قازگيدرومەت سينوپتيكتەرىنىڭ مالىمەتىنشە, الماتى مەن قوناەۆ قالالارىندا كۇندىز نايزاعاي وينايدى.
ەرتەڭ قىزىلوردا وبلىسىندا جەل سولتۇستىك-باتىستان سوعادى, وبلىستىڭ ورتالىعىندا, سولتۇستىگىندە كۇشى 15-20 م/س ساقتالادى. وبلىستىڭ باسىم بولىگىندە توتەنشە ءورت قاۋپى ساقتالادى.
«7 شىلدەدە اقمولا وبلىسىنىڭ وڭتۇستىگىندە, شىعىسىندا قاتتى جاڭبىر جاۋادى, نايزاعاي, بۇرشاق كۇتىلەدى. تۇندە جانە تاڭەرتەڭ وبلىستىڭ سولتۇستىگىندە تۇمان كۇتىلەدى. سولتۇستىك-شىعىستان جەل سوعادى, وبلىستىڭ باتىسىندا, وڭتۇستىگىندە, شىعىسىندا ەكپىنى 15-20 م/س جەتەدى.
كۇندىز اقتوبە وبلىسىنىڭ وڭتۇستىك-باتىسىندا, ورتالىعىندا سولتۇستىكتەن, سولتۇستىك-باتىستان جەل سوعادى, ەكپىنى - 15 م/س.
ەرتەڭ كۇندىز تۇركىستان وبلىسىنىڭ سولتۇستىگىندە, تاۋلارىندا نايزاعاي ويناپ, داۋىل سوعادى. وبلىستىڭ سولتۇستىگىندە شاڭدى داۋىل كۇتىلەدى. باتىستان جەل سوعادى, وبلىستىڭ سولتۇستىگىندە كۇشى - 15-20, كۇندىز تاۋلى اۋدانداردا ەكپىنى - 23 م/س», دەلىنگەن قازگيدرومەت حابارىندا.
قوستاناي وبلىسىنىڭ وڭتۇستىك-شىعىسىندا, سولتۇستىگىندە نايزاعاي, بۇرشاق كۇتىلەدى. سولتۇستىكتەن, سولتۇستىك-شىعىستان جەل سوعادى, وبلىستىڭ وڭتۇستىك-شىعىسىندا - 15-20 م/س.
7 شىلدەدە كۇندىز پاۆلودار وبلىسىنىڭ سولتۇستىگىندە, باتىسىندا, شىعىسىندا نايزاعاي, بۇرشاق كۇتىلەدى. شىعىستان جەل سوعادى, كۇشى نايزاعاي كەزىندە - 18 م/س.
سولتۇستىك قازاقستان وبلىسىنىڭ سولتۇستىك-باتىسىندا, وڭتۇستىگىندە نايزاعاي كۇتىلەدى. تۇندە جانە تاڭەرتەڭ وبلىستىڭ سولتۇستىگىندە, شىعىسىندا, وڭتۇستىگىندە تۇمان تۇسەدى.
