«پورتتاردىڭ ەكولوگيالىق ساراپتاما جۇيەسىندەگى» جاسىل پورت سەرتيفيكاتى ءبىزدىڭ حالىقارالىق جانە ەۋروپالىق دەڭگەيدە جۇمىس جاساي الاتىنىمىزدى كورسەتەدى. اقتاۋ ساۋدا پورتى ەكولوگيالىق, جۇمىس پروتسەسى بارىسىنداعى قاۋىپسىزدىك ستاندارتتارىنا تولىق جاۋاپ بەرەدى. بۇل ءوز كەزەگىندە ءبىزدىڭ تۇتىنۋشىلار الدىندا بارلىق تالاپتارعا سايكەس كەلەتىن, جوعارى ساپالى قىزمەت كورسەتەتىن پورت ەكەنىمىزدى بىلدىرەدى», دەدى اقتاۋ حالىقارالىق تەڭىز ساۋدا پورتىنىڭ توراعاسى اباي تۇركپەنباەۆ.
حالىقارالىق سەرتيفيكاتتى تابىستاۋ راسىمىنە ەقىۇ-نىڭ ەۋروپادان كەلگەن دەلەگاتسياسى مەن وسى ۇيىمنىڭ ەنەرگەتيكالىق قاۋىپسىزدىك سالاسىنداعى باعدارلامالار جونىندەگى اعا قىزمەتكەرى دەنيەل كروسس, ەقىۇ حاتشىلىعى, ماڭعىستاۋ وبلىسى اكىمىنىڭ ءبىرىنشى ورىنباسارى بەكبول ورىنباساروۆ قاتىستى.
