سپورت • 01 شىلدە، 2022

بوزكىلەمدە – بۇرىمدىلار

35 رەت كورسەتىلدى

قاراعاندىدا ايەلدەر كۇرەسىنەن قازاقستان چەمپيوناتى اياقتالدى. ءبىر تاۋلىك ارالىعىندا رەسپۋبليكامىزدىڭ بارلىق ايماعىنان جينالعان بالۋاندار 10 سالماق دارەجەسىنىڭ جۇلدەلەرىن ساراپقا سالدى. بۇل جارىستا الماتى وبلىسىنان كەلگەن قىزدار اتوي سالىپ، جالپىكوماندالىق ەسەپتە كوش باس­تادى. ولار 126 ۇپاي جيدى. ەكىنشى ساتىعا جەرگىلىكتى سپورتشىلار (115 ۇپاي) جايعاسسا، اقمولا مەن شىمكەنتتىڭ وكىلدەرى (95 ۇپاي) ءۇشىنشى جانە ءتورتىنشى ورىنداردى ءوزارا ءبولىستى.

ايەلدەر كۇرەسىنەن جارىس اينالمالى جۇيە بويىنشا ءوتتى. جالپى ەسەپتە وزعان الماتى وبلىسىنىڭ بالۋاندارى اراسىندا العاشقى التىندى اسا جەڭىل سالماقتاعى ايگۇل ءنۇرالىم جەڭىپ الدى. 55 كيلو سالماقتا جاستار اراسىنداعى الەم بىرىنشىلىگىنىڭ (U-23) ەكى دۇركىن قولا جۇلدەگەرى مارينا سەدنەۆانىڭ باعى جاندى. 62 كيلو سالماق دارەجەسىندە اياۋلىم قاسىموۆا قارسىلاس شاق كەلتىرمەدى. ازيا چەمپيوناتىندا ەكى رەت جۇلدەگەرلەر قاتارىنان كورىنگەن اياۋلىم شەشۋشى تۇستا كۇنى كەشە عانا بىشكەكتە وتكەن 23 جاسقا دەيىنگى بالۋاندار اراسىنداعى قۇرلىق بىرىن­شىلىگىندە باس جۇلدەنى ولجالاعان اقمولالىق يرينا كۋزنەتسوۆانى قاپى قالدىردى. تاعى ءبىر باس جۇلدەنى گۇلمارال ەركەباەۆا ولجالادى. ازيا چەمپيوناتىنىڭ ءتورت دۇركىن قولا جۇلدەگەرى دەگەن اتاعى بار بالۋان بۇل جولى دا الدىنا جان سالمادى.

«قاراعاندى-ارەناعا» جي­نال­عان جۇرت 65 كيلو سالماقتاعى سايىستى قىزىعا تاماشالادى. بۇل جەردە نەگىزگى باسەكەلەستىك شىمكەنتتىك ەلەنا شالىگينا مەن شىعىسقازاقستاندىق يرينا كازيۋلينا اراسىندا ءوربىدى. 35 جاستاعى شالىگينانىڭ بەي­جىڭ وليمپياداسىنىڭ قولا جۇل­دەگەرى، الەم چەمپيوناتىنىڭ ءۇش دۇركىن جۇلدەگەرى، ازيا ويىن­دارىنىڭ جەڭىمپازى، ازيانىڭ ەكى دۇركىن چەمپيونى سەكىلدى تولىپ جاتقان اتاق-داڭقى بار. وسىدان بىرەر جىل بۇرىن ول ۇلكەن سپورتتان قول ۇزگەن. بيىل بوز كىلەمگە قايتا ورالدى. جۋىر­دا ەلەنا الماتىدا وتكەن بولات تۇرلىحانوۆتى ەسكە الۋعا ارنال­عان حالىقارالىق تۋرنيردە كۇرەستى. بىراق قادامى ءساتسىز بولدى. 27 جاستاعى كازيۋلينا دا قا­را جاياۋ ەمەس. ول جاستار ارا­سىندا ازيا چەمپيونى اتا­نىپ، ايەلدەردىڭ قۇرلىق بىرىنشى­لىگىندە ءۇشىنشى ورىندى يەلەنگەن. وتە شيەلەنىستى وتكەن باسەكەدە تالاي ءىرى دۇرمەكتەردە ىسىلعان شالى­گينانىڭ اسىعى الشىسىنان ءتۇستى.  

وزگە سالماق دارەجەلەرىندە اقمو­لالىق ەللادا ماحياددي­نوۆا (53 كيلو)، ءالبينا قايىر­گەل­دينوۆا (68 كيلو)، الەكساندرا زايتسەۆا (72 كيلو) جانە نۇرسۇل­تاندىق ەمما تيسينا (57 كيلو) مەن ديانا قايۋموۆا (59 كيلو) سىندى بۇرىمدىلار جەڭىس تۇعىرىنىڭ ەڭ بيىك ساتىسىنا كوتەرىلدى. تاعى ءبىر ايتا كەتەرلىك جايت، ايەلدەر كۇرەسىنەن ەلىمىزدىڭ ەڭ بەلدى بالۋاندارى – جاميليا مەن مادينا باقبەرگەنوۆالار بۇل جارىستان بوساتىلدى. 

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار