2014 جىلعى 17 اقپان, استانا, ۇكىمەت ءۇيى
كەمە قاتىنايتىن گيدروتەحنيكالىق قۇرىلىستاردى (شليۋزدەردى) تەحنيكالىق پايدالانۋ, تەكسەرۋ جانە جوندەۋ قاعيدالارىن بەكىتۋ تۋرالى
«ىشكى سۋ كولىگى تۋرالى» 2004 جىلعى 6 شىلدەدەگى قازاقستان رەسپۋبليكاسىنىڭ زاڭى 8-بابىنىڭ 28-1) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان كەمە قاتىنايتىن گيدروتەحنيكالىق قۇرىلىستاردى (شليۋزدەردى) تەحنيكالىق پايدالانۋ, تەكسەرۋ جانە جوندەۋ قاعيدالارى بەكىتىلسىن. 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى س.احمەتوۆ. قازاقستان رەسپۋبليكاسى ۇكىمەتىنىڭ 2014 جىلعى 17 اقپانداعى №95 قاۋلىسىمەن بەكىتىلگەن كەمە قاتىنايتىن گيدروتەحنيكالىق قۇرىلىستاردى (شليۋزدەردى) تەحنيكالىق پايدالانۋ, تەكسەرۋ جانە جوندەۋ قاعيدالارى 1. جالپى ەرەجەلەر 1. وسى كەمە قاتىنايتىن گيدروتەحنيكالىق قۇرىلىستاردى (شليۋزدەردى) ەحنيكالىق پايدالانۋ, تەكسەرۋ جانە جوندەۋ قاعيدالارى (بۇدان ءارى – قاعيدالار) «ىشكى سۋ كولىگى تۋرالى» قازاقستان رەسپۋبليكاسىنىڭ زاڭى 8-بابىنىڭ 28-1) تارماقشاسىنا سايكەس ازىرلەندى جانە كەمە قاتىنايتىن گيدروتەحنيكالىق قۇرىلىستاردى (شليۋزدەردى) تەحنيكالىق پايدالانۋ, تەكسەرۋ جانە جوندەۋ ءتارتىبىن ايقىندايدى. 2. وسى قاعيدالاردا مىناداي ايقىندامالار پايدالانىلادى: 1) اۆاريا – تەحنولوگيالىق پروتسەستىڭ بۇزىلۋى, تەتىكتەردىڭ, جابدىقتار مەن قۇرىلىستاردىڭ زاقىمدانۋى; 2) باقىلاناتىن كورسەتكىشتەر – تەحنيكالىق قۇرالداردىڭ كومەگىمەن ولشەنگەن نەمەسە قۇرىلىس ولشەمدەرى نەگىزىندە ەسەپتەلگەن گيدروتەحنيكالىق قۇرىلىستاردىڭ جاي-كۇيىنىڭ ساندىق جانە ساپالىق پارامەترلەرى; 3) گيدروتەحنيكالىق قۇرىلىستىڭ قاۋىپسىزدىگى – كەمە قاتىناسىنىڭ قاۋىپسىزدىگىن جانە ادامداردىڭ ءومىرىن, دەنساۋلىعىن, قورشاعان ورتانى جانە شارۋاشىلىق وبەكتىلەرىن قورعاۋدى قامتاماسىز ەتۋگە مۇمكىندىك بەرەتىن گيدروتەحنيكالىق قۇرىلىستىڭ ء(شليۋزدىڭ) قاسيەتى; 4) گيدروتەحنيكالىق قۇرىلىس (شليۋز) قاۋىپسىزدىگىنىڭ كريتەريلەرى – گيدروتەحنيكالىق قۇرىلىستى ء(شليۋزدى) پايدالانۋدىڭ, تەحنيكالىق قىزمەت كورسەتۋ مەن جوندەۋدىڭ, ونى پايدالانۋعا بەرۋ مەن پايدالانۋدان شىعارۋدىڭ ءارتۇرلى رەجيمدەرى مەن جاعدايلارى كەزىندە ونىڭ قاۋىپسىزدىگىن سيپاتتايتىن باقىلاناتىن دياگنوستيكالىق كورسەتكىشتەردىڭ شەكتى ماندەرى; 5) دياگنوستيكالىق كورسەتكىشتەر – «قۇرىلىس – نەگىز – سۋ قويماسى» گيدروتەحنيكالىق قۇرىلىس جۇيەسىنىڭ تۇتاستاي العاندا نەمەسە ونىڭ جەكەلەگەن بولىكتەرىنىڭ قاۋىپسىزدىگىنە باعا بەرۋگە مۇمكىندىك بەرەتىن گيدروتەحنيكالىق قۇرىلىستىڭ ء(شليۋزدىڭ) جاي-كۇيىن دياگنوستيكالاۋ مەن باعالاۋ ءۇشىن نەعۇرلىم ماڭىزدى باقىلاناتىن كورسەتكىشتەر; 6) جوعارعى جانە تومەنگى بەف – گيدروتەحنيكالىق قۇرىلىستان (شليۋزدەن) تيىسىنشە جوعارى جانە تومەن ورنالاسقان وزەن (ارنا) ۋچاسكەسى; 7) جوندەۋ – گيدروتەحنيكالىق قۇرىلىستىڭ ء(شليۋزدىڭ) جارامدى كۇيىن قالپىنا كەلتىرۋ جونىندەگى جۇمىستار كەشەنى; 8) ك1 – دياگنوستيكالىق كورسەتكىشتەر ماندەرىنىڭ ەسكەرتۋ دەڭگەيى, وعان قول جەتكىزىلگەن كەزدە گيدروتەحنيكالىق قۇرىلىستىڭ ء(شليۋزدىڭ) جانە ونىڭ نەگىزىنىڭ تۇراقتىلىعى, مەحانيكالىق جانە سۇزگىشتىك بەرىكتىگى, سونداي-اق سۋ توگۋ جانە سۋ جىبەرۋ قۇرىلىستارىنىڭ وتكىزۋ قابىلەتى ءالى دە بولسا قالىپتى پايدالانۋ جاعدايلارىنا سايكەس كەلەدى; 9) ك2 – دياگنوستيكالىق كورسەتكىشتەر ماندەرىنىڭ شەكتى دەڭگەيى, ودان اسىپ كەتكەن كەزدە گيدروتەحنيكالىق قۇرىلىستى ء(شليۋزدى) جوبالىق رەجيمدەردە پايدالانۋعا جول بەرىلمەيدى; 10) كەمە قاتىنايتىن گيدروتەحنيكالىق قۇرىلىستىڭ ء(شليۋزدىڭ) باستىعى – كەمە قاتىنايتىن گيدروتەحنيكالىق قۇرىلىستىڭ ء(شليۋزدىڭ) بارلىق پەرسونالىنا باسشىلىق ەتەتىن جانە قۇرىلىستىڭ ۇزدىكسىز جۇمىسىن قامتاماسىز ەتەتىن لاۋازىمدى تۇلعا; 11) كوزگ – گيدروتەحنيكالىق قۇرىلىستىڭ ء(شليۋزدىڭ) تەحنيكالىق جاي-كۇيىن مونيتورينگىلەۋ پروتسەسىندە ولشەنگەن باقىلاناتىن دياگنوستيكالىق كورسەتكىشتەردىڭ ءمانى; 12) تەحنيكالىق قىزمەت كورسەتۋ – گيدروتەحنيكالىق قۇرىلىستى قاۋىپسىز پايدالانۋدى جانە جارامدى كۇيدە ۇستاۋدى قامتاماسىز ەتۋگە باعىتتالعان ءىس-شارالار كەشەنى; 13) ۋاكiلەتتi ورگان – iشكi سۋ كولiگi سالاسىنداعى باسشىلىقتى, سونداي-اق قازاقستان رەسپۋبليكاسىنىڭ زاڭناماسىندا كوزدەلگەن شەكتە سالاارالىق ۇيلەستىرۋدى جۇزەگە اسىراتىن ورتالىق اتقارۋشى ورگان; 14) ۋاكiلەتتi ورگاننىڭ كاسiپورنى – نەگiزگi مiندەتi قىزمەت كورسەتىلەتىن شەكارالار شەگىندە كەمەلەردiڭ قاۋiپسiز ءجۇزۋiن قامتاماسىز ەتۋ ماقساتىندا iشكi سۋ جولدارىن جانە كەمە قاتىنايتىن گيدروتەحنيكالىق قۇرىلىستاردى تيىسىنشە كۇتiپ-ۇستاۋ مەن دامىتۋ ءۇشiن وندiرiستiك قىزمەتتi جۇزەگە اسىرۋ بولىپ تابىلاتىن iشكi سۋ كولiگiنiڭ مەملەكەتتىك كاسىپورنى. وسى قاعيدالاردا پايدالانىلاتىن وزگە دە ايقىندامالار مەن تەرميندەر قازاقستان رەسپۋبليكاسىنىڭ ىشكى سۋ كولىگى تۋرالى زاڭناماسىنا سايكەس قولدانىلادى. 