«قازىر مەملەكەتتىك گەولوگيالىق زەرتتەۋدى جانداندىرۋ قاجەتتىگى تۋىنداپ وتىر. بۇل رەتتە 2020-2022 جىلدارى گەولوگيالىق زەرتتەۋلەر جۇرگىزۋگە مەملەكەتتەن 25,8 ملرد تەڭگە قارجى ءبولىندى. الەمدىك تاجىريبەگە سۇيەنسەك, ينۆەستور ءوز قاراجاتىن بولجامدى رەسۋرسى بار, پەرسپەكتيۆالى بازاسى قالىپتاسقان جانە مەملەكەت ەسەبىنەن جۇرگىزىلەتىن كەن ورىندارىنا قۇيۋعا دايىن. وسىعان بايلانىستى مەملەكەت باسشىسىنىڭ تاپسىرماسىن ورىنداۋ بارىسىندا گەولوگيا سالاسىنىڭ الدىندا بىرنەشە مىندەت تۇر», دەدى سەرىكقالي برەكەشەۆ قر پارلامەنتى ماجىلىسىندە وتكەن گەولوگيا سالاسىن دامىتۋ تاقىرىبىنا ارنالعان دوڭگەلەك ۇستەل بارىسىندا.
ءمينيستردىڭ مالىمدەۋىنشە, الدىمەن گەولوگيالىق زەرتتەۋ كولەمىن ارتتىرىپ, بولاشاعى بار ۋچاسكەلەردى انىقتاۋ قاجەت.
«ەكىنشىدەن, گەولوگيانى عىلىم رەتىندە دامىتىپ, سالا ينفراقۇرىلىمىنا ءمان بەرۋ كەرەك. بۇل باعىتتاعى جۇمىس «قازاقستاندىقتاردىڭ ءال-اۋقاتىن ارتتىرۋعا باعىتتالعان ورنىقتى ەكونوميكالىق ءوسۋ» اتتى ۇلتتىق جوبانىڭ «گەولوگيا سالاسىن دامىتۋ» بويىنشا ءىس-شارالاردى ىسكە اسىرۋ شەڭبەرىندە ءجۇرىپ جاتىر. ۇشىنشىدەن, گەولوگيا سالاسىنداعى وندىرىستىك-تەحنولوگيالىق پروتسەستەردى تسيفرلاندىرۋ, اۆتوماتتاندىرۋ جۇيەسىنە كوشىرۋ قاجەت. تورتىنشىدەن, اتالعان سالاعا قۇيىلاتىن ينۆەستيتسيا تارتىمدىلىعىن ارتتىرىپ, مينەرالدىق-شيكىزات بازاسىن مولايتۋ ءۇشىن زاڭنامانى جەتىلدىرۋىمىز ءتيىس», دەدى ول.
ودان بولەك, ۆەدومستۆو باسشىسى قازاقستاندا گەولوگيا سالاسىن دامىتۋدىڭ 2026 جىلعا دەيىنگى تۇجىرىمداما جوباسى ازىرلەنگەنىن ايتتى.
ايانا توعانبەك
