ايتا كەتۋ كەرەك, پارتيالىق كوميسسيانىڭ كومەگىمەن بۋتاكوۆكا اۋدانىنداعى 5 گەكتار جەر ۋچاسكەسى مەملەكەت مەنشىگىنە قايتارىلدى. وندا جويىلۋعا شاق قالعان الما باعى بار. الايدا اماناتتىقتار بيىل كۇزدە جەرگىلىكتى تۇرعىندارمەن بىرگە سەنبىلىك وتكىزىپ, الما اعاشىنىڭ جاڭا كوشەتتەرىن وتىرعىزۋعا دايىن ەكەنىن جەتكىزدى.
«كوپتەگەن قالادا, سونىڭ ىشىندە الماتىدا, اسىرەسە تاۋلى شاعىن اۋدانداردا رەتسىز, جۇيەسىز قۇرىلىستارعا قاتىستى تۇيتكىلدى ماسەلەلەر بار. بۋتاكوۆكاداعى ماسەلە وڭ شەشىمىن تاۋىپ كەلەدى. پارتيانىڭ كومەگىمەن ءبىز تۋىپ-وسكەن جەرىنىڭ تاعدىرىنا بەيجاي قارامايتىن قاراپايىم تۇرعىنداردىڭ ماسەلەلەرىن شەشەمىز. بۇل – اتقارىپ جاتقان جۇمىسىمىزدىڭ اسا ماڭىزدى اسپەكتىسى», دەدى اۋىل شارۋاشىلىعى مينيسترلىگىنىڭ جەر رەسۋرستارىن باسقارۋ كوميتەتىنىڭ توراعاسى مۇرات تەمىرجانوۆ.
«گورنىي گيگانت» شاعىن اۋدانىنىڭ تۇرعىندارى دا وسىنداي ماسەلەلەرگە تاپ بولعان. كوتتەدج قالاشىعىن تۇرعىزۋ ءۇشىن جاڭا قوجايىندارى 9 گەكتار جەردەگى اعاشتاردى وتاپ تاستاعىلارى كەلەدى. قازىر مۇندا الما باعى ورنالاسقان.
«1989 جىلى اكەم كەلىسىمشارتتا كورسەتىلگەندەي, بۇل جەردى كەيىن مۇراعا قالدىرۋ قۇقىعىمەن 49 جىلعا جالعا الدى. مۇندا بۇكىل وتباسىمىزبەن بىرگە الما وسىرۋمەن اينالىسامىز. 1998 جىلى تالعار اۋدانىنا تيەسىلى جەرلەردى الماتى وبلىسىنان الماتى قالاسىنا بەرۋ تۋرالى شەشىم شىقتى. وسىلايشا, ءبىزدىڭ باقشامىز قالا اۋماعىندا قالىپ قويدى. بەلگىسىز سەبەپتەرمەن جەر ۋچاسكەسىنىڭ يەسى وزگەردى. ياعني ءبىزدى باقشامىزبەن, قۇرىلىس نىساندارىمىزبەن بىرگە ساتىپ جىبەردى. سول ۋاقىتتان بەرى ادىلدىككە قول جەتكىزۋگە تىرىسىپ كەلەمىز», دەدى جەرگىلىكتى تۇرعىن شاياحمەت حامراەۆ.
وسى ۋچاسكەنى بەرۋدىڭ بارلىق ءمان-جايىن انىقتاۋ جۇمىسى «جەر اماناتى» كوميسسياسىنىڭ شەشىمىمەن قالالىق جەر رەسۋرستارىن باسقارۋ دەپارتامەنتىنە جۇكتەلەدى.
ء«بىر اي بۇرىن شاياحمەت ماعان كەڭەس الۋعا كەلدى. ونىڭ ماتەريالدارىن زەرتتەدىم. بۇل سيرەك الما اعاشتارى ساقتالعان جالعىز باق دەپ ايتا الامىن. قازىر مۇندا حامراەۆتار وتباسى مەن «ەرمەساي» جشس-نىڭ ۋچاسكەسى بار. حامراەۆتار بۇل ۋچاسكەنى تالعار اۋدانى تۇسىندا الدى. اكىمنىڭ قاۋلىسى دا, كۋالىگى دە بار», دەپ اتاپ ءوتتى كوميسسيا مۇشەسى, زاڭگەر باقىتجان بازاربەك.
