ءبىلىم • 30 ماۋسىم، 2022

وقۋ جىلىن ماۋسىم ايىنىڭ سوڭىنا دەيىن ۇزارتۋ ۇسىنىلدى

38 رەت كورسەتىلدى

ساراپشىلار مەن كەيبىر مەكتەپ وكىلدەرى وقۋ جىلىن ماۋسىم ايىنىڭ سوڭىنا دەيىن ۇزارتۋدى ۇسىنىپ وتىر، دەپ حابارلايدى Egemen.kz ى.التىنسارين اتىنداعى ۇلتتىق ءبىلىم اكادەمياسىنىڭ ءباسپاسوز قىزمەتىنە سىلتەمە جاساپ.

بۇل 2022-2023 وقۋ جىلىنداعى ءبىلىم پروتسەسىن ۇيىمداستىرۋ ماسەلەلەرىن تالقىلاۋ ماقساتىندا وتكەن دوڭگەلەك ۇستەلدە ايتىلدى.

وقۋ جىلىن ۇزارتۋدى ۇسىنىپ وتىرعان پەداگوگتەر قوسىمشا وقۋ اپتالارى ءبىلىم الۋشىلاردىڭ كۇندەلىكتى وقۋ جۇكتەمەسىن ازايتۋعا كومەكتەسەتىندىگىن العا تارتىپ وتىر. سونىمەن قاتار وقۋ جىلىن ۇزارتۋ «كۇردەلى» تاقىرىپتاردى از ۋاقىتتا يگەرۋ ماسەلەسىن شەشەدى. سونداي-اق جازعى دەمالىستىڭ ۇزاقتىعىن قىسقارتۋ ءبىلىم الۋشىلاردىڭ العان ءبىلىمىن جوعالتپاۋىنا سەپتىگىن تيگىزەدى.

ء«بىزدىڭ ەل وقۋ جىلىنداعى اپتا سانى ەڭ قىسقا مەملەكەتتەردىڭ ءبىرى – 34 وقۋ اپتاسى. ناتيجەسىندە رەسپۋبليكامىزدىڭ ءبىلىم الۋشىلارى جىلىنا 130 كۇننەن استام دەمالادى. بۇل الەمدەگى ەڭ ۇزاق دەمالىس دەسەك بولادى. سالىستىراتىن بولساق: مىسالى، يزرايلدە دەمالىستىڭ ۇزاقتىعى – 84 كۇن، وڭتۇستىك كورەيادا – 90 كۇن، جاپونيادا – 102 كۇن. زەرتتەۋلەردىڭ ناتيجەسى، بالالار ۇزاق ۇزىلىستەن كەيىن يگەرگەن ماتەريالدىڭ 25%-ىن ۇمىتاتىنىن كورسەتىپ وتىر. سوندىقتان ءبىز قازاقستاندىق مەكتەپتەردەگى وقۋ جىلىن 38 اپتاعا دەيىن ۇزارتۋدى ۇسىنامىز - وقۋ جىلىن 15 تامىزدا باستاپ، 5 ماۋسىمدا اياقتاۋدى ۇسىنامىز. نەمەسە قىركۇيەك ايىندا ادەتتەگىدەي باستاپ، 20 ماۋسىمعا دەيىن ۇزارتۋ كەرەك»، دەدى «BINOM SCHOOL» مەكتەبىنىڭ باسقارۋشى ديرەكتورى ارايلىم ماعزۇموۆا.

 

ساراپشىلار وقۋ جىلىنىڭ ۇزاقتىعىن ارتتىرۋ سىنىپتارداعى جۇكتەمەنى 1-2 ساعاتقا قىسقارتۋعا، كابينەت تاپشىلىعىن وڭتايلاندىرۋعا، ءبىلىم الۋشىلاردىڭ قوسىمشا ءبىلىم الۋىنا جانە پەداگوگتەردىڭ وزدەرىن كاسىبي دامىتۋىنا كوبىرەك ۋاقىت بولۋگە مۇمكىندىك بەرەتىنىنە سەنىمدى.

ايانا توعانبەك

سوڭعى جاڭالىقتار

دوستىق بەسىگى

ايماقتار • بۇگىن، 08:43

ەل كۋبوگى ءۇشىن تالاسادى

فۋتبول • بۇگىن، 08:40

شيرەك فينالدا ۇتىلدى

تەننيس • بۇگىن، 08:39

دايارلىقتارىن پىسىقتادى

حوككەي • بۇگىن، 08:37

ازىرگە بەسىنشى ورىندامىز

سپورت • بۇگىن، 08:30

ون جىلعا سوتتالدى

قوعام • بۇگىن، 08:25

41 جوباعا – 11،2 ملرد تەڭگە

ايماقتار • بۇگىن، 08:20

732،5 ملرد تەڭگە تارتىلادى

ايماقتار • بۇگىن، 08:15

اسكەريلەر شەبەرلىك سىناسادى

قازاقستان • بۇگىن، 08:10

ۇقساس جاڭالىقتار