«ەكونوميكالىق ءوسىمنىڭ سەنىمدى كوزى – بۇل ساپالى ادامي كاپيتال مەن سىندارلى مادەنيەتارالىق ديالوگ. بۇۇ جاريالاعان حالىقارالىق مادەنيەتتەردىڭ جاقىنداسۋ ون جىلدىعى اياسىندا ءبىز ەلىمىزدىڭ مادەني الۋانتۇرلىلىگىن ساقتاۋ جانە حالىقارالىق دەڭگەيدە وركەنيەتارالىق ديالوگتى ىلگەرىلەتۋ ساياساتىن جالعاستىرامىز. وسى جىلدىڭ قىركۇيەك ايىندا ەلوردامىزدا الەمدىك جانە ءداستۇرلى دىندەر كوشباسشىلارىنىڭ كەزەكتى سەزى وتەدى. ءبىز بۇل فورۋمنىڭ جۇمىسىنا رەسەيدەن ءدىني جەتەكشىلەردىڭ قاتىسۋىن قۇپتايمىز», دەدى مەملەكەت باسشىسى.
قاسىم-جومارت توقاەۆ قازاقستاندا جەتەكشى شەتەلدىك ۋنيۆەرسيتەتتەردىڭ قاتىسۋىمەن جوعارى ءبىلىم بەرۋ جۇيەسىن بەلسەندى تۇردە قايتا فورماتتاۋ جۇرگىزىلىپ جاتقانىن ايتتى.
«قازاقستان-رەسەي ىنتىماقتاستىعىنىڭ داستۇرلەرىن نىعايتۋ تۇرعىسىنان حالىقارالىق اكادەميالىق بايلانىستاردى تەرەڭدەتۋ ەرەكشە ماڭىزعا يە. بىرقاتار بىرلەسكەن ءبىلىم بەرۋ جانە مادەني باستامالاردى ءساتتى جۇزەگە اسىرۋ ەلدەرىمىزدىڭ پروگرەسسيۆتى ەكونوميكالىق دامۋىنا ەلەۋلى ۇلەس قوساتىنىنا سەنىمدىمىن», دەدى قر پرەزيدەنتى.