وسى كۇنى پارتيالىقتار بۇرىن كامەنسكوە پلاتو اۋىلى ورنالاسقان مەدەۋ اۋدانى تۇرعىندارىنىڭ شاعىمدارىن تىڭدادى. 2014 جىلى بۇل جەر قالا اۋماعىنا قوسىلدى. جەرگىلىكتى تۇرعىنداردىڭ ايتۋىنشا, قالاعا قوسىلعاننان بەرى پروبلەمالار باستالعان.
«اق قايىڭ» شيپاجايىنان جوعارى بارلىق بەتكەي ۇساق ۋچاسكەگە بولىنگەن. ءبىر كەزدەرى مۇنىڭ ءبارى شارۋا قوجالىعىنىڭ اۋماعى بولعان ەدى. سوسىن قانداي دا ءبىر «عاجايىپ» جاعدايمەن بۇل جەردىڭ بارلىعى جەكەمەنشىككە ءوتتى. ەڭ قورقىنىشتىسى – قازىر سالىنىپ جاتقان قۇرىلىس نىساندارى كەز كەلگەن ۋاقىتتا قۇلاپ كەتۋى مۇمكىن. بەتكەيلەردى نىعايتۋ ءۇشىن ارنايى باقتار وتىرعىزىلدى. وسىلايشا, اۋىل شارۋاشىلىعىن جولعا قويىپ, قالانىڭ سيمۆولى – اپورت وسىردىك. كەز كەلگەن ۋاقىتتا وسى كوتتەدجدەردىڭ ۇيىندىلەرى استىندا قالامىز با دەگەن قورقىنىشتا ءومىر ءسۇرىپ جاتىرمىز», دەيدى جەرگىلىكتى تۇرعىن ۆاسيليسا قۋانىشەۆا.
كوميسسيا مۇشەلەرى تۇرعىنداردى جاعدايدى جونگە كەلتىرۋ ءۇشىن بارلىق شارا قابىلداناتىنىنا سەندىردى.
«وسى جەر ۋچاسكەلەرىنىڭ قالايشا جەكەمەنشىككە ءوتىپ كەتكەنىن انىقتاۋ قاجەت. ونىڭ ۇستىنە بۇل ۋچاسكەلەر ىلە-الاتاۋ ۇلتتىق پاركىمەن شەكتەسەدى. الايدا پارك اۋماعىنا 2 شاقىرىم قاشىقتىقتا قانداي دا ءبىر قۇرىلىس نىساندارىن تۇرعىزۋعا تىيىم سالىنعانى بەلگىلى. ناقتى شارا قابىلدانادى. جەرگىلىكتى تۇرعىنداردىڭ ومىرىنە قاۋىپ توندىرەتىن زاڭسىز, رەتسىز قۇرىلىس جۇمىستارى توقتاتىلۋعا ءتيىس», دەدى كوميسسيا توراعاسى, پارتيا حاتشىسى داۋلەت كارىبەك.
سونىمەن قاتار اماناتتىقتار ءال-فارابي اتىنداعى قازاق ۇلتتىق ۋنيۆەرسيتەتى اۋماعىندا بەلسەندىلەرمەن جانە قوعام قايراتكەرلەرىمەن كەزدەستى. زاڭسىز بەرىلگەن 1,09 گەكتار جەر سوت شەشىمىمەن ۋنيۆەرسيتەت مەنشىگىنە قايتارىلادى. بۇعان قوسا وسى ماسەلە «جەر اماناتى» كوميسسياسىنىڭ باقىلاۋىنا الىنادى.
«2017 جىلى ەسەپ كوميتەتى ءال-فارابي اتىنداعى قازۇۋ يەلىگىندەگى 1 گەكتار جەر ۋچاسكەسى جەتىسپەۋشىلىگىن انىقتادى. بۇل جەر 2017 جىلى اكىمدىكتىڭ قاۋلىسىمەن يەلىكتەن شىعارىلعان. وسى زاڭسىزدىق انىقتالدى. ۇيعارىم بار, مەرزىمى اياقتالدى, سوندىقتان قايتادان سوتقا بەرەمىز», دەدى باقىتجان بازاربەك.
جەر ماسەلەسىن جەدەل شەشۋ ءۇشىن قازاقستاندىقتار بۇگىننەن باستاپ بارلىق زاڭ بۇزۋ فاكتىلەرى تۋرالى Amanat پارتياسىنىڭ «جەدەل جەلى» 8 800 080 44 41 تەلەفونى ارقىلى حابارلاي الادى.
وتىنىمدەر WhatsApp ارقىلى دا +77008004441 ءنومىرى بويىنشا قابىلدانادى.
