ەنەرگەتيكا مينيسترلىگىنىڭ مالىمەتىنشە, جۇيەگە قازىردىڭ وزىندە 25 مۇناي ءوندىرۋشى ۇيىم, 4 مۇناي تاسىمالداۋشى كومپانيا جانە 3 مۇناي وڭدەۋ زاۋىتى قوسىلدى. قازىر قالعان ءوندىرۋشى كومپانيالاردى جۇيەگە قوسۋ جۇمىستارى جۇرگىزىلىپ جاتىر.
«اقپاراتتىق جۇيەنى قۇرۋ جانە ەنگىزۋ جۇمىستارى «تسيفرلىق قازاقستان» باعدارلاماسى مەن «تسيفرلاندىرۋ, عىلىم جانە يننوۆاتسيالار ەسەبىنەن تەحنولوگيالىق سەرپىلىس» ۇلتتىق جوباسى شەڭبەرىندە ەنەرگەتيكا جانە تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىكتەرىنىڭ باسشىلىعىمەن جۇرگىزىلدى. اقپاراتتىق جۇيە مۇنايدى دايىنداۋ, وڭدەۋ جانە تاسىمالداۋ كەزەڭدەرىندە ەسەپكە الۋ اسپاپتارىنان دەرەكتەر جيناۋدى اۆتوماتتاندىرادى. دەرەكتەردى بەرۋ اۆتوماتتى رەجيمدە جۇزەگە اسادى», دەپ مالىمدەدى ۆەدومستۆو وكىلدەرى.
مۇناي مەن گاز كوندەنساتىن ەسەپكە الۋدىڭ اقپاراتتىق جۇيەسىنە ەنگىزۋدىڭ نەگىزگى كورسەتكىشتەرى:
- جەدەل دەرەكتەر نەگىزىندە مەملەكەتتىك دەڭگەيدە باسقارۋشىلىق شەشىمدەر قابىلداۋدى قولداۋ;
- شيكى مۇناي مەن گاز كوندەنساتىنىڭ اينالىمىن بولجاۋ;
- ەسەپكە الۋ اسپاپتارىنان الىنعان دەرەكتەر نەگىزىندە ەسەپتەردى اۆتوماتتى قالىپتاستىرۋ.
«بۇدان باسقا ەسەپتەۋ اسپاپتارىنان دەرەكتەردى اۆتوماتتى تۇردە جيناۋ جەر قويناۋىن پايدالانۋشىلارعا كۇندەلىكتى ەسەپتىلىكتى قولمەن تاپسىرۋ شىعىستارىن قىسقارتۋعا, سونداي-اق ادامي فاكتوردى الىپ تاستاۋعا بايلانىستى دەرەكتەردى دۇرىس ەنگىزبەۋ تاۋەكەلدەرىن بارىنشا ازايتۋعا مۇمكىندىك بەرەدى», دەلىنگەن حابارلامادا.
