«بيىل قازاق ديپلوماتياسى ءۇشىن حالىقارالىق وقيعالار وتە كوپ. قىركۇيەك ايىندا قازاقستان ەلوردامىزدا 2003 جىلدان بەرى وتكىزىلىپ كەلە جاتقان الەمدىك جانە ءداستۇرلى دىندەر ليدەرلەرىنىڭ 7-سەزىن قابىلداۋعا دايىندالۋدا. قازاقستان تولەرانتتىلىق, ءوزارا تۇسىنىستىك جانە مادەني ارتۇرلىلىك يدەولوگياسىن ناسيحاتتاۋ وشپەندىلىك پەن كەمسىتۋشىلىككە قارسى كۇرەستىڭ كىلتى ەكەنىنە سەنىمدى. بۇگىندە قازاقستان بەيبىتشىلىك پەن كەلىسىمدە ءومىر ءسۇرىپ جاتقان 18 كونفەسسيا مەن 100-دەن استام ەتنوس وكىلدەرىن بىرىكتىرەتىن 3800-دەن استام ءدىني بىرلەستىكتەر ءۇشىن قاۋىپسىز جانە جايلى مەكەن بولىپ سانالادى», دەدى مينيستر.
ونىڭ ايتۋىنشا, قازان ايىندا نۇر-سۇلتان قالاسىندا وتەتىن, قازاقستاندىق باستامانىڭ 30 جىلدىعىنا ورايلاستىرىلعان ازياداعى ءوزارا ءىس-قيمىل جانە سەنىم شارالارى كەڭەسىنىڭ 6-شى سامميتىنە دايىندىق ءجۇرىپ جاتىر.
«قازاقستاننىڭ اوسشك-گە قازىرگى توراعالىعى اياسىندا اوسشك-ءتى حالىقارالىق ۇيىمعا اينالدىرۋدى باستاۋ باستى باسىمدىق بولىپ سانالادى. قازاقستاننىڭ 2022-2024 جىلدارعا بۇۇ-نىڭ ادام قۇقىقتارى جونىندەگى كەڭەسىنە سايلانۋى ءبىزدىڭ مەملەكەتتىڭ ۇلتتىق جانە حالىقارالىق دەڭگەيدە ادامنىڭ نەگىزگى قۇقىقتارى مەن بوستاندىقتارىن ىلگەرىلەتۋ جونىندەگى مىندەتتەمەسىن راستايدى. ەلىمىز بۇۇ-نىڭ ادام قۇقىقتارىن قورعاۋ سالاسىنداعى بارلىق ىرگەلى قۇجاتتارى مەن كونۆەنتسيالارىنا قوسىلدى. ادام قۇقىقتارى سالاسىنداعى ۇلتتىق زاڭنامانى حالىقارالىق ستاندارتتارعا سايكەستەندىرۋ بويىنشا جۇمىس تۇراقتى نەگىزدە جۇرگىزىلۋدە», دەدى مۇحتار تىلەۋبەردى.
