قازاقستان رەسپۋبليكاسى ستاتيستيكا اگەنتتىگىنىڭ بۇيرىعى № 283

2013 جىلعى 29 قاراشا, استانا قالاسى قازاقستان رەسپۋبليكاسى ستاتيستيكا اگەنتتىگىنىڭ جانە ونىڭ اۋماقتىق ورگاندارىنىڭ مەملەكەتتىك قىزمەتشىلەرىنىڭ قىزمەت ەتيكاسىنىڭ قاعيدالارىن بەكىتۋ تۋرالى «قازاقستان رەسپۋبليكاسى مەملەكەتتىك قىزمەتشىلەرىنىڭ ار-نامىس كودەكسى تۋرالى» قازاقستان رەسپۋبليكاسى پرەزيدەنتىنىڭ 2005 جىلعى 3 مامىرداعى № 1567 جارلىعىنا وزگەرىستەر ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2013 جىلعى 1 قازانداعى № 651 جارلىعىنىڭ 2 – تارماعىن جانە قازاقستان رەسپۋبليكاسى ۇكىمەتىنىڭ 2004 جىلعى 31 جەلتوقسانداعى № 1460 قاۋلىسىمەن بەكىتىلگەن قازاقستان رەسپۋبليكاسى ستاتيستيكا اگەنتتىگى (بۇدان ءارى اگەنتتىك) تۋرالى ەرەجەنىڭ 20-تارماعىنىڭ 7) تارماقشاسىن ورىنداۋ تۇرعىسىندا, بۇيىرامىن: 1. قوسا بەرىلىپ وتىرعان اگەنتتىكتىڭ جانە ونىڭ اۋماقتىق ورگاندارىنىڭ مەملەكەتتىك قىزمەتشىلەرىنىڭ قىزمەت ەتيكاسىنىڭ قاعيدالارى بەكىتىلسىن. 2. پەرسونالدى باسقارۋ قىزمەتى اگەنتتىكتىڭ زاڭ دەپارتامەنتىمەن بىرگە زاڭنامامەن بەلگىلەنگەن تارتىپتە: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن قامتاماسىز ەتسىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ونى 10 كۇنتىزبەلىك كۇن ىشىندە بۇقارالىق اقپارات قۇرالدارىندا رەسمي جاريالانۋعا جولداسىن. 3) وسى بۇيرىق قازاقستان رەسپۋبليكاسى ستاتيستيكا اگەنتتىگىنىڭ ينتەرنەت-رەسۋرسىندا مىندەتتى جاريالانۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ اگەنتتىكتىڭ جاۋاپتى حاتشىسىنا جانە اۋماقتىق ورگانداردىڭ باسشىلارىنا جۇكتەلسىن. 4. وسى بۇيرىق ونىڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. توراعا ءا. سمايىلوۆ. قازاقستان رەسپۋبليكاسى ستاتيستيكا اگەنتتىگى توراعاسىنىڭ 2013 جىلعى 29 قاراشاداعى № 283 بۇيرىعىمەن بەكىتىلگەن قازاقستان رەسپۋبليكاسى ستاتيستيكا اگەنتتىگىنىڭ جانە ونىڭ اۋماقتىق ورگاندارىنىڭ مەملەكەتتىك قىزمەتشىلەرىنىڭ قىزمەت ەتيكاسىنىڭ قاعيدالارى 1. جالپى ەرەجەلەر 1. وسى قازاقستان رەسپۋبليكاسى ستاتيستيكا اگەنتتىگىنىڭ جانە ونىڭ اۋماقتىق ورگاندارىنىڭ مەملەكەتتىك قىزمەتشىلەرىنىڭ قىزمەت ەتيكاسىنىڭ قاعيدالارى (بۇدان ءارى - قاعيدا) «قازاقستان رەسپۋبليكاسى مەملەكەتتىك قىزمەتشىلەرىنىڭ ار-نامىس كودەكسى تۋرالى» قازاقستان رەسپۋبليكاسى پرەزيدەنتىنىڭ 2005 جىلعى 