بقو بويىنشا ەكونوميكالىق تەرگەپ-تەكسەرۋ دەپارتامەنتىنەن ءمالىم ەتكەنىندەي, تەرەكتى اۋداندىق سوتىنىڭ ۇكىمىمەن ا.بەردنيكوۆ قر قك 189-بابى 4-بولىگى 2-تارماعىنا سايكەس ايىپتى دەپ تانىلدى. سوت ونىڭ مۇلكىن تاركىلەمەي, جەتى جىلعا باس بوستاندىعىنان ايىرۋ تۇرىندەگى جازانى كەستى. سونداي-اق سوتتالۋشى مەملەكەتتىك ۇيىمداردا, كۆازيمەملەكەتتىك سەكتور نىساندارىندا, كوممەرتسيالىق, كوممەرتسيالىق ەمەس ۇيىمداردا قارجىلىق قىزمەتكە جانە ماتەريالدىق جاۋاپكەرشىلىككە بايلانىستى لاۋازىمداردى اتقارۋ قۇقىعىنان بەس جىل مەرزىمگە ايىرىلدى.
«ا.بەردنيكوۆ ءوزىنىڭ قىزمەتتىك جاعدايىن پايدالانا وتىرىپ, 2018-2020 جىلدار كەزەڭىندە ينتەرنەت-بانكينگ ارقىلى قولما-قول اقشاسىز تولەمدەر جۇرگىزۋ جولىمەن, اتالعان كاسىپورىن ديرەكتورىنىڭ ەلەكتروندىق-تسيفرلىق قولتاڭبالارىن پايدالانا وتىرىپ, جالاقىنى جانە باسقا دا تولەمدەردى ءوزىنىڭ جەكە شوتتارىنا نەگىزسىز اۋدارعان.
وسىلايشا, مەملەكەتكە 22 ملن 200,790 مىڭ تەڭگە كولەمىندە زالال كەلتىرگەن, ياعني وزىنە سەنىپ تاپسىرىلعان اقشا قاراجاتىن اسا ءىرى مولشەردە جىمقىردى. سوتتالۋشى جىمقىرعان اقشا قاراجاتىن ويىن-ساۋىق جانە بۋكمەكەرلىك كەڭسەلەردەگى ستاۆكالار تۇرىندە جەكە قاجەتتىلىكتەرىنە جۇمساعان. سوت ۇكىمى زاڭدى كۇشىنە ەندى», دەپ حابارلادى ۆەدومستۆودان.
