جول جاعدايى ءجىتى نازاردا

ماڭعىستاۋ وبلىسىنداعى جال­پى قولدانىستاعى اۆتوموبيل جول­دارىنىڭ ۇزىندىعى 2 957 شا­قىرىمدى قۇراسا, رەسپۋبليكالىق ماڭىزى بار اۆتوجولدارىنىڭ جالپى ۇزىندىعى – 1 013 شا­قى­رىم. ماڭعىستاۋ ۇستىنەن رەس­پۋبليكالىق ماڭىزعا يە ۇزىندىعى 576 شاقىرىمعا سوزىلعان «دوس­سور – قۇلسارى – بەينەۋ – ساي-وتەس – شەتپە – جەتىباي – اق­تاۋ» اۆتوجولى, ۇزىندىعى 229 شا­قىرىم «جەتىباي – جاڭاوزەن – كەندىرلى – تۇرىكمەنستان شەكاراسى» اۆتوجولى, 59 شاقىرىم «اقتاۋ – قۇرىق» اۆتوجولى, 64 شاقىرىم «قۇرىق – جەتىباي» اۆتوجولى, 85 شاقىرىم «بەينەۋ – اقجىگىت – وزبەكستان شەكاراسى» اۆتوجولى وتەدى. وبلىستاعى رەسپۋبليكالىق ماڭىزداعى اۆتوموبيل جولدارىن كۇتىپ ۇستاۋ جۇمىستارىمەن «قازاقاۆتوجول» جشس وبلىستىق فيليالى اينالىسادى. سەرىكتەستىكتىڭ وزىندەگى 3, سونداي-اق بەينەۋ اۋدانىنداعى 5, شەتپەدەگى 58, اقتاۋ قالاسىنداعى 59 «جول پايدالانۋ» بولىمدەرىنىڭ قاتاڭ قاداعالاۋى نەگىزىندە جول ساپاسى تالاپقا ساي. ماڭعىستاۋ وبلىستىق «قازاقاۆتوجول» جشس فيليالىندا 58 تەحنيكا, 100-گە تارتا ادام جۇمىس ىستەيدى.

2021 جىلى «كەشەندى-ماق­ساتتى باعدارلاما» اياسىندا رەس­پۋبليكالىق ماڭىزى بار اۆتو­موبيل جولدارىندا جول قا­ۋىپسىزدىگىن قامتاماسىز ەتۋ ءۇشىن 5 477 شارشى مەتردى قۇرايتىن شۇڭقىرلاردى جوندەۋ, 300 دانا جول بەلگىلەرى, 18 دانا پاننو,

1 019 دانا سيگنال باعانالار, 2 500 مەتر قورشاۋلاردى ورناتۋ جانە جوندەۋ, اۆتوجولداردىڭ بارلىق جەلىسىندە جول تاڭباسىن سىزۋ, 37 دانا اۆتوپاۆيلونداردى جوندەۋ بويىنشا جۇمىستار اتقارىلعان. سونداي-اق رەسپۋبليكالىق ماڭىزى بار اۆتوموبيل جولدارىندا جول قاۋىپسىزدىگىن قامتاماسىز ەتۋ ءۇشىن 8 609 مەتر جارىقتاردى بىتەۋ, 40 دانا جول بەلگىلەرىن اۋىستىرۋ, 318 مەتر قورشاۋلاردى ورناتۋ جانە جوندەۋ, 300 دانا كاتافوتتار ورناتۋ بويىنشا جۇمىس جۇرگىزىلدى جانە ءالى دە جالعاسۋدا.

ال 2021 جىلدىڭ قورىتىندىسى بويىنشا جەرگىلىكتى ماڭىزداعى اۆتو­موبيل جولدارىنىڭ جاق­سى جانە قاناعاتتانارلىق جاعداي­دا­عى ۇلەسى 95 پايىزدى قۇراپ وتىر.

