ۆەدومستۆو اتاپ وتكەندەي, 9 ساۋىردە ۆەتەرينارلىق قىزمەتكە قارابالىق اۋدانىنىڭ توعىزاق, ۆەرەنكا, سميرنوۆكا جانە ميحايلوۆكا ەلدى مەكەندەرىندە قۇستاردا نيۋكاسل اۋرۋىنا ۇقساس كلينيكالىق بەلگىلەر بايقالعانى تۋرالى حابارلامالار تۇسە باستاعان.
«اۋداننىڭ ۆەتەرينارلىق قىزمەتى اۋرۋ قۇستىڭ بيولوگيالىق جانە پاتولوگيالىق ماتەريالدارىن جيناپ, نيۋكاسل اۋرۋىنا تەكسەرۋ ءۇشىن نۇر-سۇلتان قالاسىنىڭ ۆەتەريناريا جونىندەگى ۇلتتىق رەفەرەنتتىك ورتالىعىنا جىبەردى. قۇس اۋرۋى تىركەلگەن جەكە قوسالقى شارۋاشىلىقتاردا قارابالىق اۋدانىنىڭ ۆەتەرينارلىق ستانتسياسى اۋرۋدىڭ تارالۋىنا توسقاۋىل قويۋ ماقساتىندا قورا-قوپسى مەن اۋلالاردى دەزينفەكتسيالاپ, 1444 باس قۇسقا پروفيلاكتيكالىق ەكپە سالدى. قۇستاردى قايتا ۆاكتسينالاۋ العاشقى ەكپەدەن كەيىن ەكى اپتادان سوڭ قاراستىرىلعان», دەپ ءتۇسىندىردى ۆەتەريناريا باسقارماسىنان.
ۆەدومستۆو حابارلاعانداي, 9 ماۋسىمنان بەرى وڭىردە قۇس اۋرۋى تىركەلگەن جوق. فەدوروۆ اۋدانىنا كەلسەك, ۆەتەرينارلىق قىزمەتتىڭ مالىمەتى بويىنشا قۇستاردىڭ جاپپاي قىرىلۋى تىركەلمەگەن. قۇستاردىڭ ءولۋ فاكتىلەرىن تۇرعىندار اۋداندىق ۆەتەريناريا قىزمەتىنە حابارلاعان جوق.
الدىن الا اقپاراتقا سايكەس, 15 ماۋسىمدا لەنينو اۋىلىندا 3 قۇس ولگەن.
