ريددەردەگى الىپ قازانشۇڭقىر جابىلدى

وسكەمەن. 23 ءساۋىر. شىعىس قازاقستان وبلىسى ريددەر قالاسىندا تەحنوگەندى اپاتتىڭ سالدارىنان ورىن العان الىپ قازانشۇڭقىر تولىعىمەن جويىلدى. بۇل تۋرالى Egemen.kz ءتىلشىسى حابارلادى. ەكى اپتا ىشىندە الىپ قازانشۇڭقىر بەتونمەن تولتىرىلىپ, زارداپ شەككەن 58 وتباسىنا 6 ملن. 900 مىڭ تەڭگە كولەمىندە ماتەريالدىق كومەك كورسەتىلدى», دەدى «قازتسينك» جشس ۆيتسە-پرەزيدەنتى اندرەي لازارەۆ. اپات ورىن العان «القاپ» كوشەسىن اتالعان كاسىپورىن الداعى ۋاقىتتا كورىكتەندىرۋگە, جول سالىپ, جارىقتاندىرۋعا ۋادە بەرىپ وتىر. مۇندا تۇرعىنداردىڭ تىلەگىنە وراي بالالار وينايتىن الاڭ نەمەسە سپورت الاڭى سالىناتىن بولادى. اپات سالدارىن جويۋ جۇمىستارىمەن تانىسقان وبلىس باسشىسى بەردىبەك ساپارباەۆ تۇرعىندارمەن كەزدەسىپ, ارنايى كوميسسيا قۇرامىندا ءتيىستى ماماندارمەن بىرگە ولاردىڭ دا بولۋى كەرەكتىگىن تاپسىردى. (وسىعان بايلانىستى ماتەريالدىڭ تولىق نۇسقاسىن گازەتىمىزدىڭ الداعى نومىرلەرىنەن وقي الاسىزدار). دۋمان اناش. دەرەككوز: Egemen.kz. فوتو: yk-news.kz.