جىل باسىنان بەرى 201,3 شا­قى­رىمدى قامتيتىن وبلىستىق جانە اۋداندىق ماڭىزداعى جول­دارداعى 12 جوبانىڭ جۇمى­سىنا رەسپۋبليكالىق جانە جەرگىلىكتى بيۋدجەتتەن 6 120,5 ملن تەڭگە قول­داۋ كورسەتىلدى. ونىڭ ىشىندە اق­تاۋ قالاسى اۋماعىندا وبلىستىق ما­ڭىزداعى «ماەك» سۋ جيناۋ كانالىنان «قۇرىق» پارومدى كە­شەنىنە دەيىنگى 27 شاقىرىم اۆتوموبيل جولىن رەكونسترۋكتسيالاۋ, «حوندا» ورتالىعىنان ومىر­زاق اۋىلىنا دەيىنگى 4,5 شاقى­رىمدىق جول, اقتاۋ قالاسىنىڭ ومىرزاق ەلدى مەكەنىنەن «جىلى جاعاجايعا» دەيىنگى 4,6 شاقى­رىم اۆتوموبيل جولىنىڭ قۇرى­لىسى بويىنشا جۇمىس جۇر­گىزىلۋدە. ماڭعىستاۋ اۋدانىندا ۇزىندىعى 29 شاقىرىمعا سو­زىلعان «جىڭعىلدى – شايىر – شەرقالا», «شەتپە – قىزان» جولىنداعى 36 شاقىرىمدىق تاس­مۇرىن – ماستەك ۋچاسكەسى, «شەتپە – قىزان» 25 شاقىرىمعا سوزىلعان ماستەك – قىزان ۋچاسكەسى جوبالارى ىسكە اسۋدا.

مۇنايلى اۋدانى بويىنشا اتامەكەن اۋىلىنداعى اۋداندىق ماڭىزى بار 3 شاقىرىم اۆتوموبيل جولىن رەكونسترۋكتسيالاۋ, باسقۇدىق اۋىلىنان ماڭعىستاۋ اۋىلىنا دەيىنگى 10 شاقىرىم اۆتوموبيل جولى, 4,3 شاقىرىم مۇنايلى اۋدانى باسقۇدىق

اۋى­لىن­داعى اۆتوكولىك جولىنىڭ قۇ­رى­­لىسى جوبالارى ىسكە اسىرىلۋدا.

– «ماەك» سۋ العىشىنان قۇرىق تەڭىز پورتىنا دەيىنگى 31 شاقىرىم اۆتوموبيل جولىن رەكونسترۋكتسيالاۋ, اقتاۋ – قا­لام­قاس جانە تاۋشىق – شەتپە اۆتو­جولدارىنداعى جاساندى قۇرى­لىستاردى رەكونسترۋكتسيا­لاۋ, 3 كەزەڭ جوبالارىنىڭ جۇمىستارىن باستاۋ جوسپارلانۋدا. سونداي-اق «اۋىل – ەل بەسىگى» باعدارلاماسى اياسىندا 2021 جىلدان وتپەلى 10 جوبا بويىنشا 8 اۋىلدىڭ جالپى ۇزىندىعى 45,3 شاقىرىم اۋىلىشىلىك جولدارىنا قۇرىلىس جۇمىستارى جۇرگىزىلۋدە. اتاپ ايت­قاندا, بەينەۋ اۋدانى, اقجى­گىت اۋىلى, №2 ايماق مەكەنجايى بويىنشا اۆتوموبيل جولىن سالۋ, قاراقيا اۋدانى قۇ­رىق اۋىلىنداعى كەنتىشىلىك اۆتو­موبيل جولدارىن سالۋ, جىڭ­عىلدى اۋىلىنداعى اۆتوموبيل جولىنىڭ قۇرىلىسى, بايان­دى اۋىلىنداعى №3 ورتا مەك­تەپكە كىرەبەرىس اۆتوموبيل جولىنىڭ قۇرىلىسى, مۇنايلى اۋدانى باسقۇدىق اۋىلىنداعى اۆتوموبيل جولىنىڭ قۇرىلىسى, مۇنايلى اۋدانىنىڭ اداي اۆتوبازاسىنان باياندى اۋىلىنا دەيىنگى اۆتوجولدىڭ سىرتقى ەلەكتر جارىعىن سالۋ, تۇپقاراعان اۋدا­نىنىڭ س.شاپاعاتوۆ اۋىلىن­دا (جوعارعى بولىگى) اۋىل­ىشى­لىك اۆتوموبيل جولىن سالۋ, تۇپ­قاراعان اۋدانىنىڭ س.شاپا­عا­توۆ اۋىلىنىڭ تومەنگى بولى­گىن­دە اۋىلىشىلىك اۆتوموبيل جولىن سالۋ, دەيدى جولعا قاتىستى ات­قا­رىلاتىن جۇمىستار تۋرالى ماڭ­عىستاۋ وبلىسى بويىنشا جولاۋ­شىلار كولىگى جانە اۆتوموبيل جولدارى باسقارماسىنىڭ باسشىسى ادايبەك قاليەۆ.