2. كەمە قاتىنايتىن گيدروتەحنيكالىق قۇرىلىستاردى (شليۋزدەردى) تەحنيكالىق پايدالانۋ 3. كەمە قاتىنايتىن گيدروتەحنيكالىق قۇرىلىستاردى (شليۋزدەردى) (بۇدان ءارى – گيدروتەحنيكالىق قۇرىلىستار) پايدالانۋ: 1) گيدروتەحنيكالىق قۇرىلىستاردى جارامدى كۇيدە كۇتىپ-ۇستاۋ جانە گيدروتەحنيكالىق قۇرىلىستاردى قازاقستان رەسپۋبليكاسىنىڭ قولدانىستاعى زاڭناماسىندا بەلگىلەنگەن ءورت قاۋىپسىزدىگى تالاپتارىنا, سونداي-اق قاۋىپسىزدىك جانە ەڭبەكتى قورعاۋ تالاپتارىنا سايكەس پايدالانۋ رەجيمىن ساقتاۋ; 2) گيدروتەحنيكالىق قۇرىلىستاردىڭ گيدروتەحنيكالىق جانە قۇرىلىس بولىكتەرىن, كونسترۋكتسيالارى مەن جابدىقتارىن, اۋماعى مەن اكۆاتورياسىن تەحنيكالىق پايدالانۋ; 3) جوسپارلى جۇمىستاردى ۋاقتىلى جۇرگىزۋ; 4) گيدروتەحنيكالىق قۇرىلىستاردىڭ قۇرىلىسى مەن رەكونسترۋكتسياسىن ەسكەرە وتىرىپ, ولاردىڭ رەكونسترۋكتسياسى مەن جاڭعىرتىلۋىن پەرسپەكتيۆالىق تۇردە جوسپارلاۋ; 5) وسى قاعيدالاردى, قۇرىلىس نورمالارى مەن قاعيدالارىن جانە گيدروتەحنيكالىق قۇرىلىستاردى قاۋىپسىز پايدالانۋدى قامتاماسىز ەتەتىن باسقا دا قۇجاتتاردى ساقتاۋ ارقىلى قامتاماسىز ەتىلەدى. 4. ۋاكىلەتتى ورگاننىڭ كاسىپورنى گيدروتەحنيكالىق قۇرىلىستى جانە ونىڭ جابدىعىن بەكىتىلگەن جوبالىق جانە اتقارۋشىلىق قۇجاتتاماعا جانە تەحنيكالىق شارتتارعا تولىق سايكەستىكتە پايدالانۋدى قامتاماسىز ەتەدى. 5. ۋاكىلەتتى ورگاننىڭ كاسىپورنى ءاربىر گيدروتەحنيكالىق قۇرىلىستا: 1) ەلەكتروندىق جانە قاعاز جەتكىزگىشتەگى تەحنيكالىق پاسپورتتىڭ; 2) قۇرامىنا گيدروتەحنيكالىق قۇرىلىس كىرەتىن گيدروتوراپتىڭ قاعاز جەتكىزگىشتەگى باس جوسپارىنىڭ; 3) وسى گيدروتەحنيكالىق قۇرىلىستىڭ جانە ونىڭ جابدىعىنىڭ بارلىق سىزبالارى مەن سحەمالارىنىڭ, ونىڭ ىشىندە وندا باقىلاۋ-ولشەۋ اپپاراتۋراسىن ورنالاستىرۋ جونىندەگى سىزبالار كوشىرمەلەرىنىڭ تولىق جيىنتىعىنىڭ; 4) ۋاكiلەتتi ورگاننىڭ كاسىپورنى بەكىتكەن تەتىكتەردى جانە جابدىقتاردى پايدالانۋ جونىندەگى جەدەل نۇسقاۋلىقتار مەن باسقا دا عىلىمي-تەحنيكالىق قۇجاتتامانىڭ (گيدروتەحنيكالىق قۇرىلىستا جانە گيدروتەحنيكالىق قۇرىلىس ءۇشىن ورىندالعان بايقاۋلار, تەكسەرۋلەر, زەرتتەۋلەر ماتەريالدارىنىڭ) بولۋىن قامتاماسىز ەتەدى. 6. گيدروتەحنيكالىق قۇرىلىستىڭ ورتالىق باسقارۋ پۋلتىندە باسقارۋدىڭ, سيگنال بەرۋ مەن قورعاۋدىڭ قاعيداتتىق جانە مونتاجدىق سحەمالارى كوشىرمەلەرىنىڭ جيىنتىعى ورنالاستىرىلادى. 7. گيدروتەحنيكالىق قۇرىلىستارداعى قاۋىپسىزدىكتى جانە ەڭبەكتى قورعاۋدى ۋاكىلەتتى ورگاننىڭ كاسىپورنى قازاقستان رەسپۋبليكاسىنىڭ قولدانىستاعى ەڭبەك زاڭناماسىنا سايكەس ۇيىمداستىرادى. 8. ۋاكىلەتتى ورگاننىڭ كاسىپورنى ءاربىر گيدروتەحنيكالىق قۇرىلىستى قۇرىلىستىڭ جوباسىنا جانە ورتكە قارسى نورمالارعا سايكەس جارامدى قورعانۋ, قۇتقارۋ جانە ورتكە قارسى قۇرالدارمەن جابدىقتايدى. 9. گيدروتەحنيكالىق قۇرىلىستاردىڭ گيدروتەحنيكالىق جانە قۇرىلىس بولىكتەرىنىڭ كونسترۋكتسيالارى مەن جابدىقتارىن, اۋماعى مەن اكۆاتورياسىن تەحنيكالىق پايدالانۋ وسى قاعيدالارعا 1-قوسىمشاعا سايكەس ءىس-شارالاردىڭ مىندەتتى تۇردە ساقتالۋىن قامتيدى. 3. گيدروتەحنيكالىق قۇرىلىستاردى تەكسەرۋ ءتارتىبى 10. گيدروتەحنيكالىق قۇرىلىستار مەن جابدىقتاردى تەكسەرۋ پروفيلاكتيكالىق, ينسپەكتورلىق, كەزەكتەن تىس جانە ارنايى بولىپ بولىنەدى. 11. تەكسەرۋدى قۇرامىن ۋاكىلەتتى ورگاننىڭ كاسىپورنى تاعايىندايتىن كوميسسيا جۇرگىزەدى. 12. تەكسەرۋدىڭ ناتيجەلەرى گيدروتەحنيكالىق قۇرىلىستاردى تەكسەرۋ اكتىسىمەن رەسىمدەلەدى, وندا گيدروتەحنيكالىق قۇرىلىستىڭ تەحنيكالىق جاي-كۇيىن باعالاۋ كورسەتىلەدى. 13. پروفيلاكتيكالىق تەكسەرۋلەر كەزىندە قۇرىلىستار مەن جابدىقتار جۇمىسىنىڭ ناقتى پارامەترلەرى ولشەنەدى, ولاردىڭ تەحنيكالىق جاي-كۇيى ايقىندالادى جانە نورمادان اۋىتقۋدى تۋىنداتاتىن سەبەپتەر انىقتالادى, جوسپارلى جوندەۋ ءۇشىن جوندەۋ جۇمىستارىنىڭ كولەمى انىقتالادى. پروفيلاكتيكالىق تەكسەرۋلەردىڭ كەستەلەرىن ۋاكىلەتتى ورگاننىڭ كاسىپورنى جاسايدى. 14. گيدروتەحنيكالىق قۇرىلىستى ينسپەكتورلىق تەكسەرۋلەر گيدروتەحنيكالىق قۇرىلىستا ناۆيگاتسيانىڭ اشىلۋى مەن جابىلۋى كەزىندە جىلىنا ەكى رەت جۇرگىزىلەدى. 15. كەزەكتەن تىس تەكسەرۋلەر قۇرىلىستار بولىكتەرىنىڭ زاقىمدانۋىن نەمەسە بۇزىلۋىن تۋىنداتقان دۇلەي اپاتتار مەن اۆاريالاردان كەيىن, سونداي-اق جابدىقتار جۇمىسىنداعى ءجيى ىستەن شىعۋلار مەن پايدالانۋ شارتتارىن باسقا دا بۇزۋشىلىقتار كەزىندە جۇرگىزىلەدى. 16. گيدروتەحنيكالىق قۇرىلىستى ارنايى تەكسەرۋلەر جوبالاۋ جانە عىلىمي-زەرتتەۋ ۇيىمدارىنىڭ ماماندارىن تارتا وتىرىپ, كەمىندە 5 جىلدا 1 رەت ۇيىمداستىرىلادى. ارنايى تەكسەرۋ كەزىندە گيدروتەحنيكالىق قۇرىلىستىڭ جانە ونىڭ جابدىعىنىڭ جارامدى جانە قاۋىپسىز جۇمىسىن قامتاماسىز ەتۋ جونىندەگى ءىس-شارالاردىڭ ورىندالۋى, جۇرگىزىلەتىن جوندەۋلەردىڭ ۋاقتىلىعى مەن تولىقتىعى تەكسەرىلەدى. 17. گيدروتەحنيكالىق قۇرىلىستاردى بايقاۋلار مەن زەرتتەۋلەر ءوزىنىڭ سيپاتى بويىنشا ۆيزۋالدىق جانە اسپاپتىق بولىپ بولىنەدى جانە وسى قاعيدالاردىڭ 2-قوسىمشاسىنا سايكەس قۇرىلىستار مەن جابدىقتاردى مىندەتتى كولەمدە اسپاپتىق تەكسەرۋلەر, ولشەۋلەر, سىناۋلار مەن زەرتتەۋلەر جۇرگىزۋدى كوزدەيدى. 