قوعام • 29 ماۋسىم، 2022

قازاقستان حالقىنىڭ ەتنيكالىق قۇرامى بەلگىلى بولدى

25 رەت كورسەتىلدى

اقپارات جانە قوعامدىق دامۋ مينيسترلىگى قازاقستان حالقى اسسامبلەياسىنىڭ 2026 جىلعا دەيىنگى دامۋ تۇجىرىمداماسىنىڭ جوباسىن دايىندادى، وندا رەسپۋبليكا حالقىنىڭ ەتنيكالىق قۇرامى جونىندەگى مالىمەت ۇسىنىلعان، دەپ حابارلايدى Egemen.kz.

2022 جىلعى 1 قاڭتارداعى جاعداي بويىنشا قازاقستاندا 19 ملن 122 مىڭ ادام تۇرادى، ولاردىڭ ەڭ كوپ پايىزىن قازاقتار (69،03%) قۇرادى.

سونىمەن قاتار ەلدە 18،47% ورىستار، وزبەكتەر 3،29 %، ۇيعىرلار 1،5%، ۋكرايندار 1،3%، تاتارلار 1،06%، نەمىستەر 0،92%، تۇرىكتەر 0،61%، كارىستەر 0،57%، ازەربايجاندار 0،61%، دۇنگەندەر 0،40%، بەلورۋستار 0،26%، تاجىكتەر 0،27%، كۇردتەر 0،25%، پولياكتار 0،15%، باشقۇرتتار 0،09%، باسقا ەتنوستاردىڭ وكىلدەرى 1،04% قۇرايدى.

جالپى، 2018-2020 جىلدارعا ارنالعان حالىق سانى بويىنشا ستاتيستيكا دەرەكتەرى ەل حالقىنىڭ تۇراقتى ءوسۋ ءۇردىسىن كورسەتەدى. ماسەلەن، سوڭعى ءۇش جىلدا ەل حالقىنىڭ سانى 2،6%-عا ءوستى.

قۇجاتتا قازاقستاندا ەتنوسارالىق قاتىناستارداعى تۇراقتىلىقتىڭ «بازالىق وزەگى» 94% دەڭگەيىندە ساقتالاتىنى ايتىلعان.

«ازاماتتار ەتنوسارالىق كەلىسىمدى ساقتاۋ جونىندەگى مەملەكەتتىك ساياساتتى قولدايدى جانە مۇنداي قولداۋ دەڭگەيى 85،9% - دى قۇرايدى»، دەلىنگەن قۇجاتتا.

بۇدان باسقا، اقپاراتتىق الاڭدا قازاقستاندىق ازاماتتار اراسىنداعى ەتنوسارالىق قاتىناستارعا تەرىس اسەر ەتۋى مۇمكىن ەلدەگى ەتنوسارالىق جاعدايدىڭ جاي-كۇيى تۋرالى تەرىس دۇنيەتانىمدىق كوزقاراستاردىڭ بەلگىلى ءبىر تارالۋى بايقالادى.

ەلدەگى ەتنوسارالىق بەيبىتشىلىك پەن بىرلىكتى كەڭىنەن جاريالاۋمەن قاتار، «وشپەندىلىك ءتىلىنىڭ»، ەلدەگى ەتنوسارالىق جاعدايدى جوسىقسىز ءتۇسىندىرۋدىڭ بار ەكەندىگى بايقالادى.

تۇجىرىمداما ءبىرىنشى كەزەكتە اسسامبلەيانىڭ قازاقستاندىق قوعامدا بەيبىتشىلىك پەن كەلىسىم ساياساتىن قامتاماسىز ەتۋدىڭ نەگىزگى يدەولوگيالىق تەتىكتەرىنىڭ ءبىرى رەتىندە جۇمىس ىستەۋىن قامتاماسىز ەتۋگە ارنالعان.

ونىڭ مىندەتتەرىنە قوعامدا ەتنوستاردىڭ ينتەگراتسياسى، قازاقستاندىق بىرەگەيلىك پەن جالپىۇلتتىق بىرلىكتى دامىتۋ، قوعامدا بەيبىتشىلىك پەن كەلىسىمدى قامتاماسىز ەتۋ سالالارىندا مەملەكەتتىك ساياسات قاعيداتتارىن ءتۇسىندىرۋ جانە ىسكە اسىرۋ بويىنشا جۇيەلى جۇمىستى ۇيىمداستىرۋ كىرەدى.

قۇجات 2022 جىلعى 13 شىلدەگە دەيىن اشىق نقا سايتىندا جاريا تالقىلاۋ ءۇشىن ورنالاستىرىلعان.

سوڭعى جاڭالىقتار

ۇلىلار ۇندەستىگى

قازاقستان • كەشە

باعا باقىلانادى

قارجى • كەشە

مەيىرىم شۇعىلاسى

رۋحانيات • كەشە

تسيفرلى دامۋ: جاڭا بەتبۇرىس

تەحنولوگيا • كەشە

ماحاببات اۋەنى

ونەر • كەشە

ۇقساس جاڭالىقتار