شاراعا ارمەنيانىڭ ۇكىمەت باسشىسى نيكول پاشينيان, بەلارۋس ۇكىمەتىنىڭ باسشىسى رومان گولوۆچەنكو, قىرعىزستاننىڭ ۇكىمەت باسشىسى اكىلبەك جاپاروۆ, رەسەيدىڭ ۇكىمەت باسشىسى ميحايل ميشۋستين, ەۋرازيالىق ەكونوميكالىق كوميسسيا القاسىنىڭ توراعاسى ميحايل مياسنيكوۆيچ جانە باسقالارى قاتىسادى دەپ كۇتىلۋدە.
شاعىن جانە كەڭەيتىلگەن قۇرامدا وتەتىن كەڭەس وتىرىستارىندا ەۋرازيالىق ەكونوميكالىق وداقتىڭ بىرىكتىرىلگەن اقپاراتتىق جۇيەسىن دامىتۋ, تاۋارلاردى تاڭبالاۋدى جۇرگىزۋ, الكوگول نارىعىن رەتتەۋ جانە ەلەكتروندىق ساۋدا كەزىندە سالىق سالۋ ماسەلەلەرىن تالقىلاۋ جوسپارلانىپ وتىر.
سونداي-اق, «شىعىس-باتىس» جانە «سولتۇستىك-وڭتۇستىك» باعىتتارىندا, ونىڭ ىشىندە قىتايدىڭ ء«بىر بەلدەۋ, ءبىر جول» باستاماسى اياسىندا ەاەو-نىڭ كولىك ينفراقۇرىلىمىن دامىتۋ, ونەركاسىپتىڭ جوعارى تەحنولوگيالىق سالالارىنداعى كووپەراتسيا, تۇتىنۋشىلاردىڭ قۇقىقتارىن قورعاۋ سالاسىنداعى بىرلەسكەن ءىس-قيمىل باعدارلاماسى, ترانسشەكارالىق نارىقتارداعى باسەكەلەستىكتىڭ جاي-كۇيى جانە باسقا دا بىرقاتار ماسەلە تالقىلانادى.
