پرەزيدەنت قاسىم-جومارت توقاەۆ شەتەلدىك ينۆەستورلار كەڭەسىنىڭ 34-وتىرىسى قارساڭىندا «Fortescue Future Industries» كومپانياسىنىڭ نەگىزىن قالاۋشى ءارى ديرەكتورلار كەڭەسىنىڭ توراعاسى ەندريۋ فوررەستى, سونداي-اق «پوليمەتالل ۋك» اكتسيونەرلىك قوعامىنىڭ پرەزيدەنتى يگور فينوگەنوۆتى قابىلدادى.
ەندريۋ فوررەستپەن كەزدەسۋ بارىسىندا كومىرتەگىن از پايدالانا وتىرىپ دامۋ ماسەلەسى تالقىلاندى. بۇل – قازاقستاننىڭ ستراتەگيالىق ماقساتتارىنىڭ ءبىرى.
«Fortescue Future Industries» كومپانياسى ديرەكتورلار كەڭەسىنىڭ توراعاسى پرەزيدەنتكە كومپانيانىڭ ەلىمىزدەگى جەل ەنەرگەتيكاسى جانە جاسىل سۋتەگىن ءوندىرۋ جوبالارىنا ينۆەستيتسيا سالۋ جوسپارى تۋرالى ايتتى.
يگور فينوگەنوۆ قاسىم-جومارت توقاەۆقا الەمدەگى ءىرى تاۋ-كەن جانە التىن ءوندىرۋشى كومپانيالاردىڭ قاتارىنا كىرەتىن «پوليمەتالل ۋك» اكتسيونەرلىك قوعامىنىڭ جۇمىسى تۋرالى مالىمەت بەردى.
كاسىپكەر مەملەكەت باسشىسىنا گەولوگيالىق بارلاۋ جۇمىستارىن جۇرگىزۋ جانە كۇن ەلەكتر ستانتسيالارىن سالۋ جونىندەگى جوسپارىن ايتتى.
