«روزا باعلانوۆا اتىنداعى «قازاقكونتسەرت» مەملەكەتتىك كونتسەرتتىك ۇيىمىنىڭ بۇل جوباسى بالالار جىلىنا وراي وتۋدە.
«Eurasia Film Production» كينوكومپانياسى ۇسىنعان وتاندىق ءفيلمدى بالالار مەن ولاردىڭ اتا-انالارى زور ىقىلاسپەن قابىلدادى. كورسەتىلىم باس كەيىپكەرلەردىڭ ءرولىن سومداعان اكتەرلەر شاريفبەك زاكيروۆ پەن اننا ستارچەنكونىڭ قاتىسۋىمەن ءوتتى. ارتىستەر كىشكەنتاي كورەرمەندەرگە جىلى لەبىزدەرىن ءبىلدىرىپ, اۋديتوريامەن سۇحبات قۇردى.
ارتىستەردىڭ ايتۋىنشا, «نارتاي» كينوسى دوستىق پەن باۋىرمالدىققا شاقىرىپ, ءاردايىم ادامگەرشىلىك پەن بىرلىك تانىتۋعا ۇندەيدى.
بۇدان بولەك, كورسەتىلىمگە كەلگەن كورەرمەندەر كومپوزيتور روديون تەننىڭ ورىنداۋىندا «نارتاي» كينوفيلمىندەگى مۋزىكالىق شىعارمالاردى جاندى داۋىستا تىڭداي الدى. 
ۇيىمداستىرۋشىلار اتاپ وتكەندەي, «جازعى كينو» جوباسى اياسىندا ماۋسىم ايىنان باستاپ 7 000 جۋىق بالا تەگىن كورسەتىلىمدەرگە قاتىستى. جوباسى «قازاقفيلم» اق جانە «ۇلتتىق كينونى قولداۋ مەملەكەتتىك ورتالىعىمەن» كەاق بىرلەسىپ وتۋدە. جوبانىڭ ماقساتى – بالالارعا ونەردىڭ ۇزدىك تۋىندىلارىن قولجەتىمدى ەتۋ, ولاردىڭ بويىنا مادەني قۇندىلىقتاردى ءسىڭىرۋ جانە ادامگەرشىلىك جانە رۋحاني تۇرعىدا دامۋىنا وڭ ىقپالىن تيگىزۋ.
الداعى ۋاقىتتا كورەرمەندەرگە وزگە دە وتاندىق كينوتۋىندىلار ۇسىنىلادى. 27 ماۋسىم كۇنى ساعات 19:00-دە «پاراليمپيەتس» ءفيلمىنىڭ كورسەتىلىمى وتەدى. باستى رولدەردى سومداعان اسقار يلياسوۆ, جالعاس جانعازين, اسلامبەك جانۇزاقوۆ كورسەتىلىمگە ارنايى كەلىپ, سۇحبات بەرمەك.
«جازعى كينو» جوباسى اياسىندا تەگىن كورسەتىلىمگە كەلۋ ءۇشىن 8708 888 19 91 نومەرىنە حابارلاسىپ, الدىن الا جازىلۋ كەرەك. سونداي-اق قوسىمشا اقپاراتتى ۇيىمنىڭ الەۋمەتتىك جەلىلەرىنەن بىلۋگە بولادى.
