تاياۋدا سونداي ارەكەتكە ەندي كرۋس تا باردى. بۇل ەسىم قازاق جانكۇيەرلەرىنە جاقسى تانىس.
26 جاستاعى بوستاندىق ارالىنىڭ وكىلى 2017-2021 جىلدار ارالىعىندا گامبۋرگ, ەكاتەرينبۋرگ جانە بەلگرادتا وتكەن الەم چەمپيوناتتارىندا باس جۇلدەنى ولجالادى. بىلتىر توكيودا الاۋى تۇتانعان وليمپيا ويىندارىندا 63 كيلو سالماق دارەجەسىندە سىنعا ءتۇسىپ, جەڭىمپاز اتاندى. باسقا دا كوپتەگەن حالىقارالىق جارىستى ۇتتى. ەكى رەت پانامەريكا ويىندارىندا قارسىلاس شاق كەلتىرمەدى. كرۋستىڭ جولى بىرنەشە رەت قازاق بوكسشىلارىمەن دە قيىستى. سول باسەكەلەردىڭ دەنى كۋبالىق قابىلاننىڭ پايداسىنا شەشىلدى.
كاسىپقوي رينگتە دە ءوزىنىڭ مىقتىلىعىن مويىنداتقىسى كەلگەن ەندي كرۋس اقش-قا قونىس اۋدارۋدى قۇپ كورگەن ەكەن. سول سەبەپتى دە شەتەلدە وتكەن وقۋ-جاتتىعۋ جيىنى كەزىندە ول بەلگىسىز باعىتقا كەتىپ قالعان كورىنەدى. قازىر كرۋستى ىزدەستىرۋ جۇمىستارى جۇرگىزىلۋدە. ەگەر كۋبالىق قۇقىق قورعاۋشىلاردىڭ قولىنا تۇسسە, وندا اتاقتى بوكسشى تۇرمەگە توعىتىلادى.
