ءبىلىم • 06 شىلدە، 2022

پەداگوگيكالىق عىلىمدارعا 11 مىڭعا جۋىق گرانت ءبولىندى

257 رەت كورسەتىلدى

2022-2023 وقۋ جىلىنا ارنالعان ءبىلىم بەرۋ گرانتتارىن ءبولۋ ءتىزىمى جاريالاندى، دەپ حابارلايدى Egemen.kz.

عىلىم جانە جوعارى ءبىلىم مينيسترلىگىنىڭ مالىمەتىنشە، گرانتتاردىڭ باسىم بولىگى ينجەنەرلىك، وڭدەۋ، قۇرىلىس سالالارىنا بولىنگەن، ولاردىڭ سانى 17 794-ءتى قۇرايدى.

«ال پەداگوگيكالىق عىلىمدارعا – 10 810 گرانت، اقپاراتتىق-كوممۋنيكاتسيالىق تەحنولوگيالار سالاسىنا – 9 103 گرانت، جاراتىلىستانۋ عىلىمدارى، ماتەماتيكا جانە ستاتيستيكا باعىتىنا 6 288 گرانت تيەسىلى. سونداي-اق، تەحنيكالىق باعىتتارعا ەرەكشە نازار اۋدارىلىپ، مەملەكەتتىك تاپسىرىستىڭ ۇلەسى 60%-عا دەيىن ۇلعايدى. باكالاۆرياتقا 2022-2023 وقۋ جىلىندا 73 مىڭعا جۋىق گرانت ءبولىندى»، دەپ جازىلعان ۆەدومستۆو اقپاراتىندا.

ايتا كەتسەك، حالىقتىڭ الەۋمەتتىك وسال توپتارىنان شىققان بالالار ءۇشىن كۆوتالار سانى ەداۋىر ارتقان. كوپ بالالى نەمەسە تولىق ەمەس وتباسىلاردان شىققان بالالار، سونداي-اق ەرەكشە قاجەتتىلىكتەرى بار بالالاردى تاربيەلەپ وتىرعان وتباسىلارداعى تالاپكەرلەر گرانت الۋ ءۇشىن كوبىرەك مۇمكىندىكتەرگە يە بولادى.

«بيىل العاش رەت مەملەكەت باسشىسىنىڭ تاپسىرماسى بويىنشا ءبىلىم بەرۋ گرانتىنىڭ جاڭا ءتۇرى انىقتالدى: «حالىقتىڭ تىعىز ورنالاسقان جانە باتىس وڭىرلەرىنىڭ جاستارىنىڭ جەتەكشى جوعارى وقۋورىندارىندا وقۋعا ارنالعان ماقساتتى ءبىلىم بەرۋ گرانتى» - اتىراۋ جانە ماڭعىستاۋ وبلىستارىنىڭ 10 مىڭ تالاپكەرىنە جوعارى وقۋ ورىندارىندا ءبىلىم الۋ ءۇشىن ماقساتتى گرانتتار الۋعا مۇمكىندىك بەرەدى. ماقساتتى «اتىراۋ-ماڭعىستاۋ» گرانتىنا كونكۋرسقا اعىمداعى جىلدىڭ مەكتەپ تۇلەكتەرى قاتىسا الادى. بۇل رەتتە ولار ءبىر ۋاقىتتا جالپى كونكۋرسقا، ونىڭ ىشىندە «سەرپىن» بايقاۋىنا قاتىسا المايدى»، دەلىنگەن مينيسترلىك حابارلاماسىندا.

ۇلتتىق تەستىلەۋ ورتالىعىنىڭ ديرەكتورى رۋسلان ەمەلباەۆتىڭ مالىمەتىنشە، ءبىلىم گرانتتارى، ونىڭ ىشىندە «اتىراۋ-ماڭعىستاۋ» ماقساتتى گرانت سانىنىڭ ارتۋىنا بايلانىستى بۇگىن ءتىزىم جاريالانعان.

«مەملەكەت باسشىسىنىڭ تاپسىرماسى بويىنشا بارلىق گرانتتىڭ 60% تەحنيكالىق ماماندىقتارعا ءبولىندى. تالاپكەرلەر بەرىلگەن اقپارات نەگىزىندە دۇرىس تاڭداۋ جاسايدى دەپ سەنەمىن»، دەدى ول.

ماگيستراتۋراعا تۇسۋگە 13 مىڭنان استام، دوكتورانتۋراعا تۇسۋگە 1800-دەن استام گرانت بولىنگەن.

2022-2023 وقۋ جىلىنا ارنالعان ءبىلىم بەرۋ گرانتتارىن ءبولۋدىڭ تولىق ءتىزىمى ءبىلىم جانە عىلىم مينيسترلىگى ۇلتتىق تەستىلەۋ ورتالىعىنىڭ سايتىندا جاريالانعان.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار