وقيعا 6 شىلدەدە جەرگىلىكتى ۋاقىتپەن ساعات 14.30 شاماسىندا بولعان.
اۋدان ورتالىعىنداعى كوپپاتەرلى, «قىزىلوردا سۋ تورابى» مەملەكەتتىك مەكەمەسىنە تيەسىلى تۇرعىن ۇيلەردىڭ شاتىرلارى ۇشقان.
«كوپپاتەرلى ءۇيدىڭ شاتىرى جانە ەلەكتر باعاناسى سول اۋماقتا ورنالاسقان اۆتوتۇراقتاعى 2 اۆتوكولىكتىڭ ۇستىنە تۇسكەن. سونداي-اق «قىزىلوردا سۋ تورابىنا» 211-بەكەت باسىندا ورنالاسقان تۇرعىن ءۇي شاتىرىنىڭ جارتىسى جەرگە قۇلاعان», دەدى وبلىستىق توتەنشە جاعدايلار دەپارتامەنتىنىڭ ءبولىم باستىعى نۇربول يسانوۆ.
دەپارتامەنت مالىمەتىنشە, وقيعا ورنىندا قازا بولعاندار مەن زارداپ شەككەندەر جوق. جەرگىلىكتى اتقارۋشى ورگاندار كوميسسياسى جۇمىس ىستەپ جاتىر.
ايانا توعانبەك
