قازاقستان • 24 ماۋسىم، 2022

قازاقستاندا كۇنباعىس مايى قىمباتتادى

22 رەت كورسەتىلدى

قازاقستان كۇنباعىس مايىن ەكسپورتتاۋشى ەل بولعانىنا قاراماستان، ونىڭ باعاسى ءبىر جىلدا 20%-عا قىمباتتاعان، دەپ حابارلايدى Egemen.kz.

ەnergyprom.kz دەرەكتەرىنە سايكەس، 2022 جىلدىڭ قاڭتار-مامىر ارالىعىندا 197،3 مىڭ توننا كۇنباعىس مايى وندىرىلگەن. بۇل وتكەن جىلعا قاراعاندا 29،6%-عا كوپ. ال تازارتىلماعان كۇنباعىس مايىنىڭ ءوندىرىسى ءبىر جىل بۇرىنعى كورسەتكىشتەن 61،3%-عا ارتىق بولسا، تازارتىلعان ءونىمنىڭ ءوندىرىسى بىلتىرعىدان 6،9%-عا از.

«تازارتىلماي ساتىلاتىن كۇنباعىس مايىنىڭ 78%-ىن شىعىس قازاقستان ءوڭىرى بەرىپ تۇر. ال تازارتىلعان كۇنباعىس مايىنىڭ 78%-ىن شىعىس قازاقستان وبلىسى (28،7 مىڭ توننا) مەن شىمكەنت قالاسى (22،6 مىڭ توننا) بەرگەن. اۋىل شارۋاشىلىعى مينيسترلىگى قازاقستان اۋماعىنان كۇنباعىس مايىن الىپ شىعۋعا 31 تامىزعا دەيىن شەكتەۋ قويدى. سول ارقىلى سەكتورداعى باعانى تۇراقتاندىرىپ، تاپشىلىقتىڭ الدىن الماقشى. ماۋسىم-شىلدە ايلارىندا كۇنباعىس مايىن شىعارۋ كۆوتاسى 68 مىڭ توننا بولىپ بەكىتىلدى»، دەپ جازادى ەnergyprom.kz ساراپشىلارى.

وتاندىق وندىرۋشىلەر 2022 جىلدىڭ اقپان-ءساۋىر ايلارىندا كۇنباعىسقا دەگەن سۇرانىستى 83،5%-عا ورىنداعان. ءوندىرىس كولەمى بىلتىرعىدان 16،9% ارتىق. وندىرىلگەن 149،1 مىڭ توننا مايدىڭ 66،3 مىڭ تونناسى سىرتقا ساتىلعان. بۇل بىلتىرعىدان 71،3% كوپ. ال ىشكى نارىقتا كۇنباعىس مايىنىڭ ساتىلىمى 0،6%-عا عانا ارتقان.

سوڭعى جاڭالىقتار

قازاقستاندا قانشا ادام ۆاكتسينا الدى

كوروناۆيرۋس • بۇگىن، 10:42

ۇقساس جاڭالىقتار