EnergyProm پورتالىنىڭ مالىمەتىنشە, قۇس ەتىنىڭ باعاسى مامىر ايىندا بىردەن 28,5%-عا وسكەن.
ايتا كەتەيىك, قازاقستاندا ەت پەن قۇس ەتىنىڭ باعاسى 6 جىلدان اسا ۋاقىتتان بەرى ۇزدىكسىز ءوسىپ كەلەدى.
«وسى جىلدىڭ ءبىرىنشى توقسانىندا قازاقستاندا ورتاشا ەسەپپەن العاندا, ەت پەن قۇس ەتىن تۇتىنۋ جان باسىنا شاققاندا 11,5 كگ قۇرادى. بۇل 2021 جىلدىڭ سايكەس كەزەڭىمەن سالىستىرعاندا 5,9%-عا ارتىق كورسەتكىش», دەيدى ماماندار.
سونىمەن قاتار جاڭا پىسكەن جانە سالقىنداتىلعان ەت پەن قۇس ەتىنىڭ ءونىمى ءوستى. ماسەلەن, ءىرى قارا مال, شوشقا, قوي, ەشكى جانە جىلقى ەتىن ءوندىرۋ كولەمى ءبىر جىلدا 10,6 پايىزعا ارتسا, بيىلعى بەس ايدا 30,1 مىڭ توننانى قۇرادى. ءوز كەزەگىندە قۇس ەتىن ءوندىرۋ 5,6 پايىزعا ارتىپ, 46,4 مىڭ توننانى قۇرادى.
«وتاندىق ەت كومبيناتتارى مەن قۇس فابريكالارىنىڭ ىشكى نارىقتاعى سۇرانىسى 88,9%-عا ورىندالدى. ءوندىرىس 342 مىڭ تونناعا جەتتى, بۇل وتكەن جىلدىڭ سايكەس كەزەڭمەن سالىستىرعاندا 1,9%-عا ارتىق كورسەتكىش», دەلىنگەن حابارلامادا.
يمپورتتىڭ ۇلەسىنە رەسۋرستاردىڭ 11,1%-ى, سايكەسىنشە 42,6 مىڭ توننا ءونىم تيەسىلى, بۇل ءبىر جىل بۇرىنعىدان 5,7%-عا از. ال ەكسپورت وتكەن جىلمەن سالىستىرعاندا بىردەن 19,3 پايىزعا تومەندەپ, 10,3 مىڭ توننانى قۇرادى.
سونىمەن ىشكى نارىقتا 374,2 مىڭ توننا ەت جانە ەت ونىمدەرى ساتىلدى, بۇل وتكەن جىلمەن سالىستىرعاندا 1,7 پايىزعا ارتىق كورسەتكىش.
