كۇن ءتارتىبىنىڭ جوباسى ناقتىلاندى

كەشە ءماجىلىس توراعاسى قابيبوللا جاقىپوۆتىڭ توراعا­لى­عىندا پالاتا بيۋروسى ءوتتى. وندا پالاتانىڭ الداعى جالپى وتىرىسى كۇن ءتارتىبىنىڭ جوباسى ناقتىلاندى, دەپ حابارلادى ءماجىلىستىڭ ءباسپاسوز قىزمەتى. دەپۋتاتتاردىڭ تالقىلاۋىنا «كاسىپتىك وداقتار تۋرالى» زاڭ جوباسى ىلەسپە تۇزەتۋلەرىمەن ءبىرىنشى وقىلىمعا شىعارىلاتىن بولدى. كۇن ءتارتىبىنىڭ جوباسىنا اكىمشىلىك قۇقىق بۇزۋشىلىق تۋرالى كودەكس جوباسى ىلەسپە تۇزەتۋلەرىمەن ەكىنشى وقىلىمعا قوسىلىپ وتىر. سالالىق كومي­تەت­تىڭ بايانداۋىنشا, كودەكس جوباسى اكىمشىلىك زاڭنامانى ەلەۋلى تۇردە رەفورمالاۋعا, مەملەكەتتىك ورگانداردىڭ اكىمشىلىك جا­زالاردى قولدانۋ جونىندەگى وكى­لەتتىكتەرىن ايقىنداۋعا با­عىت­تالعان. كودەكس جوباسىنا سايكەس اكىم­شىلىك زاڭناما ىزگىلەندىرۋ, سوتتارعا تۇسەتىن جۇكتەمەنى ازايتۋ جولىمەن رەفورمالانادى. وسىعان بايلانىستى سوتتاردىڭ جانە اكىمشىلىك قۇقىق بۇزۋشىلىق تۋرالى ىستەردى قاراۋعا ۋاكىلەتتىك بەرىلگەن ورگانداردىڭ (لاۋازىمدى ادامداردىڭ) قۇزىرەتى قايتا قارالدى. وسى كۇنى دەپۋتاتتار راتيفيكاتسيالاناتىن ەكى زاڭ جوباسىنا قورىتىندى ازىرلەۋ مەزگىلىن ناقتىلايتىن بولادى. ولار: ەسىرتكى, پسيحوتروپتىق زاتتار مەن ولاردىڭ پرەكۋرسورلارىن كەدەن وداعىنىڭ كەدەن اۋماعى ارقىلى وتكىزۋ ءتارتىبى تۋرالى كە­لىسىم جانە 2010 جىلعى 9 جەل­توق­سانداعى قازاقستان رەسپۋب­ليكاسىنىڭ ۇكىمەتى مەن ر­ەس­ەي فەدەراتسياسىنىڭ ۇكى­مەتى اراسىنداعى قازاقستان رەسپۋب­ليكاسىنا مۇناي جانە مۇناي ونىمدەرىن جەتكىزۋ سالاسىن­داعى ساۋدا-ەكونوميكالىق ىنتى­ماق­تاستىق تۋرالى كەلىسىمگە وزگەرىستەر ەنگىزۋ تۋرالى حاتتاما.