قامكوڭىل جانعا قامقورلىق

اقتوبە وبلىسىنىڭ كاسىپ­كەر­لەر پالاتاسى مۇمكىندىگى شەك­تەۋلى جاندارعا ءاردايىم كومەك قو­لىن سوزۋعا دايىن. وبلىستىق كاسىپكەرلىك پالاتاسىنىڭ ەمبى قالا­سىنداعى فيليالىنىڭ باس­شى­لىعى ءۇشىنشى توپتاعى مۇگەدەك قايرات ەسەكەنوۆتىڭ ءوز ءىسىن اشۋىنا كومەكتەسەتىن بولدى. فيليال ديرەكتورى تىلەك ناقپاەۆتىڭ ايتۋىنشا, ول ءوزىنىڭ شاعىن كاسىپ­كەرلىگىن اشۋعا فيليالعا كەڭەس الۋعا جولىققان. قايرات ەسە­كە­نوۆ كەزىندە دۇكەن اشۋ ءۇشىن عي­مارات سالعان ەكەن. الايدا, ءبىر سە­بەپتەرمەن دۇكەندى اشىپ ۇلگەر­مەپتى. سودان كەيىن مۇندا پلاس­تيك تەرەزە جاسايتىن تسەح ورنالاس­تى­رۋدى شەشكەن. ول «بيزنەس-كەڭەس­شى» كاسىپكەرلىكتى دامىتۋ قو­رىنىڭ باعدارلاماسى بويىن­شا ەكى اپتالىق كۋرس تىزىمىنە ەنگى­زىلگەن. سودان كەيىن وعان قاجەتتى قوندىرعىلار ساتىپ الۋ ءۇشىن نەسيە الۋعا جول اشىلادى. – بۇل قارجى وعان قوندىرعى ساتىپ الۋعا قاجەت. جىگەرلى جان­نىڭ مۇگەدەكتىگىنە قاراماستان ءوز ءىسىن اشۋعا قۇشتارلىعى مەن ىن­تالىلىعى ءتانتى ەتەدى. ونىڭ بيز­نە­سىندە بارلىق وتباسى مۇشەلەرى ەڭبەك ەتەتىن بولادى, – دەيدى فيليال باسشىسى تىلەك ناقپاەۆ. ساتىبالدى ءساۋىرباي, «ەگەمەن قازاقستان». اقتوبە وبلىسى, مۇعالجار اۋدانى.