ءبىلىم گرانتى ءتىزىم بويىنشا مىناداي ماماندىقتارعا بەرىلەدى:
- پەداگوگيكالىق ماماندىقتارعا – 1 050 ورىن.
- مەديتسينالىق ماماندىقتار بويىنشا – رەزيدەنتۋراعا 128 ورىن.
- گۋمانيتارلىق پاندەر بويىنشا – يسلامتانۋ, تەولوگيا, ءدىنتانۋ – 15 ورىن.
قالا اكىمىنىڭ ءبىلىم گرانتى قازاقستان رەسپۋبليكاسى ۇكىمەتىنىڭ 2008 جىلعى 23 قاڭتارداعى N 58 قاۋلىسىنىڭ 2-تاراۋ 11-تارماعىنا سايكەس بەرىلىپ كەلەدى.
ء«بىلىم گرانتى جەرگىلىكتى بيۋدجەت قاراجاتى ەسەبىنەن جوعارى ءبىلىم بەرۋ گرانتتارى كونكۋرسىنا قاتىسۋ ءۇشىن قىسقارتىلعان وقۋ مەرزىمدەرى كوزدەلەتىن جوعارى ءبىلىم كادرلارىن دايارلاۋدىڭ ۇقساس باعىتتارى بويىنشا تۇسۋشىلەردى قوسپاعاندا, ورتا, تەحنيكالىق جانە كاسىپتىك نەمەسە ورتا بىلىمنەن كەيىنگى ءبىلىمى بار, ۇبت-دان وتكەن جانە ونىڭ ناتيجەلەرى بويىنشا بەرىلەدى», دەلىنگەن قالالىق ءبىلىم باسقارماسى تاراتقان حابارلامادا.
ءبىلىم باسقارماسىنىڭ تاراتقان مالىمەتتەرىنە سايكەس گرانتتار مىناداي تالاپتارعا يە ازاماتتارعا بەرىلەدى:
- ۇلتتىق ججوكبۇ-عا ءتۇسۋ ءۇشىن – كەمىندە 65 بالل, «پەداگوگيكالىق عىلىمدار» ءبىلىم بەرۋ سالاسى بويىنشا – كەمىندە 75 بالل, «دەنساۋلىق ساقتاۋ» سالاسى بويىنشا كەمىندە 70 بالل;
- باسقا ججوكبۇ-عا ءتۇسۋ ءۇشىن – كەمىندە 50 بالل, «پەداگوگيكالىق عىلىمدار» ءبىلىم بەرۋ سالاسى بويىنشا – كەمىندە 75 بالل, «دەنساۋلىق ساقتاۋ» سالاسى بويىنشا كەمىندە 70 بالل جيناعاندار جىبەرىلەدى.
ال مەديتسينالىق ماماندىقتار بويىنشا رەزيدەنتۋراعا جوعارى وقۋ ورنىنان كەيىنگى ءبىلىم الۋ ءۇشىن مىنا سىلتەمە ارقىلى ءوتىنىش بەرۋگە بولادى
