اكىمنىڭ ءادىل شەشىمى

وبلىس ورتالىعىندا ەرەكشە قورعالعان اۋماقتا ءوسىپ تۇرعان 5 مىڭعا جۋىق اعاشتى كەسىپ, تۇر­­­­عىن ۇيلەر قۇرىلىسى سالىنادى دەگەندى ەستىپ, تۇرعىندار قارسىلىق ءبىلدىردى. ويتكەنى, بۇ­رىننان بەرى «ۆورۋشين ورمانى» اتانىپ كەتكەن بۇل باق زاۋىتتاردىڭ تۇتىنىنەن قالا­نى, سونىمەن بىرگە, جاقىن ماڭ­داعى تۇرعىن ۇيلەردى زياندى شىعا­رىندىلاردان قورعاۋ ءۇشىن ەگىلگەن-ءدى. ال, قالالىق اكىم­دىك ورماندى تۇگەل وتاپ, بۇل جەرگە «جۇلدىز» دەپ اتالاتىن 16 قا­باتتى تۇرعىن ۇيلەر سالماق­شى ەدى. مۇنىڭ سەبەبىن وبلىس ورتالىعىنىڭ تارشىلىق ەتە باس­تاعانىمەن, سوندىقتان تۇرعىن ۇيلەر قۇرىلىسىن قالا شەتىنەن سالۋدى قولعا العاندارىمەن ءتۇ­سىندىردى. «قالا اكىمدىگى شە­شى­مىن وزگەرتسىن. وزگەرتپەسە, قار­سى­لىق بىلدىرەمىز», دەگەن ەدى تۇرعىندار. شىنىمەن, ساياباق ەرەكشە قورعالاتىن اۋماقتا ورنالاسقان جانە ەكولوگيالىق قورعانىس فۋنكتسياسىن ورىنداپ تۇر. سوندىقتان دا بۇل اۋماققا قۇرىلىس نىساندارى سالىنبايدى. ماسەلە, ورماندى ساقتاپ قالۋدا عانا ەمەس, ونىڭ اۋماعىن اباتتاندىرۋدى, تۇرعىنداردىڭ دەمالۋىنا جاعداي جاساۋدى تاپسىرامىن, دەدى وبلىس باسشىسى قانات بوزىمباەۆ. فاريدا بىقاي, «ەگەمەن قازاقستان». پاۆلودار.