18. بايقاۋلار ناتيجەلەرى جۋرنالدار مەن فورمۋليارلارعا ەنگىزىلەدى جانە گيدروتەحنيكالىق قۇرىلىستىڭ جۇمىسىندا انىقتالعان كەمشىلىكتەردى جويۋ جونىندەگى ءىس-شارالاردى ازىرلەۋ ءۇشىن پايدالانىلادى. 19. بايقاۋلار ناتيجەلەرى جىل سايىن گيدروتەحنيكالىق قۇرىلىس قاۋىپسىزدىگىنىڭ دياگنوستيكالىق كورسەتكىشتەرىنىڭ ماندەرىمەن سالىستىرىلادى. 4. كەمە قاتىنايتىن گيدروتەحنيكالىق قۇرىلىستاردىڭ قاۋىپسىزدىك كريتەريلەرىن ايقىنداۋ ءتارتىبى 20. كريتەريلەر موريتورينگىلەۋ پروتسەسىندە گيدروتەحنيكالىق قۇرىلىستاردىڭ جاي-كۇيىنىڭ نەگىزگى قاداعالاناتىن جانە باقىلاناتىن ساندىق جانە ساپالىق كورسەتكىشتەرىن بەلگىلەيدى. 21. كريتەريلەر قۇرىلىمى بويىنشا: 1) قۇرىلىستاردىڭ تەحنيكالىق جاي-كۇيىن سيپاتتايتىن كريتەريلەرگە; 2) قۇرىلىستاردى پايدالانۋ قاۋىپسىزدىگىن قامتاماسىز ەتەتىن جاعدايلاردى سيپاتتايتىن كريتەريلەرگە بولىنەدى. 22. قۇرىلىستاردىڭ تەحنيكالىق جاي-كۇيىن سيپاتتايتىن كريتەريلەر قۇرامىنا: 1) قۇرىلىستاردىڭ نەعۇرلىم ماڭىزدى قاسيەتتەرىن اسپاپتىق بايقاۋلار ناتيجەسىندە الىنعان ساندىق پارامەترلەر; 2) اسپاپتىق ولشەۋ قۇرالدارىن قولدانباي, قۇرىلىستاردىڭ نەعۇرلىم ماڭىزدى قاسيەتتەرىن بايقاۋلار ناتيجەسىندە الىنعان ساپالىق پارامەترلەر; 3) گيدروتەحنيكالىق قۇرىلىستىڭ كونسترۋكتورلىق (جوبالاۋ) قۇجاتتامانىڭ تالاپتارىنا سايكەستىگىن سيپاتتايتىن ساندىق جانە ساپالىق پارامەترلەر كىرەدى. 23. قۇرىلىستاردى پايدالانۋ قاۋىپسىزدىگىن قامتاماسىز ەتەتىن جاعدايلاردى سيپاتتايتىن كريتەريلەر قۇرامىنا: 1) گيدروتەحنيكالىق قۇرىلىستى پايدالانۋ جاعدايلارىنىڭ جوباعا جانە نورماتيۆتىك تالاپتارعا سايكەستىگىن سيپاتتايتىن بەلگىلەر; 2) ۋاكىلەتتى ورگان كاسىپورنىنىڭ اۆاريالاردى وقشاۋلاۋعا جانە جويۋعا ازىرلىك دارەجەسىن سيپاتتايتىن بەلگىلەر (ماتەريالداردىڭ, قۇرالدار مەن جابدىقتاردىڭ اۆاريالىق ازايمايتىن قورىنىڭ بولۋى, ىقتيمال اۆاريالىق جاعدايلار ستسەناريلەر مەن ولار تۋىنداعان كەزدە پەرسونالدىڭ ءىس-قيمىلى جوسپارلارىنىڭ بولۋى) كىرەدى. 24. ءاربىر ساندىق جانە ساپالىق پارامەتر ءۇشىن ولاردىڭ ك1 جانە ك2 شەكتى رۇقسات ەتىلگەن ماندەرى ايقىندالادى. 25. ك1 جانە ك2 ششامالارى قۇرىلىستى پايدالانۋ جاعدايلارىنا جانە ولار بەلگىلەنگەن قولدانىستاعى جۇكتەمەلەرگە سايكەس باقىلانادى. 26. باقىلاناتىن ساندىق جانە ساپالىق دياگنوستيكالىق كورسەتكىشتەر تىزبەسى ءاربىر گيدروتەحنيكالىق قۇرىلىستىڭ پايدالانۋ جاي-كۇيىن جەدەل باعالاۋ مۇمكىندىگىن قامتاماسىز ەتەدى جانە وسى قاعيدالاردىڭ 3-قوسىمشاسىنا سايكەس كورسەتكىشتەردى قامتيدى. 27. باقىلاناتىن ساندىق جانە ساپالىق دياگنوستيكالىق كورسەتكىشتەر تىزبەسى ءاربىر ناقتى قۇرىلىس ءۇشىن تابيعي جاعدايلاردى, قۇرىلىستاردىڭ كونسترۋكتيۆتى ەرەكشەلىكتەرىن جانە گيدروتەحنيكالىق قۇرىلىستى پايدالانۋ جاعدايلارىن ەسكەرە وتىرىپ ناقتىلانادى جانە تولىقتىرىلادى. 28. دياگنوستيكالىق كورسەتكىشتەردىڭ ماندەرىن (قاۋىپسىزدىك كريتەريلەرىن) ايقىنداۋدىڭ (تاعايىنداۋدىڭ) ەكى مىندەتتى كەزەڭى بەلگىلەنەدى: 1) جوبالاۋ ساتىسىندا ء(بىر كەزدە); 2) پايدالانۋ ساتىسىندا (كەزەڭ-كەزەڭىمەن قايتا قارالادى). 29. كريتەريلەر قۇرامىن جانە ولاردىڭ ك1 جانە ك2 كورسەتكىشتەرىنىڭ ماندەرىن: 1) جوبالاۋ ساتىسىندا – گيدروتەحنيكالىق قۇرىلىستىڭ سۇزگىلىك, گيدراۆليكالىق جانە تەمپەراتۋرالىق رەجيمدەرىن ەسەپتەۋلەر مەن ەكسپەريمەنتالدىق زەرتتەۋلەر ناتيجەلەرىن, كەرنەۋ-دەفورماتسيالىق كۇيىن, جۇكتەمەلەردىڭ نەگىزگى جانە ەرەكشە ۇيلەسۋىنە بەرىكتىگى مەن تۇراقتىلىعىن تالداۋ نەگىزىندە, سونداي-اق ماتەريالدىڭ بەرىكتىك, دەفورماتسيالىق جانە سۇزگىلىك سيپاتتامالارىن تالداۋ نەگىزىندە; 2) پايدالانىلاتىن قۇرىلىستار ءۇشىن – مىناداي اقپاراتتى: جوبا قۇرامىندا ازىرلەنگەن كريتەريلىك ماندەردى جۇكتەمەلەردىڭ نەگىزگى جانە ەرەكشە ۇيلەسۋىنىڭ بارىنشا جوعارعى ناقتى كۇشتىك اسەرلەرى كەزىندە پايدالانىلاتىن قۇرىلىستاعى باقىلاناتىن كورسەتكىشتەرمەن سالىستىرۋ ناتيجەلەرىن; قۇرىلىس ماتەريالدارىنىڭ ناقتى فيزيكا-مەحانيكالىق سيپاتتامالارى مەن گيدروتەحنيكالىق قۇرىلىس نەگىزىنىڭ توپىراق تۇرلەرى تۋرالى دەرەكتەردى پايدالانا وتىرىپ, قۇرىلىستىڭ نەعۇرلىم جاۋاپتى بولىكتەرىنىڭ تەكسەرۋشى ەسەپتەۋلەرىنىڭ ناتيجەلەرىن; زاتتاي باقىلاۋلار مەن ناقتى جۇكتەمەلەر دەرەكتەرىن پايدالانا وتىرىپ سالىنعان ستاتيستيكالىق مودەلدەردى (جانە ولار بويىنشا ەسەپتەردى) تالداۋ ناتيجەلەرىن كوپ فاكتورلى تالداۋ نەگىزىندە ايقىنداۋ كەرەك. 30. دياگنوستيكالىق كورسەتكىشتەردىڭ ك1 (ال قاجەت بولعان جاعدايدا ك2) كريتەريلىك ماندەرىن تۇزەتۋ جانە تولىقتىرۋ زاتتاي بايقاۋلار ناتيجەلەرىن تالداۋ نەگىزىندە جانە مىنالاردى: 1) وسى زاتتاي بايقاۋلار دەرەكتەرى بويىنشا قالىپتاستىرىلعان ستاتيستيكالىق ۇلگىلەر نەگىزىندە ورىندالعان بولجام ناتيجەلەرىن; 2) گيدروتەحنيكالىق قۇرىلىستىڭ ناقتىلانعان ەسەپتىك سحەمالارىنا, قۇرىلىستار ماتەريالدارىنىڭ جانە نەگىز توپىراقتارى تۇرلەرىنىڭ قاسيەتتەرى پارامەترلەرىنىڭ, سونداي-اق جۇكتەمەلەردىڭ نەگىزگى جانە ەرەكشە ۇيلەسۋ پارامەترلەرىنىڭ ناقتىلانعان ەسەپتىك ماندەرىنە قولدانىلاتىن زاتتاي قاداعالاۋ ناتيجەلەرى نەگىزىندە «كاليبرلەنگەن» ماتەماتيكالىق مودەلدەر بويىنشا تەكسەرۋ ەسەپتەرىن پايدالانا وتىرىپ, گيدروتەحنيكالىق قۇرىلىستى پايدالانۋ تاجىريبەسى نەگىزىندە جۇزەگە اسىرىلادى. 