شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, كوشى-قون قىزمەتىنىڭ ماماندارى ەل اۋماعىنا كەلگەن شەتەلدىك ازاماتتاردىڭ مەكەنجايلارىن, ولاردى قابىلداۋشى ادامداردىڭ ءتيىستى ورگاندارعا حابارلاپ وتىرۋلارىن تۇراقتى تۇردە تەكسەرۋدە.
«سونىڭ ناتيجەسىندە, ۋاكىلەتتى ورگاننىڭ رۇقساتىنسىز وڭىردە جۇمىس ىستەگەن وزبەكستان رەسپۋبليكاسىنىڭ 5 ازاماتى انىقتالدى. ولار سوت شەشىمىمەن قازاقستان اۋماعىنان شىعارىلعان. قولدانىستاعى زاڭناماعا سايكەس ەندى اتالعان شەتەلدىكتەرگە ەلگە كىرۋگە 5 جىل بويىنا تىيىم سالىندى», دەدى وبلىستىق پد كوشى-قون قىزمەتى باسقارماسىنىڭ باستىعى ماكسيم پۋپكوۆ.
سونداي-اق شەتەلدىكتەردى جۇمىسقا زاڭسىز تارتقانى ءۇشىن جۇمىس بەرۋشىنى قر اقبتك 519-بابى بويىنشا اكىمشىلىك جاۋاپكەرشىلىككە تارتۋ ماقساتىندا ءتيىستى ماتەريالدار شىعىس قازاقستان وبلىسىنىڭ مەملەكەتتىك ەڭبەك ينسپەكتسياسى باسقارماسىنا جولداندى.
