سينوپتيكتەردىڭ مالىمەتىنشە, وڭتۇستىك تسيكلون جانە ونىمەن بايلانىسقان اتموسفەرالىق فرونتالدى بولىكتەر ەل تەرريتورياسىنىڭ باسىم بولىگىنە ىقپال ەتەدى. جاڭبىر, نايزاعاي, بۇرشاق, جەلدىڭ كۇشەيۋى كۇتىلەدى.
سونداي-اق وڭتۇستىگىندە كۇندىز شاڭدى داۋىل, سولتۇستىگىندە تۇندە جانە تاڭەرتەڭ تۇمان بولۋى مۇمكىن.
تەك قازاقستاننىڭ باتىسى مەن وڭتۇستىك-باتىسىندا انتيتسيكلوننىڭ اسەرىنەن جاۋىن-شاشىنسىز اۋا رايى بولادى.
قىزىلوردا وبلىسىنىڭ باسىم بولىگىندە, باتىس قازاقستان وبلىسىنىڭ باتىسىندا, سولتۇستىك-شىعىسىندا, اتىراۋ وبلىسىنىڭ شىعىسىندا, سولتۇستىگىندە, تۇركىستان وبلىسىنىڭ ءشولدى اۋداندارىندا توتەنشە ءورت قاۋپى ساقتالادى.
كۇندىز اتىراۋ وبلىسىندا, باتىس قازاقستان وبلىسىنىڭ وڭتۇستىك-باتىسىندا, اقتوبە وبلىسىنىڭ وڭتۇستىگىندە, باتىسىندا, ماڭعىستاۋ وبلىسىنىڭ وڭتۇستىگىندە قاتتى ىستىق بولادى.