31. كريتەريلەردى جانە ولاردىڭ ماندەرىن تۇزەتۋ مىناداي جاعدايلاردا: 1) گيدروتەحنيكالىق قۇرىلىستاردى پايدالانۋعا بەرۋ الدىندا; 2) پايدالانۋدىڭ العاشقى ەكى جىلىنان كەيىن; 3) گيدروتەحنيكالىق قۇرىلىستى رەكونسترۋكتسيالاعاننان, ولاردى كۇردەلى جوندەگەننەن, قالپىنا كەلتىرگەننەن جانە پايدالانۋ شارتتارىن وزگەرتكەننەن كەيىن; 4) پايدالانۋدان شىعارۋ كەزىندە جانە كونسەرۆاتسيالاۋ كەزىندە; 5) گيدروتەحنيكالىق قۇرىلىس قاۋىپسىزدىگى سالاسىنداعى نورماتيۆتىك قۇقىقتىق اكتىلەر, قاعيدالار مەن نورمالار وزگەرگەن كەزدە; 6) گيدروتەحنيكالىق قۇرىلىستىڭ جاي-كۇيى جانە پايدالانۋ كۇيىنىڭ وزگەرۋىنە اكەپ سوققان ونى پايدالانۋ شارتتارى وزگەرگەندە; 7) اۆاريالىق جاعدايلاردان كەيىن جۇزەگە اسىرىلادى. 32. كريتەريلەردى مونيتورينگىلەۋ گيدروتەحنيكالىق قۇرىلىستاردىڭ تەحنيكالىق كورسەتكىشتەرىنە زاتتاي (ۆيزۋالدىق جانە اسپاپتىق) بايقاۋلار ناتيجەلەرى نەگىزىندە جۇزەگە اسىرىلادى. 33. گيدروتەحنيكالىق قۇرىلىستىڭ جاي-كۇيى كوزگ دياگنوستيكالىق كورسەتكىشتەردىڭ ولشەنگەن ماندەرىن ولاردىڭ ك1 جانە K2 ولشەمدىك ماندەرىنە سالىستىرۋ نەگىزىندە بەلگىلەنەدى: 1) كوزگ < ك1 كەزدە گيدروتەحنيكالىق قۇرىلىستىڭ جاي-كۇيى «قالىپتى» دەپ سانالادى جانە گيدروتەحنيكالىق قۇرىلىستىڭ قاۋىپسىزدىگى تولىق قامتاماسىز ەتىلگەن دەپ سانالادى; 2) ك1 ماندەرىنىڭ ءبىر نەمەسە بىرنەشە دياگنوستيكالىق كورسەتكىشتەرى ارتقان كەزدە نەمەسە دياگنوستيكالىق كورسەتكىشتەر بولجاناتىن شەكتەن شىعىپ كەتكەن كەزدە, ( ك1 < كوزگ ≤ ك2 ) ماندەر ينتەرۆالىنىڭ وسى جۇكتەمەلەر دەڭگەيى كەزىندە گيدروتەحنيكالىق قۇرىلىستىڭ جاي-كۇيى «الەۋەتتى قاۋىپتى» دەپ سانالادى, بۇل رەتتە گيدروتەحنيكالىق قۇرىلىستىڭ جاي-كۇيىن جانە ونىڭ قاۋىپسىزدىك دەڭگەيىن باعالاۋدى ناقتىلاۋ ءۇشىن جوبالاۋ جانە عىلىمي-زەرتتەۋ ۇيىمدارىن تارتا وتىرىپ, ساراپشىلىق كەڭەس قۇرىلادى. ۋاكىلەتتى ورگاننىڭ كاسىپورنى گيدروتەحنيكالىق قۇرىلىستىڭ «الەۋەتتى قاۋىپتى» جاي-كۇيى باستالعانى تۋرالى ۋاكىلەتتى ورگانعا حابارلاۋعا جانە گيدروتەحنيكالىق قۇرىلىستى «قالىپتى» جاعدايعا كەلتىرۋ بويىنشا جەدەل شارالار قابىلداۋعا ءتيىس; 3) ءبىر نەمەسە بىرنەشە دياگنوستيكالىق كورسەتكىشتەر ك2 (كوزگ ≥ ك 2) كريتەريلىك ماندەرىنىڭ ەكىنشى (شەكتى) دەڭگەيىنەن ارتقان كەزدە – گيدروتەحنيكالىق قۇرىلىستىڭ جاي-كۇيى «اۆاريا الدىنداعى» دەپ سانالادى, بۇل رەتتە گيدروتەحنيكالىق قۇرىلىستى جوبالىق رەجيمدەردە ودان ءارى پايدالانۋعا جول بەرىلمەيدى. 5. كەمە قاتىنايتىن گيدروتەحنيكالىق قۇرىلىستاردى جوندەۋدەن وتكىزۋ ءتارتىبى 34. جوسپارلى جوندەۋ جۇمىستارى مىنالاردى: 1) تەحنيكالىق قىزمەت كورسەتۋ بويىنشا جۇمىستاردى جوسپارلاۋدى جانە جۇرگىزۋدى; 2) اعىمداعى جانە كۇردەلى جوندەۋلەردى, رەكونسترۋكتسيالاۋدى جانە جاڭعىرتۋدى جوسپارلاۋدى جانە جۇرگىزۋدى قامتيدى. 35. جوسپارلى جوندەۋ جۇمىستارىنىڭ بەلگىلەنۋى مەن ماقساتتارى گيدروتەحنيكالىق قۇرىلىستار مەن جابدىقتاردى ولاردىڭ پايدالانۋدان كەنەتتەن شىعىپ قالۋىن بولدىرمايتىن جارامدى تەحنيكالىق جاي-كۇيىن قامتاماسىز ەتۋدەن تۇرادى. 36. جوسپارلى جوندەۋ جۇمىستارى جوندەۋارالىق كەزەڭدەردىڭ ۇزاقتىعىن جانە تۇتاستاي العاندا, قۇرىلىستار مەن جابدىقتاردىڭ قىزمەت ەتۋ مەرزىمىن ۇلعايتۋعا مۇمكىندىك بەرەدى, قۇرىلىستار مەن جابدىقتاردىڭ تەحنيكالىق جاي-كۇيىن جاقسارتادى, جوندەۋگە ارنالعان شىعىستاردى ازايتادى. 37. جوسپارلى جوندەۋ جۇمىستارىن جۇزەگە اسىرۋ مىناداي نەگىزگى ءىس-شارالار وتكىزۋدى قامتيدى: 1) بارلىق جوندەۋ تۇرلەرى بويىنشا جوسپارلار مەن كەستەلەر جاساۋدى قوسا العاندا, جوندەۋلەردى ۇيىمداستىرۋ مەن جوسپارلاۋ, جوندەۋ جۇمىستارى ۆەدوموسىن, جۇمىستاردى تەكسەرۋ مەن قابىلداۋ اكتىلەرىن جاساۋ, جۇمىستاردى ەسەپكە الۋ جۋرنالدارىن جۇرگىزۋ, ەسەپتىلىكتى جۇرگىزۋ; 2) سمەتالار جاساۋدى قوسا العاندا, جوندەۋ جۇمىستارىن جۇرگىزۋدى دايىنداۋ, سىزبا شارۋاشىلىعىن ۇيىمداستىرۋ, تەحنولوگيالىق پروتسەستەردى ازىرلەۋ, قوسالقى بولشەكتەرمەن, ماتەريالدارمەن, اسپاپپەن, تەتىكتەرمەن جانە ايلابۇيىمدارمەن قامتاماسىز ەتۋ; 3) جوندەۋ بريگادالارىن ۇيىمداستىرۋ, جۇمىس ورىندارىن دايىنداۋ, جوندەۋ پەرسونالىنا نۇسقاۋ بەرۋ. 38. اعىمداعى جوندەۋ كەزىندە قۇرىلىستىڭ نەگىزگى پايدالانۋشى سيپاتتامالارىنىڭ تومەندەۋىنە اكەلمەيتىن كونسترۋكتسيالاردىڭ كىشىگىرىم اقاۋلارى مەن ءب ۇلىنۋى جويىلادى, تەز توزاتىن بولشەكتەرى, جەكەلەگەن توراپتارى جۇيەلى تۇردە اۋىستىرىلادى, جابدىقتارى رەتتەلەدى جانە باپتالادى, سونداي-اق گيدروتەحنيكالىق قۇرىلىستىڭ جەكەلەگەن بولشەكتەرىن مەزگىلىنەن بۇرىن توزۋدان ۋاقتىلى ساقتاۋ جونىندە جۇمىستار جۇرگىزىلەدى. اعىمداعى جوندەۋ ناۆيگاتسياارالىق كەزەڭدە جوندەلەتىن نەگىزگى جابدىقتى جوندەۋدى قوسپاعاندا, بۇكىل جىل بويى جۇرگىزىلەدى. 