جازعى ۋنيۆەرسيادانىڭ (2019) كۇمىس جۇلدەگەرى ناريمان قۇربانوۆ دوحاداعى سارى قۇرلىق بىرىنشىلىگىندە دە كۇمىس جۇلدە ەنشىلەدى. ات سناريادىندا ونەر كورسەتكەن وتانداسىمىز 14.800 ۇپايمەن ەكىنشى ورىنعا تابان تىرەدى. بۇل سىندا يوردانيالىق گيمناست (15.255) جەڭىسكە جەتسە, قىتايلىق سپورتشى (14.600) قولا مەدالعا يە بولدى. سونداي-اق 2019 جىلعى ازيا بىرىنشىلىگىنىڭ كۇمىس جۇلدەگەرى ميلاد كاريمي كەرمەدەگى جاتتىعۋدان 14.133 بالل جيناپ, قولا جۇلدەگەر اتاندى.
وسىلايشا, سپورتتىق گيمناستيكادان قازاقستان ۇلتتىق قۇراماسىنىڭ ەكى سپورتشىسى بيىل 28 قازان – 6 قاراشا ارالىعىندا ليۆەرپۋلدە ( ۇلىبريتانيا) وتەتىن الەم چەمپيوناتىنا جولداما الدى.
