ايماقتار • 28 ماۋسىم، 2022

پاۆلودار وبلىسىندا قانت زاۋىتى ىسكە قوسىلادى

12 رەت كورسەتىلدى

جاڭا جوبا قۋاتى 120 مىڭ تونناعا دەيىن قانت وندىرۋگە مۇمكىندىك بەرەدى، دەپ حابارلايدى Egemen.kz Pavlodarnews.kz سايتىنا سىلتەمە جاساپ.

پاۆلودار وبلىسىنىڭ اكىمى قانت زاۋىتىن سالۋ بويىنشا جوبالىق-سمەتالىق قۇجاتتامانى ازىرلەۋ اياقتالۋعا جاقىن ەكەنىن مالىمدەدى.

ول الەۋمەتتىك ماڭىزى بار جوبانى جۇزەگە اسىرۋمەن «پاۆلودار» الەۋمەتتىك كاسىپكەرلىك كورپوراتسياسى اينالىساتىنىن ەسكە سالدى.

«جوبانىڭ ەرەكشەلىگى – زاۋىت شەتەلدەن اكەلىنەتىن قانت شيكىزاتى ەمەس، قانت قىزىلشاسى وزىمىزدە سالىنادى دەپ جوسپارلانىپ وتىر. جوبالىق-سمەتالىق قۇجاتتاما اياقتالۋ ساتىسىندا، سودان كەيىن جوبا مەملەكەتتىك ساراپتاماعا تاپسىرىلادى»، دەپ ناقتىلادى ابىلقايىر سقاقوۆ.

ءوڭىر باسشىسى زاۋىتتىڭ باستاپقى جوباسىندا كەمشىلىكتەرى بولعانىن ايتتى.

«جوبالاۋشىعا 100-دەن استام ەسكەرتۋ جاسالدى. جوبا تەحنولوگيالىق تۇرعىدان وتە كۇردەلى، وكىنىشكە قاراي، بۇل سالادا ءبىزدىڭ قۇزىرەتىمىز جوق. جالپى 900 مىڭ توننادان استام قىزىلشا وڭدەۋ، ءوسىرۋ جوسپارلانىپ وتىر»، دەدى وبلىس اكىمى.

ابىلقايىر سقاقوۆ جوبانى ودان ءارى ىسكە اسىرۋ ءۇشىن تاجىريبەلى ماماندار قاجەت ەكەنىن اتاپ ءوتتى.

«وسى جىلدىڭ سوڭىنا قاراي مەملەكەتتىك ساراپتامانىڭ وڭ قورىتىندىسىن الۋدى جوسپارلاپ وتىرمىز جانە جوبانى ناقتى باعالاۋدان كەيىن ينۆەستور ىزدەستىرۋمەن بەلسەندى تۇردە اينالىسامىز»، دەدى ءوڭىر باسشىسى.

ەستەرىڭىزگە سالا كەتەيىك، قانت زاۋىتىن سالۋ ماسەلەسى بۇرىننان كوتەرىلگەن بولاتىن. جوباعا بىردەن ەكى ينۆەستور قىزىعۋشىلىق تانىتتى، ولاردىڭ ءبىرى جوباعا قاتىسقانىن راستادى. وسى جوبانى ىسكە اسىرۋدىڭ ارقاسىندا وبلىستا ىشكى نارىقتى جەرگىلىكتى ونىمدەرمەن قامتاماسىز ەتۋ، وڭدەلگەن اۋىل شارۋاشىلىعى ونىمدەرىنىڭ باسەكەگە قابىلەتتىلىگىن ارتتىرۋ جانە قانت بويىنشا يمپورتقا تاۋەلدىلىكتى الىپ تاستاۋ جوسپارلانىپ وتىرعانى حابارلاندى.

كاسىپورىن 2025 جىلعا دەيىن اقسۋ قالاسىندا ىسكە قوسىلادى دەپ جوسپارلانعان. بۇعان دەيىن «پاۆلودار» اكك جوبانى 106 ملرد تەڭگەگە باعالايتىنىن حابارلاعان بولاتىن. زاۋىتتىڭ قۋاتتىلىعى جىلىنا 152 مىڭ توننا قانتتى قۇرايدى. كاسىپورىن 370 ادامدى جۇمىسپەن قامتيدى.

سوڭعى جاڭالىقتار

تاۋلى قاراباقتاعى قاقتىعىس

الەم • 07 تامىز، 2022

اۋەزوۆ جانە تۇركى الەمى

رۋحانيات • 07 تامىز، 2022

اسكەردەگى الىمجەتتىك

قوعام • 07 تامىز، 2022

يدەولوگيا

رۋحانيات • 07 تامىز، 2022

مەيىرىم مەن قاتىگەزدىك

رۋحانيات • 07 تامىز، 2022

ەسكى مەن جاڭا اراسى

رۋحانيات • 07 تامىز، 2022

بي پاديشاسى

رۋحانيات • 07 تامىز، 2022

ساپا قايتسە جاقسارادى؟

قازاقستان • 07 تامىز، 2022

قايىرىمدىلىقتىڭ ۇلگىسى

قازاقستان • 07 تامىز، 2022

ساق ءداۋىرىنىڭ تاسى

تانىم • 07 تامىز، 2022

ۇقساس جاڭالىقتار