كەڭەستە قورعانىس ءمينيسترى, گەنەرال-پولكوۆنيك رۋسلان جاقسىلىقوۆ اسكەري قىزمەتتىڭ قاۋىپسىزدىگىن قامتاماسىز ەتۋدىڭ ماڭىزدىلىعىنا نازار اۋدارىپ, مەملەكەت باسشىسى قاسىم-جومارت توقاەۆتىڭ تاپسىرماسى اياسىندا قارۋلى كۇشتەردە قابىلدانىپ جاتقان شارالار تۋرالى حاباردار ەتتى.
ول قورعانىس ۆەدومستۆوسىنىڭ باستاماسى بويىنشا ورنى تولماس شىعىنداردى ازايتۋ, سۋيتسيدتەردىڭ الدىن الۋ جانە ازاماتتار مەن قوعامنىڭ ارمياعا دەگەن سەنىمىن ارتتىرۋعا جاعداي جاساۋ باعدارلاماسىن ازىرلەۋ بويىنشا جۇمىس توبى قۇرىلعانىن حابارلادى. قۇجاتتى دايىنداۋعا عىلىم, قۇقىق قورعاۋ ورگاندارى مەن ۇكىمەتتىك ەمەس ۇيىمداردىڭ وكىلدەرى تارتىلاتىن بولادى.
ۇيلەستىرۋ كەڭەسىنىڭ وتىرىسىنا باس اسكەري پروكۋراتۋرا, قورعانىس مينيسترلىگى, توتەنشە جاعدايلار مينيسترلىگى, مەملەكەتتىك كۇزەت قىزمەتى, شەكارا قىزمەتى, ۇلتتىق ۇلان باسشىلىعى, يندۋستريا جانە ينفراقۇرىلىمدىق دامۋ مينيسترلىگى, اتقارۋشى, قۇقىق قورعاۋ جانە ارنايى مەملەكەتتىك ورگانداردىڭ وكىلدەرى قاتىستى.
قارۋلى كۇشتەردىڭ ارسەنالدارى مەن قويمالارىندا قارۋ-جاراقتى, وق-دارىلەر مەن جارىلعىش زاتتاردى ساقتاۋ ماسەلەسىن قاراۋ كەزىندە قويمالار مەن اسكەري ينفراقۇرىلىمنىڭ, ءورت قاۋىپسىزدىگى مەن ديۆەرسياعا قارسى قورعانىستىڭ جاي-كۇيىنىڭ زور ماڭىزى بار ەكەنى اتاپ ءوتىلدى. وسىعان بايلانىستى وق-دارىلەر مەن قارۋ-جاراقتىڭ تيىسىنشە ساقتالماۋىنا بايلانىستى توتەنشە وقيعالاردىڭ الدىن الۋ جونىندە كەشەندى ءىس-شارالار قابىلداۋ قاجەتتىگى تۋرالى مالىمدەلدى.
قورعانىس ۆەدومستۆوسى «قاۋىپسىز ەل» ۇلتتىق جوباسىن ىسكە اسىرۋدا. بۇگىندە وق-دارىلەردى ساقتاۋ وبەكتىلەرىن سالۋ بويىنشا جۇمىستار جۇرگىزىلىپ, تەحنيكالىق جانە ۇيىمداستىرۋشىلىق سيپاتتاعى باسقا دا شارالار قابىلدانىپ جاتىر.
وتىرىس بارىسىندا اسكەري قىزمەتشىلەر اراسىندا قول جۇمساۋ جانە جارعىدان تىس ءوزارا قارىم-قاتىناس, جەكە قۇرامنىڭ جاراقاتتانۋى مەن قازا بولۋى فاكتىلەرىنىڭ الدىن الۋ جونىندەگى جۇمىستاردى كۇشەيتۋ قاجەتتىگىنە نازار اۋدارىلدى.
وتىرىستا قازاقستان رەسپۋبليكاسىنىڭ قارۋلى كۇشتەرىندە, باسقا دا اسكەرلەرى مەن اسكەري قۇرالىمدارىندا قۇقىق بۇزۋشىلىقتىڭ الدىن الۋدىڭ 2022-2024 جىلدارعا ارنالعان قولدانىستاعى باعدارلاماسىن دامىتۋ ماقساتىندا بىرقاتار شارا ۇسىنىلدى. الدىن الۋدىڭ پارمەندى قۇرالى اسكەري بولىمدەردىڭ اۋماعى مەن ءۇي-جايلارىن بەينەباقىلاۋمەن بارىنشا قامتۋ جانە قۇقىق بۇزۋشىلىقتىڭ الدىن الۋ سالاسىنداعى باسقا دا زاڭنامالىق ءىس-شارالاردى پىسىقتاۋ بولماق.
اسكەرگە شاقىرىلۋشىلاردىڭ, ساربازداردىڭ, ولاردىڭ اتا-انالارىنىڭ, سونداي-اق ارداگەرلەر مەن قازا تاپقان اسكەري قىزمەتشىلەردىڭ وتباسىلارىنىڭ قۇقىقتارىن قورعاۋ سالاسىندا قوعامدىق كەڭەس قۇرۋ ماسەلەسى قارالدى. اسكەردەگى وقيعالار تۋرالى قوعام مەن حالىقتى اقپاراتتاندىرۋدىڭ بىرىڭعاي الگوريتمىن قابىلداۋ قاجەتتىلىگى ايتىلدى. بۇل ءىس-شارالار قوعامنىڭ ارمياعا دەگەن سەنىمىن ارتتىرۋعا جانە ونىڭ بەدەلىن كوتەرۋگە وڭ ىقپال ەتەدى.
اسكەري ۇجىمداردا سالاماتتى احۋالدى قالىپتاستىرۋ, اسكەري قىزمەتشىلەردىڭ ورنى تولماس شىعىندارىن ازايتۋ ءبىلىم بەرۋ قۇرىلىمدارىنىڭ, پسيحولوگتەر مەن قۇقىق قورعاۋ ورگاندارىنىڭ لاۋازىمدى تۇلعالارى قىزمەتىنىڭ ماڭىزدى باسىمدىعى رەتىندە قاراستىرىلادى.