39. كۇردەلى جوندەۋلەر مەن رەكونسترۋكتسيالاۋدى ۇيىمداستىرۋ مەن جۇرگىزۋ ءتارتىبى قازاقستان رەسپۋبليكاسىنىڭ ساۋلەت-قۇرىلىس قىزمەتى تۋرالى زاڭناماسىندا ايقىندالعان. 40. جوندەۋ جۇمىستارى (رەۆيزيالار, اعىمداعى جانە كۇردەلى جوندەۋ) كوبىنەسە ناۆيگاتسياارالىق كەزەڭدە جۇرگىزىلەدى. 41. تەحنيكالىق قىزمەت كورسەتۋ گيدروتەحنيكالىق قۇرىلىستاردى جارامدى كۇيدە ۇستاۋعا باعىتتالعان پايدالانۋشى پەرسونالدىڭ كۇشىمەن ورىندالادى. تەحنيكالىق قىزمەت كورسەتۋدىڭ ناتيجەلەرى بويىنشا كونسترۋكتسيالار مەن جابدىقتاردى جوندەۋدىڭ قاجەتتىلىگى ايقىندالادى. 42. گيدروتەحنيكالىق قۇرىلىستارداعى جوندەۋ جۇمىستارىن ۋاكىلەتتى ورگان كاسىپورنىنىڭ ماماندارى نەمەسە شارتتى نەگىزدە مامانداندىرىلعان كاسىپورىنداردى تارتا وتىرىپ ۇيىمداستىرىلادى. 43. گيدروتەحنيكالىق قۇرىلىس پەن جابدىقتىڭ كونسترۋكتسيالارىن رەكونسترۋكتسيالاۋ مەن كۇردەلى جوندەۋلەردەن كەيىن پايدالانۋعا قابىلداۋ قازاقستان رەسپۋبليكاسىنىڭ ساۋلەت-قۇرىلىس قىزمەتى تۋرالى قولدانىستاعى زاڭناماسىندا بەلگىلەنگەن تارتىپپەن جۇرگىزىلەدى. 44. قۇرىلىس-مونتاجداۋ جۇمىستارىن جۇرگىزۋگە رۇقسات الۋ تالاپ ەتىلمەيتىن وبەكتىلەر ءۇشىن جۇمىستاردى قابىلداۋ ۋاكiلەتتi ورگاننىڭ كاسىپورنى ايقىنداعان تارتىپپەن جۇرگىزىلەدى. 45. ولاردى جوندەۋ كەزىندە جاسالعان قۇرىلىستار مەن جابدىقتار قونسترۋكتسيالارىنىڭ بارلىق وزگەرىستەرى گيدروتەحنيكالىق قۇرىلىس پاسپورتىنا, سونداي-اق ءتيىستى راستاۋى بار ءتيىستى سىزبالارعا ەنگىزىلەدى. 46. گيدروتەحنيكالىق قۇرىلىستاردا اۆاريالىق سيپاتتاعى جۇمىستاردى ورىنداۋ ءۇشىن قوسالقى بولشەكتەر مەن جابدىقتاردىڭ ازايمايتىن قورى بولۋى قاجەت, ولاردىڭ نومەنكلاتۋراسىنا: 1) كەمە وتكىزۋگە بايلانىستى جانە جوندەۋارالىق كەزەڭنەن از نەمەسە ونشا اسپايتىن قىزمەت مەرزىمى بار جانە وسىنىڭ سالدارىنان ءاربىر كەزەكتى جوندەۋ كەزىندە, سونداي-اق تەحنيكالىق قىزمەت كورسەتۋ پروتسەسىندە اۋىستىرۋعا جاتاتىن نەگىزگى تەحنولوگيالىق جابدىقتاردىڭ تەز توزاتىن بارلىق بولشەكتەرى (مويىنتىرەكتەر جاپسىرمالارى, قيىلاتىن سۇققىلار, سەرىپپەلەر, پلاستينا تارىزدەس شىنجىرلار, مانجەتتەر جانە تىعىزدامالار, ەلەكتروماگنيتتىك اپپاراتتاردىڭ كاتۋشكالارى, رەلەلىك-كونتاكتورلىق اپپاراتۋراسىنىڭ كونتاكتىلەرى, قىزدىرۋ ەلەمەنتتەرى جانە ت.ب.); 2) جوندەۋارالىق كەزەڭى بىردەن كوپ قىزمەت مەرزىمى بار, بىراق 5 بىرلىكتەن اساتىن ءبىر ۇلگىدەگى جابدىقتار سانى كەزىندە گيدروتەحنيكالىق قۇرىلىستارعا كەڭ قولدانىسى بار سەريالىق ەمەس وندىرىستەگى بولشەكتەر (تىستەگەرشىكتەر, شۇبالشاڭدار, ءتىستى جانە شۇبالشاڭ دوڭگەلەكتەر, بەلاعاشتار, بىلىكتەر, بەكىتپە دوڭگەلەكتەرى, مويىنتىرەكتەر كورپۋستارى, كونتاكتورلار, رەلە, پوزيتسيالىق قوسقىشتار, باسقارۋ كىلتتەرى, كوممۋتاتسيالىق اپپاراتتار جانە ت.ب.); 3) قىزمەت ەتۋ مەرزىمىنە قاراماستان ەرەكشە جاۋاپتى توراپتارعا ارنالعان دايىندالۋى قيىن جانە ەڭبەكتى كوپ قاجەت ەتەتىن بولشەكتەر (جينالعان گيدروتسيليندرلەر نەمەسە ولاردىڭ شتوكتارى, تابان جانە گالسبانتتى قۇرىلعىلار, امورتيزاتورلار, بەكىتپە اربالارى, تىرەۋ جانە تىرەك جاستىقتارى جانە ت.ب.); 4) ىستەن شىعۋى كەمە وتكىزۋدىڭ توقتاۋىنا اكەلىپ سوعاتىن سەريالىق دايىندالاتىن جابدىق (رەدۋكتورلار, مايسورعىلار, ەلەكتر قوزعالتقىشتار, قاقپالاردى جانە بەكىتپەلەردى تىعىزداۋ ەلەمەنتتەرى جانە ت.ب.) قامتىلادى. 47. باسقا ماقساتتار ءۇشىن قوسالقى بولشەكتەر مەن جابدىقتاردىڭ ازايمايتىن قورىن جۇمساۋعا جول بەرىلمەيدى. 48. قوسالقى بولشەكتەردىڭ, ماتەريالدار مەن جابدىقتاردىڭ ازايمايتىن قورىنىڭ تىزبەسىن ۋاكىلەتتى ورگاننىڭ كاسىپورنى ءاربىر گيدروتەحنيكالىق قۇرىلىس ءۇشىن جەكە جاسايدى جانە ونى ۋاكىلەتتى ورگان بەكىتەدى. 49. ازايمايتىن قور تىزبەسى گيدروتەحنيكالىق قۇرىلىستىڭ پايدالانىلاتىن قوسالقى بولشەكتەرى, ماتەريالدارى مەن جابدىعى تىزبەسىندە وزگەرىسكە اكەپ سوققان گيدروتەحنيكالىق قۇرىلىستىڭ جابدىقتارى مەن جۇيەلەرىنە وزگەرىستەر مەن تولىقتىرۋلار ەنگىزۋگە بايلانىستى قايتا قارالادى جانە بەكىتىلەدى. كەمە قاتىنايتىن گيدروتەحنيكالىق قۇرىلىستاردى (شليۋزدەردى) تەحنيكالىق پايدالانۋ, تەكسەرۋ جانە جوندەۋ قاعيدالارىنا 1-قوسىمشا گيدروتەحنيكالىق قۇرىلىستاردىڭ گيدروتەحنيكالىق جانە قۇرىلىس بولىكتەرىن, كونسترۋكتسيالارى مەن جابدىقتارىن, اۋماعى مەن اكۆاتورياسىن تەحنيكالىق پايدالانۋ جونىندەگى ءىس-شارالار 1. بەتوندى جانە تەمىربەتوندى كونسترۋكتسيالار, جەر قۇرىلىستارى بويىنشا: 1) بەتوندى, تەمىربەتوندى جانە تاس كونسترۋكتسيالارى ولاردى پايدالانۋ پروتسەسىندە ۇستاۋ قابىلەتى (بەرىكتىك جانە تۇراقتىلىق) بويىنشا, شەكتى رۇقسات ەتىلگەن دەفورماتسيالار بويىنشا, كليماتتىق فاكتورلار مەن سۋدىڭ بۇزۋشى ىقپالىنا قارسى ءتوزۋى بويىنشا گيدروتەحنيكالىق قۇرىلىس جوباسىندا كوزدەلگەن تالاپتارعا سايكەس كەلۋگە ءتيىس; 2) گيدروتەحنيكالىق قۇرىلىستاردا ۋاكىلەتتى ورگاننىڭ كاسىپورنى بەتون مەن تەمىربەتوننىڭ سۋ وتكىزبەۋىنە, گەودەزيالىق, كليماتتىق جانە مەحانيكالىق دەفورماتسيالارىنا, شىتىناۋدىڭ, كاۆەرنانىڭ, جارىقشاقتاردىڭ جانە باسقا دا ب ۇلىنۋلەردىڭ پايدا بولۋىنا, تەمپەراتۋرالىق تىگىستەر قاتايۋىنىڭ جاي-كۇيىنە, قاقپالار مەن بەكىتپەلەردىڭ توسەگىش بولىكتەرىندەگى شترابتىق بەتوننىڭ جاي-كۇيىنە, جۇقا قابىرعالى كونسترۋكتسيالاردىڭ جاي-كۇيىنە, بەتوندى كونسترۋكتسيالاردا سىلتىلەۋ ونىمدەرى قاتپارلانۋىنىڭ پايدا بولۋى مەن اسقىنۋىنا, توتتى اعىپ كەتۋلەر مەن قابىرشاقتانۋلاردىڭ پايدا بولۋىنا جانە اسقىنۋىنا جۇيەلى بايقاۋلار جۇرگىزۋدى قامتاماسىز ەتەدى; 3) شليۋز تابالدىرىقتارىنىڭ جانە باسقا دا كونسترۋكتيۆتىك ەلەمەنتتەردىڭ كولدەنەڭ جانە تىك جىلجۋلارى گەودەزيالىق باقىلاۋ ادىستەرىمەن جۇيەلى تۇردە تەكسەرىلۋگە ءتيىس; 4) رۇقسات ەتىلگەن شەكتەن اساتىن اۋىتقۋشىلىقتار انىقتالعان كەزدە (گيدروتەحنيكالىق قۇرىلىس قاۋىپسىزدىگىنىڭ بەلگىلەنگەن شەكتى رۇقسات ەتىلگەن كورسەتكىشتەرى) ۋاكىلەتتى ورگاننىڭ كاسىپورنى سەبەپتەردى انىقتاپ, ولاردى جويۋ جونىندەگى ءىس-شارالاردى ازىرلەيدى. قاجەت بولعان كەزدە بۇل جۇمىسقا جوبالاۋ نەمەسە عىلىمي-زەرتتەۋ ۇيىمدارى تارتىلادى; 5) بەتون ارقىلى سۇزگىلەنۋى جانە ونىڭ بەرىكتىگىنىڭ جوبالىقپەن سالىستىرعاندا ازايۋى انىقتالعان كەزدە بەتوننىڭ سۋ وتكىزبەۋىن قالپىنا كەلتىرۋ نەمەسە ونى اۋىستىرۋ جونىندەگى ءىس-شارالار جۇرگىزىلەدى; 6) جەرگىلىكتى جاعدايلارعا بايلانىستى بەتونعا سۋدىڭ اگرەسسيۆتى اسەر ەتۋ دارەجەسىن ايقىنداۋ ءۇشىن سۇزىلگەن سۋعا حيميالىق تالداۋ كەزەڭ-كەزەڭىمەن جۇرگىزىلەدى. بەتونعا قاتىستى سۋدىڭ جوعارى اگرەسسياسى انىقتالعان كەزدە ونىڭ زياندى اسەرىن جويۋ نەمەسە ازايتۋ جونىندەگى ءىس-شارالار قابىلدانادى. قاجەتتى ءىس-شارالاردى ازىرلەۋ ءۇشىن عىلىمي-زەرتتەۋ نەمەسە جوبالاۋ ۇيىمدارىن تارتۋعا ۇسىنىم بەرىلەدى; 7) بەتوندى جانە تەمىربەتوندى كونسترۋكتسيالار بەتىنىڭ, سونداي-اق ارماتۋرانىڭ قورعانىس بەتىنىڭ زاقىمدانۋىن ۋاقتىلى جويۋ كەرەك. بەتوننىڭ ءىرى زاقىمدانۋلارىن جويۋ عىلىمي-زەرتتەۋ نەمەسە جوبالاۋ ۇيىمدارىن تارتا وتىرىپ, ازىرلەنگەن جوبا بويىنشا جۇرگىزىلۋگە ءتيىس; 8) گيدروتەحنيكالىق جانە قۇرىلىس كونسترۋكتسيالارىنىڭ بەتونى وعان مينەرالدى مايلاردىڭ تۇسۋىنەن قورعالۋعا ءتيىس; 9) بەتوننىڭ بەتىنە تۇسەتىن سۋ ەركىن اعىپ كەتۋگە ءتيىس. سۋ اقپاي قالعان كەزدە اعىزاتىن قۇبىرلاردى توسەۋ نەمەسە بەتون بەتىنە قاجەتتى ەڭىس بەرۋ ارقىلى ونىڭ اعىپ كەتۋىن قامتاماسىز ەتۋ كەرەك; 10) تەمپەراتۋرالىق-شوگۋ جانە تەمپەراتۋرالىق تىگىستەردىڭ گيدرووقشاۋلاۋ سىنالارى تىگىستەر ارقىلى سۋدى سۇزگىلەنۋدەن قورعاۋدى قامتاماسىز ەتۋگە جانە بۇزىلۋعا ۇشىراماۋعا ءتيىس. سىنا ارقىلى سۇزگىلەۋ انىقتالعان كەزدە ونىڭ جاي-كۇيىن مۇقيات تەكسەرۋ, سۇزگىلەنۋ سەبەپتەرىن ايقىنداۋ جانە ولاردى جويۋ كەرەك; 11) جەر قۇرىلىستارىنىڭ جوتالارى مەن ەڭىستەرى ولاردىڭ جوبالىق گەومەترياسىنىڭ ساقتالۋىن قامتاماسىز ەتەتىن جارامدى كۇيدە ۇستالادى. انىقتالعان شايىندىلار, كوشكىندەر, شوگۋلەر, توپىراقتىڭ قاڭسۋى مەن شايىلۋى, ەڭىس بەكىتۋلەرىنىڭ بۇزىلۋى ۋاقتىلى جويىلۋعا جاتادى جانە ولاردىڭ پايدا بولۋ سەبەپتەرى جويىلۋعا ءتيىس; 12) جەلىلىك جەر قۇرىلىستارىندا قۇرىلىستىڭ پيكەتتىك ۇزىندىعىن بەلگىلەيتىن بەلگىلەردىڭ بولۋى ۇسىنىلادى; 13) گيدروتەحنيكالىق قۇرىلىستاردىڭ كىرەبەرىس كانالدارى كەمەلەردىڭ اۆارياسىز ءجۇزۋىن قامتاماسىز ەتۋگە جانە ولاردا كەمە قاتىناۋدىڭ كەپىلدىك بەرىلگەن گاباريتتەرى بولۋعا ءتيىس. ولارداعى تەرەڭدىكتى ولشەۋلەر مەن ترال جۇمىستارى ۋاكىلەتتى ورگاننىڭ كاسىپورنى بەكىتكەن كەستەگە سايكەس جۇرگىزىلەدى; 14) كىرەبەرىس كانالدار جاعالاۋىنداعى ناۆيگاتسيالىق جانە باسقا دا بەلگىلەر جارامدى كۇيدە بولۋعا ءتيىس; 15) كىرەبەرىس كانالدارداعى كەمە قوزعالىسىنىڭ جىلدامدىعى كەمەلەر ۇلگىلەرىنە, كانالداردىڭ تابيعي ءتۇيىسۋى مەن ەڭىستەر بەكىتىلۋىنىڭ كۇيىنە بايلانىستى بەلگىلەنەدى جانە قازاقستان رەسپۋبليكاسى ۇكىمەتىنىڭ 2011 جىلعى 22 شىلدەدەگى № 845 قاۋلىسىمەن بەكىتىلگەن ىشكى سۋ جولدارىندا ءجۇزۋ قاعيدالارىنىڭ تالاپتارىنا سايكەس ءتيىستى بەلگىلەردى قويۋ ارقىلى شەكتەلەدى. 2. گيدرومەحانيكالىق جابدىق بويىنشا: 1) جابىق جاعدايداعى قاقپالار مەن بەكىتپەلەر تابالدىرىققا دۇرىس بەكىتىلۋگە نەمەسە تاۋاشاعا كىرۋگە جانە سۇزگىگە قارسى كونتۋرعا ىرگەلەس بولۋعا, اشىق جاعدايدا – گيدروتەحنيكالىق قۇرىلىستىڭ كەمە جۇزەتىن گاباريتتەرىنىڭ شەگىنەن اسپاۋعا ءتيىس; 2) قىسىمداعى قاقپالار مەن بەكىتپەلەردىڭ تىرەك جانە تىرەك-ءجۇرۋ توراپتارى جابىق جاعدايلاردا, سول سياقتى مانەۆر جاساۋ كەزىندە دە گيدروتەحنيكالىق قۇرىلىستىڭ قالىپتارىنا گيدروستاتيكالىق قىسىمدى دۇرىس بەرۋدى قامتاماسىز ەتۋگە ءتيىس; 3) قاقپالار مەن بەكىتپەلەرگە, ولاردىڭ تىرەك جانە تىرەك-ءجۇرۋ توراپتارىنا ەسەپتىك ماندەردەن اساتىن جۇكتەمەلەر تۇسىرۋگە جول بەرىلمەيدى; 4) قاقپالار مەن بەكىتپەلەردىڭ قاۋىپسىزدىك كريتەريلەرىمەن جانە گيدروتەحنيكالىق قۇرىلىس جوباسىمەن رەگلامەنتتەلىپ بەلگىلەنگەن شامالاردان ارتىق قيسايۋى مەن دەفورماتسياسىنا جول بەرىلمەيدى; 5) شليۋزدەردى پايدالانۋ كەزىندە قىسىمداعى, سونداي-اق اعىندا جۇمىس ىستەپ تۇرعان بەكىتپەلەردىڭ ۆيبراتسياسىنا جول بەرىلمەيدى; 6) بەكىتپەلەردى ۆيبراتسيا بولاتىن جاعدايلاردا توقتاتۋعا جول