«امەريكا قۇراما شتاتتارى قر پرەزيدەنتى قاسىم-جومارت توقاەۆتىڭ ساياسي جاڭعىرۋ جانە ادام قۇقىقتارىن قورعاۋ جۇيەسىن جەتىلدىرۋ جونىندەگى رەفورمالارىن تولىق قولدايدى. سونداي-اق 5 ماۋسىمدا وتكەن رەفەرەندۋمدى وسى باعىتتى ىلگەرلەتۋدەگى كەزەكتى قادام رەتىندە باعالايدى. ءبىز قازاقستانعا مەملەكەتتىك باسقارۋ جۇيەسىن دەموكراتيالاندىرۋدىڭ, اشىق جانە حالىق ۇنىنە قۇلاق اساتىن ينستيتۋتتار قۇرۋدىڭ, سونداي-اق دەربەس ازاماتتىق قوعاممەن بىرلەسىپ ادام قۇقىقتارىن قورعاۋ سالاسىن كۇشەيتۋ ءۇشىن كومەكتەسۋگە دايىنبىز», دەلىنگەن اقش مەملەكەتتىك حاتشىسىنىڭ ازاماتتىق قاۋىپسىزدىك, دەموكراتيا جانە ادام قۇقىقتارى جونىندەگى ورىنباسارى ۋزرا زەيان جولداعان حاتتا.
ۋزرا زەيان حاتتى قر پرەزيدەنتىنىڭ حالىقارالىق ىنتىماقتاستىق جونىندەگى ارنايى وكىلى ەرجان قازىحانعا جولداعان.
قۇجاتتا اقش دەموكراتيالىق, جاۋاپتى جانە ەسەپ بەرەتىن مەملەكەتتىك باسقارۋ جولىنداعى ديالوگتى جالعاستىرۋعا تىلەكتەستىك بىلدىرگەن.
