قاراقشىلار قۇتىلمادى

قالا ورتالىعىندا ورنالاسقان بۋكمەكەرلىك كەڭسەلەردىڭ بىرىنە بەتپەردە كيگەن ەكى جىگىت كىرىپ,  پىشاقتارىن جالاڭداتىپ جۇرتتى قورقىتىپ, كاسساداعى 60 مىڭ تەڭگە مەن ۇيالى تەلەفوندى الىپ, تايىپ تۇرعان. ءبىرازدان سوڭ ەس جيعان بۋكمەكەرلىك كەڭسەنىڭ قىزمەتشىسى ىشكى ىستەر ورگانىنا حابار بەرگەن. وسىدان كەيىن بارلىق پو­ليتسيا ناريادتارىنا تاپسىرما بەرىلىپ, ىزدەستىرۋ شارالارى جۇرگىزىلەدى. جەدەل باسقارۋ ورتالىعىنىڭ بەينە­باقىلاۋشى-ينسپەكتورى پوليتسيا لەيتەنانتى رۋسلان داۋلەتوۆ سول ماڭدا ورنالاسقان بەينەباقىلاۋ كامەراسى ارقىلى شولۋ جۇمىستارىن جۇرگىزىپ, سەزىكتى ەكى ازاماتتى بايقايدى. اتالعان ەكى جىگىتتى تەكسەرۋ ءۇشىن جول-پاترۋلدىك پوليتسيا ناريادتارىنا نۇسقاۋ بەرەدى. تەكسەرۋ بارىسىندا ەكى ازاماتتىڭ قاراق­شىلىق قىلمىسقا قاتىسى بار­لىعى انىقتالادى. جيىرماعا جاڭا جەتكەن جاس جىگىتتەر تەرگەۋ بارىسىندا جاساعان قىل­مىستارىن تولىق مويىندايدى. ولاردىڭ ۇستىنەن  قك-ءنىڭ 179-بابى 2-بولىگى بويىنشا قىل­مىستىق  ءىس قوزعالدى. جالپى, جەدەل باسقارۋ ورتا­لىعىنىڭ ناقتى ءىس-ارەكەتىنىڭ ناتيجەسىندە 2014 جىلدىڭ 3 ايىندا 71 قىلمىس اشىلىپ وتىر. ولاردىڭ ىشىندە 30 بۇزاقىلىق قىلمىس, 28  اۆتورلىق جانە ساباقتاس قۇقىقتاردى بۇزۋ, 7 ۇرلىق, 3 اۆتوكولىكتى زاڭسىز يەلەنۋ, 2 توناۋ, 1 قاراقشىلىق بار. سونىمەن قاتار, ءارتۇرلى باعىتتاعى 8131 قۇقىق بۇزۋ­شىلىق انىقتالعان. ەرجان بايتىلەس, «ەگەمەن قازاقستان». قىزىلوردا وبلىسى.