«باقىتتى وتباسى» باعدارلاماسىنا قاتىسۋ تۋرالى ءوتىنىم otbasybank.kz پلاتفورماسىندا 20 ماۋسىم مەن 19 شىلدە ارالىعىندا قابىلدانادى. ول ءۇشىن وتباسى بانك كليەنتى بولۋ قاجەت جانە اۋتەنتيفيكاتسيا كودىن الۋ ءۇشىن قولدا ۇيالى تەلەفون بولۋى كەرەك. قوسىمشا انىقتامالار مەن قۇجاتتار قاجەت ەمەس. جۇيە ۇمىتكەردىڭ دەرەكتەرىن تەكسەرىپ, ءوتىنىش قالىپتاستىرادى.
باعدارلاماعا قاتىسۋ ءۇشىن جەرگىلىكتى ورگاندا تۇرعىن ءۇي كەزەگىندە تۇرۋ قاجەت. ءوتىنىم بەرە الاتىن ساناتتار:
- كوپبالالى وتباسى;
- مۇمكىندىگى شەكتەۋلى بالا تاربيەلەپ وتىرعان وتباسى;
- تولىق ەمەس وتباسى (نەكە بۇزىلعان ساتتەن باستاپ كەمىندە 3 جىل ءوتۋى كەرەك).
بانكتىڭ حابارلاۋىنشا, وتكەن جىلى «باقىتتى وتباسى» باعدارلاماسى بويىنشا ءوتىنىم بەرگەن, الايدا باسپانا الماعان ازاماتتار بيىل ءوتىنىمدى قايتا بەرۋى قاجەت.
ءوتىنىم قابىلداۋ اياقتالعاننان كەيىن قاتىسۋشىلاردىڭ نەگىزگى جانە رەزەرۆتىك تىزىمدەرى اۆتوماتتى تۇردە قالىپتاستىرىلادى. تىزىمدەرگە ءبولۋ كەزىندە قاتىسۋشىلاردىڭ جەرگىلىكتى اكىمدىكتە كەزەككە تۇرۋ كۇنى مەن ساناتى ەسكەرىلەدى. كونكۋرس ناتيجەلەرى otbasybank.kz پورتالىنا ورناستىرىلادى.
«2022 جىلى «باقىتتى وتباسى» باعدارلاماسى بويىنشا 5 مىڭنان استام وتباسىعا نەسيە بەرۋدى جوسپارلاپ وتىرمىز. قازىردىڭ وزىندە وتباسى بانككە 51 ملرد تەڭگە كولەمىندە قاراجات ءتۇستى. بيىل ليميتتەردى باعدارلاماعا قاتىسۋشىلار اراسىندا ءبولۋ كەزىندە باسىمدىق وتكەن جىلداعىداي, مۇمكىندىگى شەكتەۋلى بالالاردى تاربيەلەپ وتىرعان وتباسىلارعا بەرىلەدى», دەپ ءتۇسىندىردى «وتباسى بانك» اق باسقارما ءتورايىمى ءلاززات يبراگيموۆا.
ايتا كەتسەك, بۇگىنگە دەيىن «باقىتتى وتباسى» باعدارلاماسىمەن 14 500 قازاقستاندىق باسپانالى.
