جاۋاپكەرشىلىك جارنادان باستالادى

كەيىنگى كەزدە «نۇر وتان» پارتياسىنىڭ جۇمىسىندا سونى سەرپىلىس بايقالاتى­­­­­­نىن بارشا جۇرتشىلىق ايتا الادى. پارتيانىڭ اشىقتىعى, ەلمەن بايلانىسىن ەتەنە ەتە تۇسكەنى, حالىقتىڭ مۇڭ-مۇقتاجىنا كوبىرەك كوڭىل بولەتىن بولعانى ايقىن اڭعارىلادى. وسى ءىستىڭ بەل ورتاسىندا پارتيالىق باقىلاۋ كوميتەتى تۇر دەۋدىڭ ەشقانداي ارتىقتىعى جوق. كەشە «نۇر وتان» پارتياسى ساياسي كەڭەسى بيۋروسىنىڭ ءمۇ­شە­سى, ءماجىلىس دەپۋتاتى قۋانىش سۇل­­تانوۆتىڭ توراعالىق ەتۋىمەن پار­تيالىق باقىلاۋ كوميتەتىنىڭ كەزەك­تى ءماجىلىسى ءوتتى. وندا پارتيا­نىڭ سولتۇستىك قازاقستان وبلىس­تىق فيليالىنىڭ مۇشەلىك پارتيا جارنانى ۋاقتىلى جيناۋدى ۇيىم­داستىرۋ جونىندەگى جۇمىسى تۋرالى ماسەلە قارالدى. كوميتەت مۇشەسى – ءماجىلىس دەپۋتاتى يرينا ارونوۆانىڭ سوزىندە وبلىستا پارتيا مۇشەلەرىنىڭ جارنا تولەۋ ءتارتىبى نەگىزىنەن دۇرىس ساقتالىپ وتىرعانى, سونىمەن قاتار, بىرقاتار كەمشىلىكتەر دە ورىن العانى اتاپ ءوتىلدى. «نۇر وتان» پارتياسىنىڭ حاتشىسى قۇمار اقساقالوۆ ءوز سوزىندە بۇل جۇمىستىڭ جايىنا جان-جاقتى تالداۋ جاساپ, ولقىلىقتاردى جويۋ جونىندە ۇسىنىستارىن ايتتى. پارتيانىڭ سولتۇستىك قازاقستان وبلىستىق فيليالىنىڭ توراعاسى, وبلىس اكىمى سامات ەسكەندىروۆتىڭ ءسوزى ناقتى جاعدايعا شىنشىل باعا بەرۋگە, ءوز جۇمىسىنا سىني تۇرعىدان قاراۋعا قۇرىلدى. پارتيالىق باقىلاۋ كوميتەتىنىڭ مۇشەلەرى – ءماجىلىس دەپۋتاتتارى مايرا ايسينا, سەرىكجان قاناەۆ, پارتيانىڭ ورتالىق باقىلاۋ-رەۆيزيا كوميسسياسىنىڭ مۇشەسى ءانۋار ءىلياسوۆا تالقىلانىپ وتىرعان ماسەلەنىڭ ءمان-جايىن تەرەڭ اشىپ, پارتيا مۇشەلەرىنىڭ جاۋاپكەرشىلىگى جارنا جيناۋ جۇمىسىنان دا تانىلاتىنىن اتاپ ايتتى, جىبەرىلگەن كەمشىلىكتەردى جويۋدىڭ ناقتى جولدارىن كورسەتتى. ءماجىلىس پارتيانىڭ وڭىرلىك فيليالدارى توراعالارىنىڭ ءبىرىنشى ورىنباسارلارىنىڭ, وبلىستارداعى پارتيالىق باقىلاۋ كوميسسيالارى توراعالارىنىڭ تۇگەلدەي قاتىسۋىمەن بەينەكونفەرەنتسيا تۇرىندە ۇيىمداستىرىلىپ, ماسەلە تىكەلەي بايلانىس ارقىلى تالقىلانىپ وتىرعانىنا بايلانىستى پارتيانىڭ ساياسي كەڭەسىنىڭ مۇشەسى, «ەگەمەن قازاقستان» رەسپۋبليكالىق گازەتى» اكتسيونەرلىك قوعامىنىڭ پرەزيدەنتى ساۋىتبەك ابدراحمانوۆ وبلىستاعى وكىلدەرگە «نۇر وتاننىڭ» جۇمىسىن باس باسىلىمنىڭ بەتىندە جۇيەلى جازۋعا, كەڭىنەن كورسەتۋگە قاتىستى ءوز ۇسىنىستارىن ايتىپ, ورتاق ىسكە بەلسەنە اتسالىسۋعا شاقىردى. ءماجىلىستى قورىتىندىلاعان پارتيالىق باقىلاۋ كوميتەتىنىڭ توراعاسى قۋانىش سۇلتانوۆ «نۇر وتان» قاتارىنىڭ تازالىعىن ساقتاۋ, پارتيا بەدەلىن بيىكتەتە ءتۇسۋ جونىندەگى ءوز ويلارىمەن ءبولىستى. «ەگەمەن-اقپارات».