قوعام • 28 ماۋسىم، 2022

قازاقستان وڭتۇستىك كورەيامەن اتوم ەنەرگياسىن دامىتۋ جونىندە سەرىكتەستىكتى نىعايتىپ جاتىر

25 رەت كورسەتىلدى

قازاقستان مەن وڭتۇستىك كورەيا اتوم ەنەرگياسىن دامىتۋ سالاسىنداعى ستراتەگيالىق سەرىكتەستىكتى نىعايتىپ جاتىر، دەپ حابارلايدى Egemen.kz.

28 ماۋسىمدا وڭتۇستىك كورەيانىڭ سەۋل قالاسىندا ەنەرگەتيكا ۆيتسە-ءمينيسترى جاندوس نۇرماعانبەتوۆ باستاعان قازاقستاندىق دەلەگاتسيا مەن وڭتۇستىك كورەيانىڭ ساۋدا، ونەركاسىپ جانە ەنەرگەتيكا مينيسترلىگىنىڭ وكىلدەرى، سونداي-اق يادرولىق تەحنولوگيالاردى جەتكىزۋشى – Korea Hydro & Nuclear Power (KHNP) كومپانياسى اراسىندا كەزدەسۋ ءوتتى.

كەزدەسۋ بارىسىندا «قازاقستاندىق اتوم ەلەكتر ستانتسيالارى» جشس مەن KHNP اراسىندا اتوم ەنەرگەتيكاسىن دامىتۋ سالاسىنداعى ءوزارا تۇسىنىستىك تۋرالى مەموراندۋمعا قول قويىلدى. وسى مەموراندۋم قازاقستان مەن وڭتۇستىك كورەيا اراسىنداعى اتوم ەنەرگياسىن دامىتۋ سالاسىنداعى ستراتەگيالىق ارىپتەستىكتى نىعايتۋعا ىقپال ەتەدى.

KHNP كومپانياسى - وڭتۇستىك كورەيانىڭ 24 اەس-ىنە يەلىك ەتەتىن جانە باسقاراتىن KEPCO ەنشىلەس ۇيىمى. اەس قۋاتى بويىنشا KHNP الەمدە 3-ءشى ورىندا جانە تەحنيكالىق-ەكونوميكالىق نەگىزدەمە ازىرلەۋدەن باستاپ، اەس سالۋ جانە پايدالانۋعا بەرۋگە دەيىن ستانتسيا كونسترۋكتسيالارىن تۇرلەندىرۋ مەن جەتىلدىرۋ بويىنشا تەحنيكالىق كومەك كورسەتەدى.

قازىرگى ۋاقىتتا KHNP بىرىككەن اراب امىرلىكتەرىندە APR-1400 رەاكتورى بار باراك اەس-ءنىڭ 4 ەنەرگيا بلوگىن سالۋ بويىنشا جوبانى ىسكە اسىرىپ جاتىر. ونىڭ ەكەۋى 2020-2021 جىلدارى پايدالانۋعا بەرىلدى.

سوڭعى جاڭالىقتار

ۇلىلار ۇندەستىگى

قازاقستان • كەشە

باعا باقىلانادى

قارجى • كەشە

مەيىرىم شۇعىلاسى

رۋحانيات • كەشە

تسيفرلى دامۋ: جاڭا بەتبۇرىس

تەحنولوگيا • كەشە

ماحاببات اۋەنى

ونەر • كەشە

ۇقساس جاڭالىقتار