قوستاناي وبلىسىنىڭ گيمنى پايدا بولدى

قوستاناي. 28 ءساۋىر. بۇدان بىرنەشە جىل بۇرىن قوستاناي وبلىسىنىڭ ەمبلەماسى جاسالعان ەدى. ەندى وبلىستىڭ ءوز گيمنى دە پايدا بولدى. بۇل تۋرالى egemen.kz ءتىلشىسى حابارلادى. توبىل ءوڭىرى تۇرعىندارىنىڭ گيمنىنىڭ مۋزىكاسىن بەلگىلى كومپوزيتور كەڭەس دۇيسەكەەۆ جازعان بولسا, ءسوزىن اقىن سەرىك تۇرعىنبەكوۆ قاعازعا ءتۇسىردى. ءبىر ايتا كەتەرلىگى, كەڭەس دۇيسەكەەۆ سوڭعى التى جىل بويى قاتارىنان قوستانايدا ءوتىپ جۇرگەن جاس تالانتتاردىڭ «زولوتوي ميكروفون» حالىقارالىق ءان بايقاۋىندا قازىلار القاسىنىڭ توراعاسى بولىپ كەلەدى. -قوستاناي - قازاقتىڭ ەڭ ءبىر شۇرايلى, حالقىمىزدىڭ دارالارىن بەرگەن  توپىراعى  قۇنارلى ءوڭىر. بۇل جەر ماعان دا جات ەمەس, قازاقتىڭ قاي جەرىندە  تۋعان جەرىمدەي كورەمىن. وتكەن جىلى وبلىس اكىمى نۇرالى سادۋاقاسوۆ: «وبلىستىڭ گيمنىن جازىپ بەرسەڭىز» دەگەن ءوتىنىش بىلدىرگەن. بىراق ۋادە بەرگەن جوق ەدىم, ويتكەنى ول - ۋادەنىڭ ەمەس, شىعارماشىلىقتىڭ ءىسى. دەگەنمەن, بيىل اقىن سەرىك تۇرعىنبەكوۆ ەكەۋمىز گيمندى جازىپ شىقتىق. ەڭ باستىسى ونى –وبلىستىڭ, ەلىمىزدىڭ بولاشاعى –بالالار ورىندادى,- دەيدى كەڭەس دۇيسەكەەۆ. كومپوزيتور سوڭعى ءۇش جىل بويى «زولوتوي ميكروفونعا» ءوزىنىڭ جاڭا اندەرىن اكەلىپ ءجۇر. العاشقىدا «نۇر تۇلعا», بىلتىر «التىن بەسىك--استانام» دەگەن اندەرىنىڭ قوستانايدا تۇساۋى كەسىلدى. بيىل حالىقارالىق بايقاۋ كەڭەس اعا جازعان وبلىس گيمنىمەن اياقتالدى. ءنازيرا جارىمبەتوۆا. دەرەككوز: egemen.kz. فوتو: showdesign.kz.