركى حالىقتارى توتەمىنىڭ ءبىرى قاسقىر كوپ سيمۆولداردا ايعا قاراپ ۇلىپ تۇرادى. جالپى, شىعارماشىلىق ادامدارى ياكي بيلىك وكىلدەرى قوعامدا ءبىر وزگەرىستەر جاساپ وتىرادى. مىسالى, مەن مۇندا قاسقىردىڭ ايعا قاراپ ۇلىماي, سول ايدى ۇستاعان زامان كەلەتىنىن مەڭزەدىم. بۇل عاسىردا تۇركى حالىقتارىنىڭ باسى بىرىگىپ, بىرلىگى ارتادى دەپ سەنەمىن. تۇركيادا وتكەن كورمە دە بارشا تۇركى حالىقتارىنا ورتاق مادەنيەتتىڭ قالىپتاسۋىنا ىقپال ەتىپ وتىر», دەيدى س.سماعۇل.
ايتا كەتەيىك, قالا مەرى ءار قاتىسۋشىنىڭ ءبىر-ءبىر جۇمىسىن ءوز مۋزەيىنە ساتىپ العان. وعان قوسا تۇركيالىق كاسىپكەرلەردى كورمەگە شاقىرىپ, تۋىندىلاردىڭ ساتىلۋىنا ىقپال ەتكەن.
