پرەزيدەنت قاسىم-جومارت توقاەۆ ءوزىنىڭ حالىققا ارناعان جولداۋىندا دا ۇلىتاۋدىڭ تاۋەلسىز قازاقستان ءۇشىن ورنى بولەك ءوڭىر ەكەنىن اتاپ وتكەن بولاتىن. راسىندا دا, سولاي ەكەنىنە ەشكىم كۇمان كەلتىرمەس.
ۇلتتىق قۇرىلتايدىڭ قۇرىلعانى ەلىمىز ءۇشىن ەڭ ماڭىزدى ءارى تاريحي وقيعا دەپ تولىققاندى ايتۋعا بولادى. ويتكەنى پرەزيدەنت جانىنان قۇرىلعان بۇل كونسۋلتاتيۆتىك ورگاننىڭ ماقسات-مىندەتتەرى دالا دەموكراتياسىنىڭ قاعيداتتارىنا ساي كەلىپ تۇر. جالپى, مۇنداي باسقوسۋلاردا ەلدىك ماسەلەلەر نازاردان تىس قالمايتىنى الىمساقتان ايان. نەگە دەسەڭىز, تاريحتان تامىر تارتقان شاھارداعى ۇلتتىق قۇرىلتايدان الەۋمەت ماڭىزدى شەشىمدەر كۇتەتىنى ايتپاسا دا تۇسىنىكتى.
ءبىر بەلگىلىسى, ۇلكەن اۋقىمداعى قۇرىلتاي ىشكى جانە سىرتقى ساياساتتى تۇگەلدەي قامتيتىنى تالاس تۋدىرمايدى. ساراپشى رەتىندە ەلىمىزدەن باستاپ, حالىقارالىق دەڭگەيدەگى ماسەلەلەر قاي كەزدە دە ماڭىزدى ەكەنىن سەزىنەمىن. البەتتە, ءبىرىنشى كەزەكتە جينالعاندار ءوز پىكىرىن ايتا جاتار. قالاي دەسەك تە, مەنىڭ ويىمشا, ءبىرىنشى كەزەكتە ادام قۇقىقتارىن قورعاۋ, الەۋمەتتىڭ جاعدايىن وڭالتۋ, مەملەكەتتىڭ تۇراقتىلىعىن قالىپتاستىرۋ, ۇلتتىق قاۋىپسىزدىك ماسەلەلەرىنە دەيىن قامتىلۋعا ءتيىس.
ۇلتتىق قۇرىلتايدا وزەكتى ماسەلەلەر ايتىلىپ قانا قويماي, قوعامداعى كەلەڭسىزدىكتەردىڭ وڭ شەشىم تابۋىنا سەپتەسەدى. قىسقاسى, قازاق ەلى ءۇشىن تاعدىرشەشتى كەزەڭدە قولعا الىنعان ۇلتتىق قۇرىلتايدىڭ العاشقى وتىرىسى مەملەكەتتىڭ, ەلدىڭ بولاشاعىنىڭ جارقىن بولۋىنا جول اشسا دەگەن تىلەك بار.
مارات ءباشىموۆ,
ەۋروپالىق قۇقىق جانە ادام قۇقىقتارى ساراپتامالىق ينستيتۋتىنىڭ ديرەكتورى