3 مامىرداعى № 1567 جارلىعىنا وزگەرىستەر ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2013 جىلعى 1 قازانداعى № 651 جارلىعىنىڭ 2-تارماعىنا جانە جالپى قابىلدانعان مورالدىق-ەتيكالىق نورمالارعا سايكەس ازىرلەندى جانە قازاقستان رەسپۋبليكاسى ستاتيستيكا اگەنتتىگىنىڭ جانە ونىڭ اۋماقتىق ورگاندارىنىڭ مەملەكەتتىك قىزمەتشىلەرى مىنەز-قۇلقىنىڭ نەگىزگى ستاندارتتارىن بەلگىلەيدى. 2. وسى قاعيدا قازاقستان رەسپۋبليكاسى ستاتيستيكا اگەنتتىگىنىڭ (بۇدان ءارى - اگەنتتىك) جانە ونىڭ اۋماقتىق ورگاندارىنىڭ مەملەكەتتىك قىزمەتشىلەرىنىڭ ءوز قىزمەتتىك مىندەتتەرىن ورىنداۋ, ارىپتەستەرىمەن جانە ازاماتتارمەن قارىم-قاتىناس جاساۋ بارىسىنداعى مىنەز-قۇلقىنىڭ نەگىزگى نورمالارىن انىقتايدى. 3. وسى قاعيدانىڭ ماقساتتارى: 1) اگەنتتىكتىڭ جانە ونىڭ اۋماقتىق ورگاندارىنىڭ مەملەكەتتىك قىزمەتشىلەرى وزدەرىنىڭ كاسىبي قىزمەتىن لايىقتى ورىنداۋى, سونداي-اق مەملەكەتتىك قىزمەتشى بەدەلىن, ازاماتتاردىڭ مەملەكەتتىك ورگاندارعا سەنىمىن نىعايتۋعا جاردەمدەسۋ ءۇشىن ولاردىڭ قازاقستان رەسپۋبليكاسى مەملەكەتتىك قىزمەتشىلەردىڭ مىنەز-قۇلقىنىڭ نەگىزگى ستاندارتتارىن ساقتاۋى; 2) اگەنتتىكتە جانە ونىڭ اۋماقتىق ورگاندارىندا قولايلى مورالدىق- پسيحولوگيالىق كليماتتى جاساۋ جانە قولداۋ بولىپ تابىلادى. 4. اگەنتتىكتىڭ جانە ونىڭ اۋماقتىق ورگاندارىنىڭ مەملەكەتتىك قىزمەتشىلەرى: 1) ستاتيستيكالىق قىزمەتتى جۇزەگە اسىرۋ كەزىندە جالپى قابىلدانعان مورالدىق-ەتيكالىق نورمالاردى ساقتاۋى; 2) ءوز جۇمىسىندا ادالدىق جانە ادامگەرشىلىك تانىتۋى, كاسىبي قىزمەتىن جۇزەگە اسىرۋ كەزىندە كىشىپەيىل بولۋى; 3) اگەنتتىكتىڭ جانە ونىڭ اۋماقتىق ورگاندارىنىڭ ءتيىمدى جۇمىسىن قامتاماسىز ەتۋ ءۇشىن قىزمەتتىك مىندەتتەرىن ادال جانە جوعارى كاسىبي دەڭگەيدە ورىنداۋى; 4) قىزمەتتىك سۋبورديناتسيانى ساقتاۋى; 5) لاۋازىمدىق مىندەتتەرىن ادال ورىنداۋعا كەدەرگى كەلتىرەتىن, قانداي دا ءبىر جەكە, م ۇلىكتىك (قارجىلىق) جانە وزگە دە مۇددەلەردىڭ اسەرىمەن بايلانىستى ارەكەتتەردى بولدىرماۋى; 6) ارىپتەستەرىنە كومەكتەسۋى جانە بىلىمىمەن, تاجىريبەسىمەن ءبولىسۋى; 7) قاراماعىنداعى مەملەكەتتىك قىزمەتشىلەرگە انىق ورىندالمايتىن تاپسىرمالار بەرمەۋى جانە ولاردىڭ قىزمەتتىك مىندەتتەرىنەن تىس تاپسىرمالار ورىنداۋدى تالاپ ەتپەۋى; 8) قاراماعىنداعى قىزمەتكەرلەرىنە قاتىستى قىزمەتتىك جوعارلاۋىنا كەدەرگى