قوعام • 01 شىلدە، 2022

شقو-دا تىيىم سالىنعان جەردە شومىلعان 70 ادام جاۋاپقا تارتىلدى

27 رەت كورسەتىلدى

شقو اقپارات ورتالىعىندا وتكەن ءباسپاسوز بريفينگى بارىسىندا ءورت قاۋپى جوعارى كەزەڭ مەن شومىلۋ ماۋسىمى تۋرالى ايتىلدى، دەپ حابارلايدى Egemen.kz.

ءوڭىر بويىنشا بيىل 136 ورمان ءورتى بولعان.

قىزىل جالىننىڭ الدىن الۋ ماقساتىندا قۇتقارۋشىلار، ورمانشىلار مەن جەرگىلىكتى اتقارۋشى ورگان قىزمەتكەرلەرى قاتارىنان 68 ءموبيلدى توپ قۇرىلدى. ونىڭ قۇرامىنا 444 ادام كىردى.

«ولار تۇراقتى تۇردە رەيد وتكىزىپ جاتىر. سونىڭ ناتيجەسىندە ءورت قاۋىپسىزدىگى تالاپتارىن بۇزعان 39 ادام انىقتالدى. قوقىس ورتەگەن 38 ازاماتقا قاتىستى اكىمشىلىك حاتتاما تولتىرىلدى. 11 ادامعا جالپى سوماسى 336 930 تەڭگەنى قۇرايتىن ايىپپۇل سالىنسا، 28-ىنە ەسكەرتۋ جاسالعان»، دەدى وبلىستىق تجد مەملەكەتتىك ءورت باقىلاۋ باسقارماسىنىڭ باس مامانى مەدەت مۇقاشەۆ.

قۇتقارۋشىلار شومىلۋ ماۋسىمى باستالعالى بەرى 11 ادام، ونىڭ ىشىندە 1 بالا سۋعا باتقانىن ايتتى.

«جالپى وبلىستا سۋ قويمالارىنىڭ سانى 2000-نان اسادى. الايدا ولاردىڭ كوبىندە شومىلۋعا تىيىم سالىنعان. پروفيلاكتيكالىق شارالارعا قاراماستان دەمالۋشىلار قاۋىپسىزدىك ەرەجەلەرىن ساقتاماي وتىر. وبلىس بويىنشا جاز شىققالى رۇقسات ەتىلمەگەن جاعاجايدا شومىلعان 70 ادام جاۋاپقا تارتىلعان. سۋداعى قايعىلى وقيعالاردىڭ الدىن الۋ ءۇشىن حالىققا 26 402 جادىناما مەن نۇسقاۋلىق تاراتىلدى. ماۋسىم ايىنان بەرى شومىلۋعا قاۋىپتى جەرلەردە 222 تىيىم سالۋ بەلگىسى ورناتىلدى»، دەدى دەپارتامەنتتىڭ ازاماتتىق قورعانىس باسقارماسىنىڭ اعا وفيتسەرى ەرىك تۇرسىنعاليەۆ.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار