«جاسىل ەكونوميكاعا» جاردەمدەسەدى

«جاسىل ەكونوميكا» قاعيداتتارىن جانە رەسۋرس ۇنەمدەۋ تەحنولوگيالارىن ەنگىزۋ كەزىندە قازاقستانعا ازيا دامۋ بانكى جاردەمدەسەدى. قازاقستان مەن ادب ارا­سىن­داعى 2012-2016 جىلدارعا ار­نالعان ارىپتەستىك ستراتەگياسىندا كورسەتىلگەندەي, قازىرگى ۋاقىتتا بانك قاراعاندى قالاسىنىڭ ورتا­لىقتاندىرىلعان جىلۋ جەلىلەرىن وڭالتۋعا قاتىستى دايىندىق جۇ­مىستارىنا تەحنيكالىق كومەك كورسەتۋدە. اتالعان جوبا «قازاقستان رەس­پۋبليكاسىنىڭ ەنەرگيا ءتيىم­دىلىگىن ارتتىرۋدىڭ 2012-2015 جىلدارعا ارنالعان كەشەن­دى جوسپارىن» ورىنداۋعا سەپ­تى­گىن تيگىزەدى, «2010-2014 جىلدارعا ارنالعان ۇدەمەلى ين­دۋستريالىق-يننوۆاتسيالىق دامۋ باعدارلاماسىمەن» ۇندەسەدى, سون­داي-اق, ۇكىمەتتىڭ ەنەرگيا تۇتى­نۋدى جانە وتىن رەسۋرستارىن ءتيىم­سىز پايدالانۋدى تومەندەتۋ ماق­ساتىنا جەتۋگە مۇمكىندىك بە­رەدى. جوبانىڭ نەگىزگى ماقساتى – SCADA جۇيەسىن ەنگىزۋ, باقى­لاۋ جانە ەسەپكە الۋ جۇيەسىن جا­ڭالاۋ, ترانزيتتىك, جەر استى, جەر ءۇستى جەلىلەرىن قوسقاندا 127 شاقىرىم قۇبىرلاردى اۋىستىرۋ, 7 ناسوس ستانساسىن جاڭارتۋ, سونداي-اق, قارجىلىق مەنەدجمەنت, ساتىپ الۋ, الەۋمەتتىك قورعاۋ, قارجىلاندىرۋعا قول جەتكىزۋ سىندى باسقا دا شارالار بويىنشا كاسىبيلىكتى ارتتىرۋ بولىپ تابىلادى. سوندىقتان, ازيا دامۋ بانكىنىڭ بۇل جوباعا قاتىسۋى كەزدەيسوق ەمەس. تابيعي رەسۋرستاردىڭ ازايۋى, قورشاعان ورتانىڭ لاستانۋى, ەنەرگيا ءتيىم­دىلىگىنىڭ تومەندىگى تىكەلەي سا­پاعا اسەر ەتەتىنىن ەسكەرسەك, بانك­تىڭ ستراتەگيالىق ماقساتى – كە­دەيلىكتى ازايتىپ, ءومىر ساپاسىن ارتتىرۋعا باعىتتالعان. سونىمەن قاتار, ازيا دامۋ بانكى مەملەكەت-جەكەمەنشىك ءارىپ­تەستىگى نەگىزىندە قالالىق ينفرا­قۇرىلىمدار مەن تابيعي مونوپوليا سالاسىنا قاتىستى جوبالاردى جۇزەگە اسىرۋدا مول تاجىريبە جيناقتاعان. وسى باي تاجىريبەنى قازاق­ستاننىڭ اتالعان سالاعا جەكە ينۆەستيتسيا تارتۋ ءۇشىن پايدالانۋ مۇمكىندىگى زور. تاعى ءبىر اتاپ وتەرلىگى, ەكولوگيالىق تازا تەحنولوگيا, رەسۋرس ۇنەمدەۋ ادب قىزمەتىنىڭ باسىم باعىتتارىنىڭ ءبىرى. وسى جولدا بانك كوپتەگەن ەلدەردە ءتۇرلى جوبالاردى قار­جى­لاندىرىپ قانا قويماي, «جاسىل ەكونوميكا» تەحنولوگياسى ارقىلى جارقىن ۇلگى كورسەتۋدە. مىسالى, 2-5 مامىردا استانادا جوسپارلانىپ وتىرعان ادب باس­قارۋشىلار كەڭەسىنىڭ 47-ءشى ماجىلىسىندە «جاسىل ەكونوميكا» قاعيداتتارى قولدانىلادى. بۇل دەگەنىمىز, ەكولوگيالىق تازا ونىمدەر پايدالانۋ, «جاسىل شارالار» وتكىزۋ, ءتۇرلى رەسۋرستاردى پايدالانۋدى ازايتۋ. «ەگەمەن اقپارات».