باسقارما باسشىسىنىڭ ايتۋىن­شا, اتالعان جۇمىستارعا رەس­پۋبليكالىق جانە جەرگىلىكتى بيۋدجەتتەن 985,4 ملن تەڭگە بو­لىنگەن. بۇدان باسقا بىرقاتار جولدى جوندەۋ ءۇشىن مەملەكەتتىك ساتىپ الۋ جۇمىستارىن ۇيىمداستىرۋ جانە قورىتىندىسىن شىعارۋ بو­يىن­شا جانە «مونو جانە شاعىن قالالاردا ينجەنەرلىك جانە كولىك ينفراقۇرىلىمىن دامىتۋ» باع­دارلاماسىمەن جاڭاوزەن جانە فورت-شەۆچەنكو قالالارىندا جۇزەگە اسىرىلىپ جاتقان جالپى ۇزىن­دىعى 24 شاقىرىم بولاتىن 4 جو­باعا بيۋدجەتتەن 653,9 ملن تەڭ­گە ءبولىنىپ, جۇمىستار جۇرگىزىلۋدە.

– رەسپۋبليكالىق بيۋدجەتتىڭ ناقتىلاۋىندا قوسىمشا جاڭاوزەن قالاسىنىڭ «مۇنايلى» جانە «اقبۇلاق» شاعىن اۋداندارىنىڭ قالاىشىلىك اۆتوموبيل جولدارىن سالۋ, جاڭاوزەن قالاسىنىڭ «استانا» شاعىن اۋدانىنداعى قالاىشىلىك اۆتوموبيل جولدارىن سالۋ جانە «جاڭاوزەن قالاسىنىڭ «اقسۋ» شاعىن اۋدانىنداعى اۆتوموبيل جولدارىنىڭ قۇرىلىسى – تۇزەتۋ» جوبالارىنا 468 ملن تەڭگە قولداۋ كورسەتىلدى. قازىرگى تاڭدا مەملەكەتتىك ساتىپ الۋ جۇمىس­تارى باستالدى. سونىمەن قاتار «وڭىر­لەردى 2025 جىلعا دەيىن دامىتۋ-وبلىس ورتالىقتارى» باع­دارلاماسى اياسىندا وسى جىلى اقتاۋ قالاسىنىڭ 19ا جانە 33 ش/ا اراسىنداعى ۇزىندىعى 0,835 شاقىرىم قولدانىستاعى №25 اۆتوجولدى كەڭەيتۋ جانە اقتاۋ قالاسىنداعى №15 جولعا ت ءتارىزدى جالعاسقان №7 جولدى كەڭەيتۋ جوبالارىنا رەسپۋبليكالىق بيۋدجەتتەن 217,7 ملن تەڭگە قولداۋ كور­­سەتىلدى. اتالعان جوبالارعا مەم­­لەكەتتىك ساتىپ الۋ كونكۋرستارىن باستاۋ جۇمىستارى جۇرۋدە, دەي­دى باسقارما باسشىسى.

تەڭىز قاقپاسى سانالاتىن ماڭ­­عىستاۋدا جول جاعدايى جامان ەمەس. بۇعان دەيىنگى بىتكەن جۇمىستار مەن ەندى اتقارىلاتىن جۇمىستار بۇل جاعدايدى ودان ءارى نىعايتا تۇسەدى دەپ ويلايمىز.

ماڭعىستاۋ وبلىسى