اتاپ ايتقاندا, جۇرگىزۋشى كۋالىگىنىڭ مەرزىمى ءوتىپ كەتكەن, قاجەتتى جۇرگىزۋ ساناتى جانە تاسىمالداۋشىنىڭ جولاۋشىلار الدىنداعى جاۋاپكەرشىلىگىن مىندەتتى ساقتاندىرۋى جوق جۇرگىزۋشىلەردىڭ بالالاردى تاسىمالداعان فاكتىلەرى تىركەلدى.
«جەكەلەگەن وڭىرلەردە وقۋشىلاردى تاسىمالداۋعا بۇرىن قىلمىستىق جاۋاپتىلىققا تارتىلعان جانە بالالارمەن جۇمىس ىستەۋگە قۇقىعى جوق ادامدار جىبەرىلگەن. كەي اۆتوبۋستار رەيس الدىنداعى تەحنيكالىق قاراپ-تەكسەرۋدەن, ال جۇرگىزۋشىلەر مەديتسينالىق كۋالاندىرۋدان وتپەگەن», دەلىنگەن باس پروكۋراتۋرا حابارلاماسىندا.
جالپى اۆتوبۋس پاركىنىڭ جاي-كۇيى, ولاردىڭ ماتەريالدىق-تەحنيكالىق جابدىقتالۋى ء(ورت سوندىرگىشتەردىڭ, قاۋىپسىزدىك بەلدىكتەرىنىڭ, جارقىلداۋىق ماياكتاردىڭ, «بالالاردى تاسىمالداۋ» تاقتايشالارىنىڭ بولماۋى جانە ت.ب.) قاۋىپسىزدىك تالاپتارىنا سايكەس كەلمەيدى دەپ تانىلدى.
«وسى جىلعى 28 ساۋىردە باس پروكۋراتۋرا ءبىلىم جانە عىلىم مينيسترلىگىنىڭ اتىنا پروكۋرورلىق قاداعالاۋ اكتىسىن ەنگىزدى, ونى قاراۋ ناتيجەلەرى بويىنشا جول بەرىلگەن بۇزۋشىلىقتار ءۇشىن 93 ادام (ونىڭ ىشىندە مەكتەپ ديرەكتورلارى, بالاباقشا مەڭگەرۋشىلەرى, اكىمدىكتەر قىزمەتكەرلەرى) تارتىپتىك جاۋاپتىلىققا تارتىلدى», دەلىنگەن حابارلامادا.
اۆتوپاركتى جاڭارتۋ جانە بالالاردى تاسىمالداۋ ءۇشىن وڭىرلەر مەكتەپتەرىن اۆتوبۋستارمەن قامتاماسىز ەتۋ جۇمىستارى باستالدى. اكىمدىكتەر 515 جاڭا اۆتوبۋستى, ولاردىڭ ءبىر بولىگىن الداعى وقۋ جىلىنا قاراي ساتىپ الۋدى جوسپارلاپ وتىر.
سونىمەن قاتار وقۋ-اعارتۋ مينيسترلىگى قازىرگى ۋاقىتتا ىشكى ىستەر مينيسترلىگىمەن بىرلەسىپ تاسىمالداۋدىڭ (مەكتەپ كولىگىمەن) قاۋىپسىز جاعدايلارىنا وقۋشىلار قۇقىقتارىنىڭ ساقتالۋى بەلگىسىنە تەكسەرۋلەر جۇرگىزىلىپ جاتىر.