كەلتىرۋگە, مانساپتىق جوعارىلاۋى كەزىندە كاسىبي, ىسكەرلىك, جانە جەكە قاسيەتتەرىن ءادىل ەمەس باعالاۋ فاكتىلەرىنە جول بەرمەۋى, ادامدىق قادىر-قاسيەتتەرىن كەمسىتۋگە, دورەكىلىك, جونسىزدىك تانىتپاۋى ءتيىس; 9) قاراماعىنداعى مەملەكەتتىك قىزمەتشىلەردىڭ ءوز فۋنكتسيالارىن جانە مىندەتتەرىن ورىنداۋ بارىسىنداعى باستاماشىلىعىن قولداۋى جانە كوتەرمەلەۋى; 10) ءوز جۇمىس ۋاقىتىن ءتيىمدى پايدالانۋى جانە باسقالاردىڭ جۇمىس ىستەۋىنە كەدەرگى كەلتىرمەۋى; 11) تىكەلەي باسشىنى حاباردار ەتە وتىرىپ, جۇمىستى ورىنداۋعا كەدەرگى كەلتىرەتىن نەمەسە قيىندىق تۋدىراتىن سەبەپتەر مەن شارتتاردى جويۋ بويىنشا شارالاردى قابىلداۋى; 12) اگەنتتىكتىڭ جانە ونىڭ اۋماقتىق ورگاندارىنىڭ لاۋازىمى بويىنشا جوعارى تۇرعان مەملەكەتتىك قىزمەتشىسىنە ءوزىنىڭ ءجۇرىس-تۇرىسىمەن ەتيكا مەن ىسكەرلىك ەتيكەت نورمالارى مەن قاعيدالارىن جاقسى مەڭگەرگەنىن كورسەتۋى ءتيىس. 5. اگەنتتىكتىڭ جانە ونىڭ اۋماقتىق ورگاندارىنىڭ مەملەكەتتىك قىزمەتشىلەرى ءوز ارىپتەستەرىنە جانە باسقا ازاماتتارعا قاتىستى قىزمەتتىك مىنەز-قۇلقىندا: 1) جىنىسىنا, جاسىنا, ناسىلىنە, ۇلتىنا, تىلىنە, الەۋمەتتىك, م ۇلىكتىك نەمەسە وتباسىلىق جاعدايىنا بايلانىستى كەمسىتۋشىلىك سيپاتتاعى پىكىر ايتۋدان جانە ءىس-ارەكەتتەردەن; 2) دورەكىلىك, مەنسىنبەيتىن داۋىسپەن, تەرىس تۇسىنىك, زاڭسىز جانە جازىقسىز كىنا ارتۋ; 3) شيەلەنىستى جاعداي تۋعىزاتىن قورقىتۋ, كەمسىتۋ سوزدەرىن ايتۋدان باس تارتۋى ءتيىس. 6. اگەنتتىكتىڭ جانە ونىڭ اۋماقتىق ورگاندارىنىڭ مەملەكەتتىك قىزمەتشىلەرى ازاماتتارمەن قارىم-قاتىناس كەزىندە سىپايى, كىشىپەيىل بولۋى كەرەك جانە ازاماتتاردا ولاردىڭ مىنەز-ق ۇلىق مادەنيەتى جانە كاسىبيلىگى تۋرالى جاعىمدى پىكىر قالىپتاستىرۋعا ىقپال ەتۋى ءتيىس. 7. اگەنتتىكتىڭ جانە ونىڭ اۋماقتىق ورگاندارىنىڭ مەملەكەتتىك قىزمەتشىلەرى ار-نامىس كودەكسىمەن بەلگىلەنگەن سىبايلاس جەمقورلىققا قاتىستى مىنەز-ق ۇلىقتى ساقتاۋى ءتيىس. 8. اگەنتتىكتە جانە ونىڭ اۋماقتىق ورگاندارىندا مەملەكەتتىك قىزمەتشىلەردى جۇمىسقا قابىلداۋ كەزىندە كەمسىتۋشىلىكتىڭ كەز-كەلگەن تۇرىنە جول بەرىلمەيدى. كادرلاردى تاڭداۋ جانە جىلجىتۋ قازاقستان رەسپۋبليكاسىنىڭ زاڭناماسىنا سايكەس جۇزەگە اسىرىلادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 23 جەلتوقسانداعى نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №9013 بولىپ ەنگىزىلدى.