وبلىستىق تجد مالىمەتىنشە, كۋاگەر 102 قىزمەتىنە قوڭىراۋ شالىپ, تۇرعىن ءۇي اشىق جالىنمەن جانىپ جاتقانىن حابارلادى.
وقيعا ورنىنا جىتىقارا قالاسىنىڭ 12-ءوسب كۇشتەرى مەن قۇرالدارى, قۇرامىندا بەس قىزمەتكەر, ەكى بىرلىك تەحنيكا, سونداي-اق جىتىقارا اۋدانىنىڭ باسقا دا شۇعىل قىزمەتتەرىنىڭ وكىلدەرى جىبەرىلدى.
وقيعا ورنىنا جەتكەن ءورت سوندىرۋشىلەر اعاش ۆەراندا, ءىشىنارا كىرەبەرىس جانە ءۇيدىڭ بارلىق پەريمەترى بويىنشا سوزىلعان توبە اشىق جالىنمەن جانىپ جاتقانىن انىقتادى.
«وقيعا ورنىندا ءۇي يەسىنىڭ, ونىڭ ۇلىنىڭ, قىزىنىڭ جانە ەكى جاسار نەمەرەسىنىڭ دەنەسى تابىلدى. ءورتتىڭ شىعۋ سەبەپتەرى انىقتالىپ جاتىر», دەلىنگەن حابارلامادا.