بەرىلمەيدى. قىسىمداعى جۇمىس جاعدايىنداعى بەكىتپەلەردىڭ ۆيبراتسياسى پايدا بولعان كەزدە ۆيبراتسيانىڭ پايدا بولۋ سەبەپتەرى دەرەۋ انىقتالادى جانە ولاردى جويۋعا شارالار قولدانىلادى; 7) ەلەكتر جەتەكتى تەتىكتەر كومەگىمەن بەكىتپەلەرمەن مانەۆرلەۋگە اۆتوماتتى باسقارۋ سحەماسىندا كوزدەلگەن باسقارۋ مەن قورعاۋدىڭ رەتتەلگەن جانە دۇرىس جۇمىس ىستەيتىن اپپاراتۋراسى بولعان كەزدە عانا رۇقسات ەتىلەدى. بەكىتپەلەرمەن مانەۆرلەۋ جونىندەگى وپەراتسيالاردىڭ كەزەكتىلىگىن بۇعاتتاۋلاردىڭ ءتيىستى جۇيەسىمەن بەلگىلەۋ جانە باقىلاۋ قاجەت. قاقپالار مەن بەكىتپەلەردىڭ قوزعالىسى كەدەرگىسىز جانە ءبىر قالىپتى, سەرپىلىسسىز بولۋعا ءتيىس. قوزعالىس جىلدامدىعى, سونداي-اق ارالىق جانە تۇپكى جاعدايلارداعى ايالدامالار جوبالىق سحەمالارعا سايكەس قامتاماسىز ەتىلەدى; 8) سۋ وتەتىن گالەرەيالار مەن باسقا دا سۋ وتكىزگىش شۇڭقىرلاردىڭ نەگىزگى بەكىتپەلەرىندە اعىنداعى سەنىمدى جابىلۋ قامتاماسىز ەتىلەدى; 9) دوڭگەلەكتى تىرەك-ءجۇرۋ بولىكتەرىنىڭ ۇيكەلەتىن بولشەكتەرىندە, سونداي-اق تابان تىرەكتەرى مەن گالسبانتتى قۇرىلعىلاردا جارامدى جانە سەنىمدى جۇمىس ىستەيتىن مايلاعىش قوندىرعىلار بولۋعا ءتيىس; 10) قاقپالاردىڭ جاياۋ ادامدار وتەتىن كوپىرشەلەرى, ستاتسيونارلىق تىرەۋلەر, وتپەلەر مەن قورشاۋلار جارامدى كۇيدە ۇستالادى; 11) قىسقى ۋاقىتتا مۇزدىڭ كۇشتىك اسەرىنە ەسەپتەلمەگەن قاقپالار مەن بەكىتپەلەر الدىندا قاتپايتىن مۇزويىقتىڭ (مۇز سۋاتتارى) ۇستالادى; 12) قاتتى ايازداردان كەيىنگى (300س-تان تومەن) ىقتيمال سىزاتتار مەن جارىقشاقتاردى انىقتاۋ ماقساتىندا قاقپالار مەن بەكىتپەلەردىڭ بارلىق دانەكەرلەنگەن كونسترۋكتسيالارى مۇقيات تەكسەرۋگە جاتادى; 13) بەكىتپەلەردىڭ قوقىس جيناعىش توركوزدەرى ۇنەمى تازالانۋعا جاتادى; 14) جوندەۋ قورشاۋلارىنىڭ تابالدىرىقتارى, تاۋاشالارى مەن ويىقتارى كەزەڭدىك تەكسەرۋگە جاتادى جانە ءاربىر ورناتۋ الدىندا قوقىستان تازارتىلادى. 3. جەتەكتى تەتىكتەر بويىنشا: 1) بەكىتپەلەردىڭ جەتەكتى تەتىكتەرى گيدروتەحنيكالىق قۇرىلىس جوباسىندا كوزدەلگەن شارتتار مەن نورمالاردى قاناعاتتاندىرۋعا ءتيىس. جەتەكتى تەتىكتەردىڭ كينەماتيكالىق جانە گيدرومەحانيكالىق سحەمالارىنداعى, تەتىكتەر مەن گيدروجۇيەلەردى جۇكتەمەلەردەن قورعاۋ بويىنشا مەحانيكالىق جانە گيدراۆليكالىق قۇرىلعىلار قۇرامى مەن كونسترۋكتسيالارىنداعى وزگەرىستەرگە وسى گيدروتەحنيكالىق قۇرىلىس جوباسىن ازىرلەگەن ۇيىممەن كەلىسىم بويىنشا عانا جول بەرىلەدى; 2) ەلەكتر جەتەكتى تەتىكتەر بەكىتپەنىڭ كەز كەلگەن جاعدايىندا تەتىكتى توقتاتۋ ءۇشىن تەجەۋىش قوندىرعىلارمەن, تەتىكتى شەكتەن تىس جۇكتەمەلەردەن قورعاۋ قۇرىلعىلارىمەن, ەلەكتر قوزعالتقىشتاردى جانە تەتىكتەردىڭ جەكەلەگەن توراپتارىن رەۆيزيالاۋ ءۇشىن توقتاتقىش قۇرىلعىلارمەن جابدىقتالادى; 3) رەدۋكتورلار ماي كورسەتكىشتەرمەن جابدىقتالادى, وندا تاۋەكەلدەرمەن رۇقسات ەتىلگەن ماي دەڭگەيىن بەلگىلەۋ كەرەك. بارلىق ناۆيگاتسيالىق كەزەڭدە رەدۋكتورلار پلومبالانعان بولۋعا ءتيىس; 4) تەتىكتەردىڭ جۇمىسىنا رۇقسات ەتىلگەن ماندەردەن اساتىن دەفورماتسيا جانە قاقپالار مەن بەكىتپەلەر تەتىكتەرىنىڭ نەمەسە مەتالل كونسترۋكتسيالارىنىڭ جاۋاپتى بولىكتەرىنىڭ بۇزىلۋى كەزىندە, بەرىلىس بولشەكتەرىندە سىزاتتار مەن دەفورماتسيالاردىڭ پايدا بولۋى كەزىندە, بولشەكتەر رۇقسات ەتىلگەن ماندەردەن اسىپ توزۋى كەزىندە, جاۋاپتى بولشەكتەر بەكىتكىشىنىڭ ناشارلاۋى جانە بۇزىلۋى كەزىندە, تەجەگىش قۇرىلعىلارىنداعى اقاۋلىقتار كەزىندە, قاقپالار مەن بەكىتپەلەردىڭ كۇيىنە جەتەك تەتىكتەرى تورابى كۇيىنىڭ سايكەس بولماعان كەزدە, رەدۋكتورلارداعى ماي دەڭگەيى رۇقسات ەتىلگەن دەڭگەيدەن تومەندەگەن كەزىندە, رەدۋكتورلارداعى پودشيپنيكتەر مەن مايدىڭ تەمپەراتۋراسى +750س-تان جوعارى بولعان كەزدە جول بەرىلمەيدى; 5) مەحانيكالىق قورعانىستىڭ قۇرىلعىلارىن شەكتەن تىس جۇكتەمەلەردەن رەتتەۋ جانە ولاردىڭ ارەكەتىن ازىرلەۋشى زاۋىتتىڭ تەحنيكالىق نۇسقاۋلىقتارىنا سايكەس جۇرگىزىلەدى; 6) ءوزارا ىلەسپە قۇرىلعىلارمەن بايلانىسقان تەتىكتەردەگى تەجەۋىشتەر ەكى تەتىكتىڭ ءبىر ۋاقىتتا تەجەلۋىن قامتاماسىز ەتۋگە ءتيىس; 7) پلاستينا تارىزدەس شىنجىرلارعا مۇقيات كۇتىم ۇيىمداستىرىلادى. شىنجىرلاردى ولارعا شاڭ-توزاڭ مەن كىر تۇسۋدەن قورعاۋ, ولاردى مەزگىلىمەن جۋىپ, مۇقيات مايلاۋ كەرەك. شىنجىرلاردىڭ توزۋىنا جۇيەلى باقىلاۋ جۇرگىزۋ قاجەت; 8) جۇكتەرى تۇسىرىلمەگەن جانە توقتاتىلماعان تەتىكتەردىڭ تەجەۋىشتەرىن رەتتەۋگە جانە توراپتارىن بولشەكتەۋگە جول بەرىلمەيدى; 9) قاقپالار مەن بەكىتپەلەردىڭ گيدروجەتەكتەرى جۇيەنى شەكتەن تىس جۇكتەمەدەن جانە ماي قىسىمىنىڭ جوعارىلاۋىنان قورعايتىن ساقتاندىرعىش كلاپاندارمەن, جۇمىس جۇكتەمەسىنىڭ شەكتى ءمانىن كورسەتەتىن شكالاسىندا قىزىل سىزىق بار مانومەترلەرمەن, قاقپالار مەن بەكىتپەلەردىڭ جارمالار گيدروتسيليندردىڭ شتوگى كەلىسىلگەن قوزعالىسى باقىلاناتىن قۇرىلعىلارمەن جابدىقتالادى; 10) گيدروجەتەكتەردى جۇمىسقا قوسۋعا قىسىم رەلەسىنىڭ, توك قورعانىسىنىڭ جارامسىزدىعى كەزىندە, گيدروجەتەكتى باسقارۋ جۇيەسىندەگى جارامسىزدىق كەزىندە, پايدالانىلاتىن