اقتوبە وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا قر قك 297-بابىنىڭ 3-بولىگى 1, 3, 5 تارماقشالارىندا كوزدەلگەن قىلمىستى جاساعانى ءۇشىن كىنالى دەپ تانىلعان اقتوبە قالاسىنىڭ 20 جاستاعى تۇرعىنىنا قاتىستى قىلمىستىق ءىس قارالدى.
كۇدىكتىدەن 19 گرامنان استام پسيحوتروپتىق زات تاركىلەنىپ, پوليتسيا قىزمەتكەرلەرىنە ىشىندە پسيحوتروپتىق زاتتارى بار 11 پاكەتتى ءوز ەركىمەن تاپسىرعان.
سوت وتىرىسىندا سوتتالۋشى كىناسىن مويىنداماي, جاۋاپ بەرۋدەن باس تارتتى. سونداي-اق سوتقا دەيىنگى تەرگەۋ بارىسىندا بەرگەن ايعاقتارىنان باس تارتتى.
الايدا قىلمىس جاساعانى پوليتسيا جيناعان بۇلتارتپايتىن دالەلدەرمەن راستالدى.
«ۇكىم زاڭدى كۇشىنە ەندى. وعان 10 جىل 6 ايعا باس بوستاندىعىنان ايىرۋ جازاسى تاعايىندالعان. وتكەن جىلى جانە وسى جىلدىڭ وتكەن كەزەڭىندە پسيحوتروپتىق زاتتاردى كەپىلگە سالۋشىلارعا قاتىستى بارلىعى 15 قىلمىستىق ءىس سوتقا جولداندى, توعىز ءىس بويىنشا ۇكىم شىعارىلدى. وندا سوتتالعانداردىڭ ارقايسىسى 10 جىلدان استام باس بوستاندىعىنان ايىرىلدى», دەدى اقتوبە وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى نۇرلان تاۋشانباەۆ.
ايانا توعانبەك