نورمالارعا سايكەس كەلمەيتىن ماي ساپاسى كەزىندە, مايدىڭ تەمپەراتۋراسى بەلگىلەنگەن شەگىنەن تومەن بولعان كەزدە, مايسورعىشتاردىڭ نەمەسە ىسكە قوسۋدى رەتتەيتىن اپپاراتۋرانىڭ جارامسىزدىعى كەزىندە, مايسورعىش قوندىرعىسى باكتارىنداعى ماي دەڭگەيىنىڭ نومينالدى كورسەتكىشتەن تومەن بولعان كەزدە جول بەرىلمەيدى; 11) گيدروجەتەك مايسورعىش قوندىرعىسى باكتارىنداعى ماي دەڭگەيى رۇقسات ەتىلگەن دەڭگەيدەن تومەن بولعان كەزدە; سورعىلاردا قاعىستار, شۋىل پايدا بولعان كەزدە, سونداي-اق سورعىلار مەن قۇبىر وتكىزگىشتەردە ۆيبراتسيانىڭ كەنەتتەن ارتۋى كەزىندە; ەلەكتر قوزعالتقىشتارىنىڭ قىزىپ كەتۋى كەزىندە; تەحنولوگيالىق قورعانىستىڭ جارامسىزدىعىن انىقتاعان كەزدە; مايدىڭ جۇيەدەن اعىپ كەتۋى پايدا بولعان كەزدە دەرەۋ توقتاتۋعا جاتادى; 12) ماي قۇبىروتكىزگىشتەرىن, گيدروتسيليندرلەردى, مايسورعى قوندىرعىلارىن ءاربىر جوندەگەننەن كەيىن گيدروجەتەكتى سىناۋعا دەيىن گيدراۆليكالىق جۇيەنىڭ جۇمىس قىسىمىنان 50%-عا ارتاتىن قىسىممەن 10 مينۋت ىشىندە قىسىممەن تىعىزداۋ جۇرگىزىلەدى; 13) گيدروجەتەكتەردىڭ ساقتاندىرعىش كلاپاندارى نومينالدى قىسىمنان 10-15 %-عا ارتاتىن قىسىمعا رەتتەلۋگە ءتيىس; 14) ماي باكتارى, رەتتەگىشتەر قاپتامالارى, ساقتاندىرعىش كلاپاندار, مانومەترلەر بارلىق ناۆيگاتسيالىق كەزەڭ ىشىندە پلومبالانعان تۇردە ۇستالادى; 15) گيدروجەتەكتەردە پايدالانىلاتىن ماي وعان بەلگىلەنگەن تالاپتارعا سايكەس بولۋعا ءتيىس, ونىڭ ساپاسىنا تۇراقتى باقىلاۋ جۇرگىزۋ قاجەت; 16) قاقپالار مەن بەكىتپەلەردى ۇزاق ۋاقىتقا جابىق جاعدايعا كەلتىرۋ كەزىندە گيدروتسيليندرلەردىڭ شتوكتارى مايلانادى. 4. قوسالقى جابدىق بويىنشا: 1) گيدروتەحنيكالىق قۇرىلىستارداعى شۆارتتىق قۇرىلعىلار (ستاتسيونارلىق رىمدار مەن تۋمبالار, قالقىمالى رىمدار) بەرىكتىگى بويىنشا ەسەپتىك كەمەدەن قابىلدانعان شۆارتتىق كۇشكە سايكەس بولۋعا ءتيىس; گيدروتەحنيكالىق قۇرىلىسقا جاقىنداۋ كەزىندە كەمە جۇرگىزۋشىلەرىنە جاقسى كورىنەتىن نومىرلەنۋى بولۋعا ءتيىس; قولايسىز اۋا تەمپەراتۋراسى كەزىندەگى جۇمىس كەزەڭىندە قالقىمالى رىمدار رىمدىق تاۋاشالاردىڭ ۇستىڭگى بولىگىنە ىلىنەدى نەمەسە ولاردان الىنادى; شارۋاشىلىق جانە وزگە دە مۇقتاجدىقتارعا ستاتسيونارلىق كەپتىرگىش سورعى اگرەگاتتارىن پايدالانۋعا جول بەرىلمەيدى; ەگەر كولىكتىڭ جالپى سالماعى كونسترۋكتسيانىڭ جۇك كوتەرگىشتىگىنەن اساتىن بولسا, گيدروتەحنيكالىق قۇرىلىستىڭ كوپىرلى جانە كونسولدى كونسترۋكتسيالارى بويىنشا ونى وتكىزۋگە جول بەرىلمەيدى; جۇككوتەرگىش جانە وزگە دە قوسالقى جابدىقتى, بايلانىس اۆتوماتتاندىرۋ قۇرالدارىن جانە باسقا دا قۇرىلعىلاردى پايدالانۋ ازىرلەۋشى زاۋىتتىڭ نۇسقاۋلىقتارىنا سايكەس جۇزەگە اسىرىلادى. 5. مەتالل كونسترۋكتسيالارىن توت باسۋدان قورعاۋ بويىنشا: 1) گيدروتەحنيكالىق قۇرىلىستاردىڭ بارلىق مەتالل كونسترۋكتسيالارىن, تەتىكتەرىن, قوسالقى جانە جوندەۋ جابدىقتارىن قورعاۋشى جابىندىلارىن جۇيەلى تۇردە جاعۋ جولىمەن توت باسۋدان قورعاۋ قاجەت; 2) ءاربىر گيدروتەحنيكالىق قۇرىلىستاعى توت باسۋدان قورعاۋ بويىنشا جۇمىستاردى جوسپارلاۋ ءۇشىن قاقپالاردىڭ, بەكىتپەلەردىڭ, تەتىكتەردىڭ مەتالل كونسترۋكتسيالارىنىڭ بويالۋعا ءتيىس اۋماعى جانە كەزەڭدىلىگى كورسەتىلگەن انىقتامالىق دەرەكتەرى بولۋعا ءتيىس; 3) ءاربىر قۇرىلىستاعى مەتالل كونسترۋكتسيالاردىڭ توت باسۋعا قارسى جابىندىسىنىڭ جاي-كۇيى جىل سايىنعى ناۆيگاتسيانىڭ جابىلۋىنان كەيىن, ال قۇرىلىستاردىڭ سۋاستى بولىگىندە – كامەرالار مەن گالەرەيالاردى كەپتىرگەن كەزدە نەمەسە سۋاستى تەكسەرۋلەرىنىڭ كومەگىمەن ايقىندالادى; 6. ەلەكتر-تەحنيكالىق جابدىق بويىنشا: 1) ءى ساناتتى ەلەكتر قابىلداعىشتار تاۋەلسىز ءوزارا رەزەرۆتەيتىن ەكى قۋات بەرۋ كوزىنەن ەلەكتر ەنەرگياسىمەن قامتاماسىز ەتىلۋگە ءتيىس, قۋات بەرۋ كوزدەرىنىڭ بىرىنەن ەلەكترمەن جابدىقتاۋ بۇزىلۋ كەزىندە ولاردىڭ ەلەكترمەن جابدىقتالۋ ۇزىلىسىنە قۋات بەرۋ اۆتوماتتى قالپىنا كەلۋ ۋاقىتىنا عانا رۇقسات ەتىلەدى. ءى ساناتتى ەلەكتر قابىلداعىشتاردىڭ ەرەكشە توبىن ەلەكترمەن جابدىقتاۋ ءۇشىن ءۇشىنشى تاۋەلسىز ءوزارا رەزەرۆتەيتىن قۋات بەرۋ كوزىنەن قوسىمشا قورەكتەندىرۋ كوزدەلەدى. ەلەكتر قابىلداعىشتاردىڭ ەرەكشە توبى ءۇشىن ءۇشىنشى تاۋەلسىز قۋات بەرۋ كوزى رەتىندە جانە ءى ساناتتى قالعان ەلەكتر قابىلداعىشتار ءۇشىن ەكىنشى تاۋەلسىز قورەكتەندىرۋ كوزى رەتىندە جەرگىلىكتى ەلەكتر ستانتسيالارى, ەنەرگيا جۇيەلەرىنىڭ ەلەكتر ستانتسيالارى (اتاپ ايتقاندا, گەنەراتورلىق كەرنەۋ شينالارى), ارنايى ءۇزىلىسسىز قورەك اگرەگاتتارى, اككۋمۋلياتورلىق باتارەيالار جانە ت.ب. پايدالانىلادى. ەگەر ەلەكترمەن جابدىقتاۋدى رەزەرۆتەۋمەن تەحنولوگيالىق پروتسەستى قاجەتتى ۇزدىكسىز قامتاماسىز ەتۋ مۇمكىن بولماسا نەمەسە ەگەر ەلەكترمەن جابدىقتاۋدى رەزەرۆتەۋ ەكونوميكالىق تۇرعىدان ورىنسىز بولسا, تەحنولوگيالىق رەزەرۆتەۋ جۇزەگە اسىرىلادى; 2) گيدروتەحنيكالىق قۇرىلىستىڭ ەلەكتر قوندىرعىلارىن ەنەرگيا جۇيەسىنە قوسۋ گيدروتەحنيكالىق قۇرىلىس جوباسىنا, قازاقستان رەسپۋبليكاسى ۇكىمەتىنىڭ 2013 جىلعى 10 شىلدەدەگى № 713 قاۋل
